الأعضاء الإشتراك و التسجيل

الملتقيات
ADs

شرح .. لكل شخص شايل هم الفيزة وهم السفارة الأمريكية ..

شرح .. لكل شخص شايل هم الفيزة وهم السفارة الأمريكية ..


NOTICE

تنبيه: هذا الموضوع قديم. تم طرحه قبل 2362 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة Saad Alqhtani
    اولا اشكرك لمساعدتنا وهذا يدل على تعاونك

    س اذا جيت اقدم على الفيزا هم يرسلونها لي و لا انا اروح استلمها و هل لازم يكون عندي صندوق بريد ؟ و اذا ماكان عندي صندوق بريد وش السواة؟

    طيب هل يقبلون الضمان المالي من الوزارة و لا لازم خطاب اخر موجه باسم السفاره؟

    طيب سؤال مهم انا طالب بحول من استراليا لامريكا بعد ما استلم القبول اقدم على التحويل و لا على الفيزا لاني خايف اقدم على الفيزا وممكن بعدين تنرفض من الوزارة؟

    تحياتي تقبل مروري
    -اذا جيت اقدم على الفيزا هم يرسلونها لي و لا انا اروح استلمها
    هم يرسلونها لك على عنوانك .. المدينة/رقم التليفون.

    -هل لازم يكون عندي صندوق بريد
    لا موب لازم ولا له أي داعي أصلاً.

    -يقبلون الضمان المالي من الوزارة و لا لازم خطاب اخر موجه باسم السفاره؟
    الموضوع هذا ما اعرفه والله , لأني مامريت فيه ولا عندي خبرة , أنا بطلع على حسابي فما أعرف كيف طريقتهم مع الوزارة.

    -بحول من استراليا لامريكا بعد ما استلم القبول اقدم على التحويل و لا على الفيزا
    ماني متأكد مرة , بس أشوف إنك تقدم على التحويل وبعدين تقدم على الفيزة أضمن وأفضل.


    والله يوفقك وييسر أمورك ..




    المشاركة الأصلية كتبت بواسطة ENG abdullah
    يستحق التثبيت صراحه

    ويعطيك العافيه
    جزاك الله خير , والله يعافيك..

    المشاركة الأصلية كتبت بواسطة سدومي
    بارك الله فيك يابطل

    والله يسهل علينا ونخلص بدري
    وعسى الله يبارك فيك وييسر أمرك وتجين تبشرينا ..
    7 "
  2. السلام عليكم ورحمة الله وبركاته ..
    ازيكم يا جماعه المبتعثين ان شاء الله تكونوا باتم الصحه والعافيه ..!!
    حبيت اشارك في موضوعكم المتعلق بالفيزا .. انا قدمت على السفاره وكانت مقابلتي الاحد اللي فات .. رحت على المقابله في السفاره الامريكيه اللي في الرياض وكنت رايح في خرايطها من الخوف والفجعه ..!!
    لكن والله العظيم ما شفت اتفه واسهل شي من المقابله كلها ,, يعني لو احسبلكم مدة المقابلات كلها يمكن والله ما تعدي ال 6 او 7 دقايق .. بالعربي ,, اعتبر نفسك في اي بنك ورايح تسوي ايداع او سحب هذا كله اكيد بعد توفيق الله ثم دعاء الوالدين اكيد .. المهم صباح يوم الخميس اتصلوا علي فيديكس وقالولي تعال استلم جوازك ,, يعني كل المدة تقريبا 3 ايام .. اهم شي تكون اوراقك كامله وروح وقلبك قدك
    موفقين يارب ..
    7 "
  3. السلام عليكم
    اولا يعطيك العافيه على الموضوع الأكثر من الرائع ومشكور وما قصرت.
    ثانيا
    انا قريت موضوعك وحسيت انك فاهم في الأمور هذي وانك انت اللي بتخدمني
    وانا اخوك قدمت لزوجتي على قبول معهد
    وطلبو مني ضمان مالي
    بس الملحقيه رفضت لان زوجتي مرافقه معي.

