شرح .. لكل شخص شايل هم الفيزة وهم السفارة الأمريكية ..

بالنسبة للسؤال الأول:
هل تقديمهم عادي لأنو فيه حدود شهرين بين الموعد وبين تاريخ استخراج الشهادة
والا لازم يكون مقارب للموعد

لا عادي يالغالي أهم شي مايكون المدة بين إستخراجهم وبين المقابلة أكثر من 3 شهور.

السؤال الثاني:
لو بغيت أطلع شهادة بنكية للسفارة باسمي أنا اللي هو الزوج لزوجتي هل عادي الأمر والا لا بحيث أكون انا الكفيل لها
مع العلم اني طالع معها وبدرس كمان في نفس المعهد

66000 دولار تطلع 247500 ريال
وحنا قلنا الواحد يكفيه 70 ألف وخير وبركة لو زودها للـ 100 .. وأنت ماشاء الله المبلغ مكفي وزيادة 47500
يعني أتوقع وضعك بالسليم مافيه مشكلة لك ولها .. بس بيسألونك من وين جبت المبلغ وهل تقدر تجيب بعدين اذا إحتجت بحيث إنه لو خلص المبلغ عليك هناك من يتكفل بدعمك ماليا ً .. تقدر تقول الوالد والإخوان مقتدرين .


السؤال الثالث:
بخصوص كشف الحساب أنا بطلع كشف حساب لي ولزوجتي على نفس حسابي
بمعنى هل هو عادي زوجتي تقدم كشف حسابي لهم لأنو أنا الكفيل

ايه عادي مو مشكلة .. وهذا اصلا اللي يطلبونه السفارة ان كشف الحساب والشهادة البنكية تكون بإسم الكفيل وانا حطيت ورقة الكفالة فوق تقدر تاخذ الصيغة وتحطها في ملف Word وتطبعها وتوقع عليها مع تعديل البيانات عشان ترفقها لهم زوجتك مع كشف الحساب والشهادة البنكية وتفتك من أسئلتهم الإعتيادية اللي هي : من بيكفلك وما إلى ذلك .

للحرص على التأكد من المعلومة أكثر بالنسبة للسؤال الثاني والثالث تقدر تسأل أخوي بندر على الرابط هذا
http://www.mbt3th.us/vb/forum127/thread262804.html


وبالتوفيق يالغالي .. ولا تنسى تجي تبشرنا باللي يصير معاك.

طيب اخوي يعطيك الف عافيه يالغالي

انا بقولك مشكلتي مع السفاره ومع الاشقر الي قابلني بسفاره الظهران حسبي الله قبل شهر ونص تقريبا

رفضني للسبب تافه مره قال اني درجاتي ضعيفه وعمري كبير على مرحله البالكوريس ولانفع كون طالب هناك بالامريكا مجتهد بالامريكا سبب رفضهم كذا كان وعاطني ورقه مكتوب فيها سبب الرفض

وبعدها قدمت على كندا ونفس الشي رفضوني والسبب اني ماعطيتهم شي يثبت اني برجع للسعوديه ندمت ماخذيت ورقه من عملي تثبت اني موظف وماخذ الاجازه ندمت على هالرحكه ماسويتها

المهم الحين المحاوله الثانيه بالرياض تكون بالسفاره الامريكيه رجعت قدمت موعد دراستي وجبت اي توني جديد

وراح سوي موعد وسوي مقابلتي هناك

توقع بالظهران رفوضني الموظف جيته بوقت كان مازجه زفت رفضني يعني مزاجي

توقع ان الاموري راح تتسهل بالرياض

علما ان كل اموري تمام التمام من كشف حساب وضمان مالي ......الخ

توقع وش بيكون ردهم بالرياض ياليت تثلج صدري بالاجابه تكفى وربي تعبت

شوف يالغالي .. من ناحية العمر والله وانا أخوك ماعندي خبر عن هالمعلومة وماودي أتفلسف عليك ..
لكن عندي لك خبر حلو .. عيال عمي الإثنين كلهم راحوا للقنصلية اللي بالظهران ورفضوهم ابشرك .. وحجزوا بالسفارة اللي بالرياض ومشت أوضاعهم وهذا هم بأمريكا ويدرسون وبالبعثة بعد ..

بس أنت تأكد من سالفة العمر هذي لأني والله حاولت أبحث لك عن المعلومة بس مالقيتها .. لكن ببحث عنها أكثر وإن شاء الله ألقى شي .. وأنت إسأل وشوف .. ولا تضايق وانا أخوك أبد ..
أسأل الله الكريم رب العرش العظيم في هالوقت المبارك وهاليوم المبارك إنه ييسر أمورك وتمشي أحلى مما تبي ويحقق أحلامك وتجي تبشرنا وتفرحنا معك .,

اخوي يالغلا انا سالت وجتني ر دود انا في ناس عمرهم 34 و35 ويدرسون بالكالورس

انا بس الموظف ردني عشان هالاسباب التفامهه بس وصار بيني وبينه نقاش اني حاول قنعه بس رفض يستلم جوازي بسفاره الظهران

وشلت عفشي وطلعت

بس الوالده الحين هي مسره اني قدم موعد بالرياض

المسكينه تقول دور لك واسطه بالسفاره يقبولنك ههههههههههه ماتدري عن شي تحسب الوضع واسطه ههههههه

يعني تقول الدعوه مزاج ممكن الرفض ياليت تقولي وش سبب الرفض عيال عمك بالظهران

موضوعك جاء في وقته
شكرا

والله يااخوان الامور سهله

انا قدمت وموعدي بتاريخ 28/6 /2011 واستلمت الفيزه بتاريخ 29/06/2011

مرحبا :
شخص معاه شهادة بنكية وقبول معهد وتعريف من عمله وكشف حساب ستة شهور بس مشكلته انه بيأخر الدراسة حيث انها تبدأ في رمضان ويرغب ان تكون بعد رمضان ويوجد لديه آي توني بان الدراسة تبدأ في رمضان هل يقدم على السفارة أو لازم ينتظر آي توني جديد ما هو الحل حيث يرغب في الاستفادة من الوقت قبل وصول آي توني جديد ، وهل السفارة تطلب منه موافقة عملة أو يكفي تعريف بالراتب وشكرا