شرح واخيرا تم بحمد الله تحويل بعثتي من بريطانيا الى امريكا.

اخوي انا مثلك بقدم على الفيزا من تورنتو ممكن تخبرني كيف قدمت عليها و حجزت موعد و قد ايش اخذت معاك الين جاك الرد و ايش سبب الرفض ادري انو اسئلتي كثيرة بس لاني قلقانة شوي من ناحية الفيزا
و شكرا.

مشكور يالذيب اجابتك شافيه ووافيه ماقصرت ......القبول راح يكون مشروط بلغه والظاهر راح يعطوني مواد ادرسها قبل لا ادخل الماستر الى الان ما حددوا البرنامج وكم المده والتكلفه لكن كله راح يبين الاسبوع القادم انشاءالله ......بالنسبه للأيلتس طالبه الجامعه 6.5 وانا عندي 5.5 لكن راح اكلم الادفايزر وهو راح يعلمني بكل التفاصيل ......مشكور يالغالي واي تفصيل راح اعلمك .

السلام عليكم ورحمة الله وبركاته
انا تخصصي كيمياء عامه ومنتظره الترشيح المرحله السابعه
وكتبت اول رغبه كندا ..... متسرعه وندمانه
لانها باااااااااااارده مره وانا اكره البرد وكمان غاليه
والرغبه الثانيه امريكا
وحسب معلوماتي ان الامريكان متساهلين يعني شعب مايحب يعقد الامور
مو زي الكنديين
سبحان الله كل شعب وطبعه وهذي سنة الله في خلقه
دحين ابي اغير من كندا لامريكا بس لازم اسباب مقنعه عشان يوافقوا عالتغيير
سؤال هل جامعات امريكا في تخصصنا اقوى من جامعات كندا
طبعا اذا كان الجواب نعم هذا سبب مقنع او لا
امريكا قاره بحد ذاتها وفيها خيارات كثيره وجامعاتها كثيره
والله تعبت من التفكير واهم اسبابي في التغيير جو كندا البارد .... ما اتحمل برد السعوديه كيف بردهم اللي اضعاف اضعاف بردنا
يعني تتوقع ان اسبابي مقنعه؟؟؟؟؟!!!!!!!!!!!!
وسؤال ثاني اذا ترشحت ان شاء الله متى افضل وقت اغير الدوله بعد الترشيح قبل الملتقى والا في الملتقى اغير الدوله
لان سمعت ان الملتقى يكون كل مرشح يحضر حسب دولة الابتعاث
اذا كان كذا اغير الدوله بعد الترشيح مباشره قبل الملتقى افضل؟
ابغى احضر الملتقى مع مبتعثين امريكا
جزاك الله خير ...
واسفه كثرت الاسئله وثقلت عليك

^^^
بحكم دراستني المعهد وسمسترين بالجامعه بكندا .. وخبرتي بالتحويل لامريكا ودراستي ترم حتى الان هناك .. اريد ان اضع وجهة نظري بين يديك اختي الكريمه ولك الخيار ..

١- اولا : كندا معقده من ناحية المواد التكميلية التي ستدرسيها قبل البت في برنامج الماجستير..

٢- كندا اكثر تعقيدا بطريقة حساب درجات السجل الاكاديمي للبكالوريوس و حساب معدل درجات المواد التكميلية : جامعتي الي بكندا كانت تقول لابد المواد التحظيريه ماتنزل عن b بينما في امريكا فيقبلون الى c + "على مااعتقد وهالنقطه انا استنتجتها ان الكنديين يناظرون لبعض المواد الي تهمهم بسجلك الاكاديمي للبكلريوس واذا كانت الدرجه c وتحت فانهم يطلبون منك انك تعيديها .. اعرف شباب عطوهم 7 مواد وبالمقابل اعرف شباب ماعطوهم ولا ماده ايظا بنفس الجامعه كلهم " يعني على حسب جامعتك وقوتها الي تخرجتي منها + على حسب درجاتك"