    -----
    هي ما عندها حساب بنكي

    سؤالي هو:
    هل انا اقدر اني استخرج شهاده بنكيه باسمي لها؟؟؟ (للمعهد او للفيزا)
    او اقدر اني استخرج كشف حساب باسمي لها؟؟؟ (للمعهد او للفيزا)
    وش الفرق بين الشهاده البنكيه وكشف الحساب؟؟
    وش اقدم لقبول المعهد و وش اقدم للفيزا؟؟؟

    الله لا يهينك يالغالي وما قصرت
    7 "
  4. جزاكم الله خير جميعاً .. وأنا أستأذن الأخ أبوأحمد بعرض الإجابات اللي كانت بالخاص ووضعها هنا .. عشان يستفيدون الإخوان كلهم (إذا كان فيه فائدة يعني)..
    .

    .
    ياهلابك يابوأحمد .. أولاً ياطويل العمر انا طالع على حسابي وليس على حساب الحكومة . لذلك ماعندي خلفية كبيرة عن الإجراءات اللي تتم عن طريق الحكومة..
    لأني حسب مافهمت إنك طالع على حِسّ الحكومة ..

    عموماً بجاوبك على اللي اعرفه:

    قدر اطلع لها كشف حساب باسمي وارسله للمعهد؟؟
    او اطلع لها شهاده بنكيه باسمي وارسله للمعهد؟؟؟

    بجاوبك على السؤالين اللي فوق كلهم لأنهم نفس الإجابة..
    لا بأس من إن الحساب يكون بإسمك بحيث إنك تستخرج منه كشف حساب لمدة 3 شهور وشهادة بنكية لزوجتك..
    لكن لا تنسى تنسخ صيغة الكفالة اللي قلت لك وتطبعها على ورقة وتوقع عليها بحيث إنك تكون أنت الكفيل لزوجتك .. لأنه اصلاً ماينفع يكون الحساب والشهادة البنكية بإسم زوجتك, لأن نظامهم يقول (لايضمن الشخص نفسه)..

    وش الفرق بينهم ؟؟ وعند التقديم للفيزا وش المطلوب الشهاده البنكيه او كشف الحساب؟؟؟
    الضمان المالي: يعني يحتجزون مبلغ مالي في حساب بنكي حتى نهاية فترة الدراسة.
    الشهادة البنكية: ورقة تثبت أن لديك في حسابك الفلاني في البنك الفلاني مبلغ فلاني قدره كذا وكذا..(مثال:ورقة مذكور فيها أن الأخ أبوأحمد يمتلك مبلغ مليون ريال في حسابه).

    والمطلوب للتقديم على الفيزة هو (شهادة بنكية+كشف حساب 3 شهور لنفس الحساب اللي مطلع منه الشهادة البنكية)..
    .
    .
    أهم شي لا تنسى إنك تسأل وتستفسر حول المسائل الأخرى لأني زي ماقلت لك انا طالع على حسابي لذلك ماعندي خلفية عن إجراءات اللي طالعين على حساب الحكومة..





    ...........(2)
    سؤالي هو:
    هل انا اقدر اني استخرج شهاده بنكيه باسمي لها؟؟؟ (للمعهد او للفيزا)
    إيه تقدر بكل يسر وسهولة .. أنا أبوي اللي طلع لي شهادة بنكية وكشف حساب بإسمه.

    او اقدر اني استخرج كشف حساب باسمي لها؟؟؟ (للمعهد او للفيزا)
    نعم تقدر زي ماقلت لك

    وش الفرق بين الشهاده البنكيه وكشف الحساب؟؟
    كشف الحساب: تقرير يُذكر فيه كل العمليات اللي صارت بحسابك من 3 أشهر حتى تاريخ طباعة الكشف هذا(يعني كل الحوالات والرواتب والفلوس اللي دخلت وطلعت من الحساب ذا بتكون موجودة في كشف الحساب)
    وعموماً الغرض من طلب كشف الحساب هي حاجتين:
    1/ إنهم يتأكدون إن حسابك شغال.
    2/إنهم يتأكدون إن الشهادة البنكية اللي أنت جايبها, من نفس الحساب حقك.

