الأعضاء الإشتراك و التسجيل

الملتقيات
ADs

مساعدة تكفوون الي يدخل يرد او يرفع الموضوع

مساعدة تكفوون الي يدخل يرد او يرفع الموضوع


NOTICE

تنبيه: هذا الموضوع قديم. تم طرحه قبل 2362 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية حلم عاابر
    حلم عاابر

    مبتعث جديد New Member

    حلم عاابر الولايات المتحدة الأمريكية

    حلم عاابر , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى طبيعي , بجامعة ما اعرف
    • ما اعرف
    • طبيعي
    • ذكر
    • ما اعرف, الرياض
    • السعودية
    • Oct 2010
    المزيدl

    June 27th, 2011, 04:38 AM

    السلام عليكم
    كيفكم شباب وصبايا عساكم طيبين

    حبيت اسأل عن ولاية الصراحة راسي داخ وانا ادور
    ولاية اوريغن ممتازة لكن المشكله ملياانه عرب بشكل عالي < < حسب ماسمعت يعني ماراح استفيد لغة .
    ابي ولاية تكون :
    1- آمنة ونسبة السود شبه منعدمه < اتوقع مستحيل ويكونوا السكان فريند لي (ودودين)
    2- الجو يكون حلو ومناظر كويسه .
    3- مو غالية يعني مكافأة البعثة تكفيني .
    4- السياحة بالويكند يعني اماكن سياحيه حلوة
    5- يكون فيها نادي للطلاب السعوديين .

    على فكرة انا اتوقع اروح ع حسابي بعدين التحق بالبعثة .
    سؤال / وش رايكم بتخصص ادارة موارد بشرية وهل فيه ابتعاث بكالوريس لهذا التخصص << معليش السؤال شاطح
    وافضل طيران ؟؟
    بالنهاية الله يوفق الجميع
  2. والله ياخي انا طالع لأوريقون بإذن الله .. ومن ناحية سعوديين فـ مابعد جربت

    عموما .. إذا تبي ولاية بالمواصفات اللي أنت قلت شوف الولايات الشمالية .. بس ترى عيبها البرودة ..

    وتخصص الموارد البشرية روعة .. بس مسألة هل هو معتمد والا إلا ماعندي خلفية للأسف ..
    أفضل طيران تطلع عليه من هنا لأمريكا هو الخطوط السعودية وتحجز من بدري على الرحلات التشجيعية عشان يكون السعر رخيص .. وبعدين عشان تنزل مع طلاب البعثة وتستقبلكم الملحقية مرة وحدة ..



    والله يوفقنا وإياك لكل خير ..
    7 "
  3. والله ي حبيبي ما اكذب عليك ، انا الحمد لله الكلاس حقي 10 سعوديين 1 اماراتي 4 جنسيات مختلفه
    صحيح ان الكلاس سعوي بحت ناس جايه تستهبل وناس جايه تدرس وناس ما ادري وش جوهم
    بس صدقني اني استفدت منه يعني الحمد لله معاي 3 سعوديين هذولي اللي يعجبوني جادين في الدراسه ونفيد بعضنا كثير
    مستواي الدراسي جيد اقدر افك عمري لاكن لازم اضغط على نفسي كثير
    انا اللي اشوفه ان يكون معاك سعودي جيد في اللغه تساعدون بعضكم خاصه في بداية اللغه لاكن لاكن اهم شي مو تتكل على صاحبك بكل شي
    لازم تروح للبيت وتترجم الكلمات اللي اخذتها في الدرس وتسجل نوتات خاصه فيك ، تدخل الغرفه تحصل ورقه ملزقها ب الجدار وفيها كذا كلمه تجي قدام الورقه ترقص شوي وتقراها وتحفظها < وسوسه هع

    انا ما اقدر انصحك في ولايه معينه لاكن الله يوفقك وييسرها عليك وان شاء الله اخواني يفيدونك
    والامر الاخير يرتكز عليك
    طبعاً انا من الولايات الشرقيه والعرب كثيرين بالحيل
    7 "
  4. على حسب كلام الاخوان ولايتك حلوه
    وترى على فكره
    لا تشيل هم السعوديين
    والله ثم والله ثم والله ما لك الا عيال بلدك
    ولو انك هنا بالسعوديه بس لاقي احد تمارس معاه اللغه سواء سعودي او مو عربي راح تتعلم
    انت اهم شيء تمارس اللغه وتنتبه لدروسك ولا تخلي وقتك كله عربي وراح تتوفق باذن اللي ما تنام عينه

    بالتوفيق
    7 "
  5. يعطيكم العاافية جميعاً
    انا ماقلت مابي سعوديين شبابنا فيهم الخير ان شاء الله
    بالعكس لاني لغة اطقطق مو مره يعني انا عجبتني بورتلاند المناظر وكل شيء ولاضرائب وفيها نادي طلاب
    بس مابي احتك بالمعهد بعرب يعني 2, 4 بالكثير مو الكلاس كله عرب
    ماجد الحربي لاهنت انت الحين هناك وهل هي امنه واسعار السكن كيف < < لازم اتأكد
    بعدين سؤال مهم مهم : انا عندي مناسبة شهر 1 /2012 ولازم احضرها هل يكون وقت اجازة
    ووقت الاجازات هل تصرف الملحقية المكافأت او توقف مع الاجازات ؟؟
    7 "
  6. فيه معاهد حلوة مثل لويس آند كلارك بس من الكلام اللي سمعته انه مايقبل الا اللي لغتهم متوسطة وفوق ..
    وفيه معاهد ثانية حلوة ..


    بس لا تقرب من معهد كابلان ومعهد ELS .. لأني حسب ماسمعت إن هالمعهدين تعبانات جدا ً في بورتلاند بالتحديد ..


    وأنت إسأل وتأكد قبل الخطوات اللي تسويها ..

    والله يكتب لك الخير يارب ويوفقك وين مارحت ويحقق لك حلمك ويفرحنا وإياك بالبعثة ..

    مع التحية .,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.