هام جداً: بخصوص ماجستير القانون بأمريكا والتقديم على الفيزا

السلام عليكم

لو سمحتوا يا اخوان ، سؤال اتمنى القى الاجابة الشافية والاكيدة .

انا ناوي ان شا الله اقدم على الابتعاث لماجستير القانون بأمريكا، طبعا انا انتظر وثيقة التخرج حقت البكالوريوس وبتطلع ان شا الله خلال الاسبوعين القادمين ، سؤالي: هل اقدم على موعد للسفارة الامريكية من الحين ؟ ولا انتظر لين اخذ الوثيقة؟ ولا انتظر لين اقدم عالابتعاث بواحد رمضان؟ ولا وش السالفة بالضبط ؟!

اتمنى تفيدوني ولكم جزيل الشكر

هلا أخوي طالب جامعة الإمام ،،
ماتقدر تقدم على السفاره الا لما يكون معك قبول من جامعه هناك ،،
اضف الى ذلك اذا كان معدلك فوق 3.75 تقدر تقدم على برنامج الابتعاث ،،
وفقك الله ،،

المشكلة ... صاحب الموضوع كاتب موضوعه مرتين ... و أنا رديت عليه في الموضوع الأول ...

بالنسبة للسفارة ... عادي يقدر يقدم بقبول المعهد لوحده ...

و بالنسبة للوزارة و بعثاتها .. مثل ما قال الأخ لازم معدلك فوق ال 3.75

عشان تقدر تقدم على الإبتعاث و إلا أطلع على حسابك و قدم على الإنضمام ...


للمعلومية . أنا خريج جامعة الإمام محمد بن سعود .. و أخذت الفيزا بقبول المعهد لوحده ...

و معدلي كان مقبول و حصلت و لله الحمد على قبول ماجستير قانون ...

و أنا أنتظر الإلحاق و الله يجيب العواقب حميدة ...


بالتوفيق للجميع ...