    وش اقدم لقبول المعهد و وش اقدم للفيزا؟؟؟
    قبول المعهد بيعلمك المكتب وش الأوراق المطلوبة لأنه لكل معهد ولكل مكتب طلبات مختلفة.. لكن عموماً راح تكون كالتالي:
    1/ صورة من الشهادات (مترجمة ومصدقة)..طبعاً تترجمها من إدارة التربية والتعليم وتصدقها من عندهم بعد.
    2/صورة الجواز.
    والأشياء الباقية على حسب طلب المعهد ..
    .
    .
    واذا انت بتجيب القبول عن طريق مكتب .. أنصحك تسأل عن المكتب كوييييييس .. عشان ماتتورط فيه.
    .
    .
    وبالنسبة لطلبات الفيزة زي ماخي مذكورة بالموضوع أعلاه.


    والله يوفقك وييسر لك أمرك يارب.,
    7 "
  5. مشكوور على هيك موضوع انا كنت نفس الحالة والبس وجاوب بنفس السؤال وكذا كلام فاضي وامس كانت مقابلتي بالسفارة الي بالرياض المهم وصلت مع ولد عمي قدمنا اوراقنا عطونا رقم وبصم وكذا يوم جت المقابلة بس سألني رايح لكنتاكي بتدرس معهد وبعدها جامعه وش تخصصك وين سافرت بس ويوم جا يسأل ولد عمي قال وش تخصصك وين سافرت وبس يعني لا ليه اخترت امريكا ومدري ايش يعني كل الكلاام الي سمعته كلام فاضي عشان كذا توبه اسمع كلام احد الا لما اشوفه بعيني

    وشكككراَ

    صح نسيت بخصوص وقت خروج الفيزا بتكون بعد اسبوعين لان دراستي بعد شهر بالضبط
    7 "
  6. اخوي اولا اشكرك على هالموضوع البطل

    ثانيا عندي سؤال اذا تقدر تجاوب عليه انه اذا كان عندي قبول معهد بدون قبول جامعة لان المكتب قال قبول الجامعة ممكن يتاخر إلى شهرين سؤالي هل اقدر اقدم على التاشيره بقبول المعهد ؟؟ واذا سئلوني بتدرس جامعة ولا لا ؟ ايش اقول ؟؟ مع العلم انه ماعندي قبول جامعة لسى لكن بيكون معي وقت السفر او انتظر وصول قبول الجامعة افضل ؟ لاني ابغى استفيد من الوقت

    وشكرا لك والله يجعله بموازين حسناتك
    7 "
  7. المشاركة الأصلية كتبت بواسطة الهآآآآزم
    اخوي اولا اشكرك على هالموضوع البطل

    ثانيا عندي سؤال اذا تقدر تجاوب عليه انه اذا كان عندي قبول معهد بدون قبول جامعة لان المكتب قال قبول الجامعة ممكن يتاخر إلى شهرين سؤالي هل اقدر اقدم على التاشيره بقبول المعهد ؟؟ واذا سئلوني بتدرس جامعة ولا لا ؟ ايش اقول ؟؟ مع العلم انه ماعندي قبول جامعة لسى لكن بيكون معي وقت السفر او انتظر وصول قبول الجامعة افضل ؟ لاني ابغى استفيد من الوقت

    وشكرا لك والله يجعله بموازين حسناتك
    اول شي اشكر صاحب الموضوع الرائع وبرد تسبدي لانه فيه ناس مكبره الموضوه ومسويه زحمه اذكر قبل موعدي قاري 100 سوال متوقع مسوين زحمه من الحماس مصلي الفجر عند السفاره يوم رحت ماقعدة ساعه و 6 ايام والفيزا عندي

    عموام اخوي تقدر تقدم ع السفاره بقبول المعهد وتقدر تسافر من غير قبول الجامعه بس تحتاجه اذا جيت تفتح ملف في الملحقية الثقافيه السعودية في امريكا ولا عادي تقدر تطلع الفيزا وتسافر وتبدا دراسه بدون قبول جامعه بس انت احرص عليه عشان تقدر تفتح ملف في الملحقيه واذا سالوك انت بتدرس جامعه ولا لا جاوبهم اذا بتدرس قل ايه واذا لا قل لا وبكل الحالتين راح تاخذ فيزا خمس سنوات وبتوفيق ان شاء الله
    7 "
6 من 7 صفحة 6 من 7 ... 567
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.