٣- كندا اقل جامعات من امريكا فلذلك لايوجد خيارات كثيره امامك سواء بالتخصص او بالتسهيلات المقدمه من الجامعه

٤- امريكا جامعاتها كثيره وفيها الصعب وفيها السهل وفيها المعقد وفيها المتساهل .. اظرب لك مثال .. انا درست ترم واحد في جامعه طلبت مني 3 مواد تكميلية .. ذاك الوقت كنت مظطر اني ادرس برى فدرست ترم واحد .. وبالمقابل فيه جامعه اخرى " اسعى الان لاحظار قبول منها" لاتطلب مواد تحظيرية واعرف شباب درسوا فيها طبعا .. وبرضوا غير ملزمه بالتوفل اذا ماتم التأكد من ان مستواك عالي باللغه من خلال شهادات معاهد هم يروا انها جديره بتأهيلك لجامعتهم ...

٥- مقارنه بين الشعبين : كندا حبيت شعبها اكثر واكثر واكثر من امريكا .. اكثر فرندلي .. الامريكان لابأس بهم .. ولكن لاني جربت الاثنين اقدر اقول ان الكنديين الافضل .. وهذا ماجعلني اخذ تأشيره سياحيه وازورهم من جديد الصيف الماضي

٦- طبعا من ناحيه البرد بكندا .. عز الله انه برد ولكن انا " ورغم من حساسية صدري+ حساسية انف" الا اني الحمد لله متأقلم مع الوضع .. ولكن الثلج كرهني حياتي لانه يقلل من الطلعات والجيات .. جاكيت ثقيل وانحل الموضوع

٧- انا ممكن اقترح انك تدرسين اللغه بكندا والجامعه باامريكا .. ولكن ممكن يكون قروشه وخصوصا اذا كنتوا عائله .. وبرضو ممكن تبغين تستفيدي من نظام ادرس معهد الجامعه وبعدين ادخل الجامعه بدون توفل .. فانتي حره ..


وأخير هذي نقاط حبيت اشارككم فيها وهذي تجربه لشخص واحد ( الي هو انا ) يعني ممكن فيه ناس ماشيه اموره افضل بكندا من امريكا ممكن .. عشان بس نتفهم وجهات النظر والرأي الاخر .. ان كنت وفقت فبفضل الله وان اخطيت فمن نفسي والشيطان .. وسامحون ع القصور

^^
^^
جزاكم الله خير
بس ماحد جاوبني اسبابي مقنعه او لا
توقعاتكم الله يعافيكم

رفععععععععععععع

انشاء الله انها مقنعة لكن فيه بعض الجامعات الكندية تنافس الجامعات الامريكية يعني على حسب قوة الجامعة الي راح تلتحقين فيها كل ماكانت اقوى كل ماصارت الموافقة اسهل
انتي كل الي عليك تسويه انك تبلغينهم بنيتك في التغيير وتحاولين تبينين لهم انه عندك الطموح في الدراسة بأحدى جامعات امريكا القوية مو شرط تكون جامعة هارفارد او ييل
فيه كثير من الجامعات الامريكية القوية وافضل من الجامعات الكندية
انتي كلميهم وانشاء الله يوافقون لأن امريكا الخيارات فيها كثيرة جدا وليست معقدة من ناحية القبول على عكس الجامعات الكندية التي يعاني منها الطلاب ومن شروطها الصعبة التي اجبرت الكثير من الطلاب المبتعثين على تحويل بعثتهم الى امريكا
لا اعتقد ان هناك اي مانع لتغيير الدولة وخاصة اذا كانت الوجهة الى امريكا واذا كان هناك مانع لا سمح الله مع اني لا اتوقع ذلك فأمامك سنة وستة اشهر لمرحلة اللغة بعدها تستطيعين التحويل الى امريكا بكل اريحية
بالتوفيق.

جزاك الله خير الجزاء وجعله في موازين حسناتك
وبالتوفيق يارب للجميع