شرح واخيرا تم بحمد الله تحويل بعثتي من بريطانيا الى امريكا.

اختي انا شيكت على موقع الوزارة دول الابتعاث وكان من ضمن الدول المحددة بريطانيا واخر تحديث للصفحة كان في 11 رمضان يعني فيه طلاب مرشحين لدولة بريطانيا
مع انها قبل كم شهر كانت مغلقة لتكدس الطلاب انا ماني عارف كيف طريقة تقديمكم للمرحلة السابعة يعني هل الابتعاث للدول اختياري للطلاب ام انها اجباري الله اعلم
لكن اذا رشحتي ان شاءالله لأمريكا مثلا تقدرين تكلمينهم من البداية بس لازم تكون عندك اسباب قوية ومقنعة وان شاءالله يتم ترشيحك مباشرة لبريطانيا
واذا لاقدر الله ورشحتي لامريكا وتم رفض طلبك للتحويل على بريطانيا من البداية تقدرين تحولين بعد سنة اللغة في امريكا ولكن لازم يكون الابتعاث لبريطانيا مفتوح وقتها وليس مغلق لتكدس الطلاب
اتمنى لك التوفيق وينولك مرادك بأذن الله.

أشكرك (( دائما متفائل )) على النصيحة ....

السبب الوحيد للتحويل هو قوة تخصصي في بريطانيا ...

انا ناوية اكمل باذن الله في مجال . Clinical nutrition وحسب ما سمعت ان اقوى الدول في هذا التخصص هي بريطانيا

وصار لي 3 سنوات وانا ابحث في الجامعات البريطانية وراسلة اكثر من جامعة ووصلني الرد الحمد لله ...

الكورسات اللي طارحينها في برنامج المجاستير مررة حلوة .. بس للأسف ما كانت بريطانيا متاحة وقت التسجيل ...

ما كان عندي اختيار غير امريكا وما لقيت فيها غير وحدة جامعة اللي هي جامعة تكساس وما ادري اذا كان تخصصي معترف بيه في هذي الجامعة ولا لاء

غير كدة الــ GRE من شروط القبول فيها ..

الله يختار لنا اللي فيه الخير ...

وأشكرك جزيل الشكر على الاجابة ...وفالك التوفيق ان شاء الله ...

وعليكم السلاام والرحمه ...

الف مبروك اخوي (دائما متفائل ) على التحويل ...

انا عندي استفسار بسيط ...ياليت اذا عندك خلفيه او اي احد عنده خبره فيه يرد علي ..

انا بدرس سنه ب usa سنة المعهد وبختبر الايلتس وبعدين بحول الى Ku ..بريطانيا ..

ومعها بحول التخصص من علوم طبيه الى طب ...يصير !! بالمعنى العامي يصلح > >

منتظره الرد ..

بالتوفيق ^ ^

انا سألت نفس سؤالك وهذا كان جواب (( دائما متفائل)) عليه

بالنسبة لتغيير التخصص للأسف ما عندي اي معلومة عنه .. بس انتظري الاجابة من اصحاب الخبرة

تقدرين اختي تحولين بعد سنة اللغة الى بريطانيا لكن بشرط يكون الابتعاث لها مفتوح وقتها وليس مغلق لتكدس الطلاب اما بخصوص التخصص فأذا كان في نفس المجال واقوى من تخصصك الأول فلا مانع للتغيير وان شاءالله سهلات وبالعكس راح يدعمونك بعد
لكن هل انتي متأكدة من قرارك لأن دراسة الطب صعبة ومعقدة في بريطانيا وفي امريكا وايظا كندا ما أقصد احطمك لكن اغلب الي يدرسون طب في بريطانيا وهم قليل يدرسون صيدلة ومختبرات طبية تمريض كل مايخص التخصصات الطبية
اما الطب البشري راح يكون صعب القبول لأن المقاعد في الجامعات محدودة والقبول الأغلب للطلاب البريطانيين
اختي هل بحثتي جيدا واطلعتي على مواضيع دراسة الطب في امريكا او بريطانيا قبل ان تختاري بلد الأبتعاث نصيحة ابحثي جيدا قبل اتخاذ القرار فهناك دول اخرى اسهل قليلا في الطب من امريكا او بريطانيا مثل استراليا او اكورانيا او دول شرق اوروبا عموما اما اذا كنتي قد بحثتي وقرأتي جيدا وتخذتي قرارك في بريطانيا فهنيئا لك هذه العزيمة وقوة الاصرار والتحدي
ربي يسهل عليك ويوفقك وينولك مرادك بأذن الله.

رفضت فيزتي الامريكيه(من تورنتو) فهل هناك امل للحصول عليها بعد الله عز وجل من السعوديه
الرجاء الافاده وجزاكم الله خير

ان شاءالله تحصلها من السعودية لانه اسهل من انك اتحصلها عن طريق دولة ثانية فيه ناس انرفضوا برا وقدموا من السعودية ونقبلوا كما انه فيه ناس انرفضوا من سفارة جدة وقدموا على سفارة الرياض ونقبلوا
يعني الأمور ان شاءالله سهلات اهم شيء تكون اوراقك كاملة واجاباتك مختصرة ومقنعة والباقي على الله
بالتوفيق.

مبروك اخوي متفائل على التحويل لامريكا الله يوفقك ويكتب لك الخير يارب انا مبتعث للماستر في بريطانيا وخلصت اللغه الان 18شهر ولقيت لي قبول في جامعة usf Tampa Florida انشاءالله القبول يوصل الاسبوع الجاي

سؤالي هو: هل فيه شروط معينه للتحويل ؟ام انهم راح يحولون بمجرد التقديم على البوابه ؟وماهي الاوراق المطلوبه للتحويل (غير القبول )؟ ومشكور يخوي على طرحك الموضوع هذا لانه شاغل بالي ومالقيت احد يفيدني فيه

الله يوفقك يا رب والله نفسيتي مره محطمه لكن الحمدلله رب العالمين
الله ييسر اخاف تتطول لان دراستي تبدا 9/01/2012 الله ييسر
دعواتكم يا اخوان والله اني بحاله ما يعلم بها الا الله عز وجل

اخوي اهم شيء القبول النهائي واحتمال المشرف يطلب منك صورة للفيزا لاكن اذا بعدك ماطلعته حاول فيه لانه قبل ارفعولي طلبي الى الوزارة لاكن الوزارة ارفضت بحجة ان القبول مشروط باللغة اونا درست لغة في بريطانيا
في المرة الثانية قدمت ورفض المشرف يرفع الطلب الا بصورة فيزا فكانت عندي وحطيته ورفع الطلب وخلال 8 ايام من بداية الطلب تمت الموافقة
وفيه طلاب من كندا حولو بدون لايرفعون صورة للفيزا يعني اذا ماعندك فيزا حاول توضحله وجهة نظرك وانه مولازم فيزا وانك بتستخرجها بعد ماتتم الموافقة على طلبك يعني مو حلوة اتعب واخسر فلوس وطلع الفيزا وبالنهاية الوزارة ترفض التحويل
طبعا الوزارة ماراح ترفض مادام عندك قبول نهائي لاكن انت قل لمشرفك هالكلام بس عشان يرفع الطلب
عند الطلب ارفع القبول النهائي واذا عندك ايلتس او توفل درجتها حلوة ارفعها هي ماهي مطلوبة لكن انا رفعتها عشان يعرفون ان مستواي جيد
وبعدها خانة الاسباب انا سمعت انه لازم الاسباب تكون قوية ومقنعة لكن كله كلام اهم شيء اوراقك كاملة انا كل الي كتبته اني مارتحت نفسيا وصارتلي عدت مواقف اثرت سلبيا على مستواي ومن هالكلام واذا عندك اسباب اكثر اكتب يعني انه مستوى الجامعة الي بتروحلة افضل من الي قبلتك في بريطانيا في تخصصك واهم شيء يكون القبول بنفس تخصصك المبتعث من اجله وبس هذا الي اقدر افيدك فيه والباقي على الله
وان شاءالله اذا تم تحويلك لاتنسى تبشرنا
بالتوفيق.