متزوجة ومحرمي اخي استفسار بسيط ارجوا الافادة
السلام عليكم
اخواني انا مخلصة بكالوريوس وحابة اكمل ماستر بس الظروف ماتسمح وباقدم على برنامج الملك عبدالله ماستر لكن باروح اخذ لغة مع اخوي وارجع لان زوجي مايقدر يترك وظيفته فحابة استفسر عن فترة دراسة اللغة ؟؟وهل بإمكاني ارجع من غير مااكمل الماستر ؟؟
وعندي بنت عمرها سنة اقدر اخذها معايا ويصرفوا لها مكافأه وانا مع اخوي مو مع زوجي؟؟؟؟؟؟
ريحوني الله يريح قلوبكم وييسر امركم
رد: متزوجة ومحرمي اخي استفسار بسيط ارجوا الافادة
حبيبتي انتي تسألين وقاعده تجاوبين نفسك هههههههه
ايوا تقدرين تروحين بأخوك ولك راتب وله راتب وبنتك راتب
ويمديك تدرسين لغه فقط اذا ماحبيتي تكملين عادي تقدرين بس تاخذين لغه وترجعين
الملحقيه ماهي جابرتك هذا قرارك
رد: متزوجة ومحرمي اخي استفسار بسيط ارجوا الافادة
ههههههه
تسلمي حبيبتي طيب كم فترة دراسة اللغه ؟؟؟
وأي المدن افضل ؟؟
وهل في معاهد بكلاسات نسائية ولالا؟؟
رد: متزوجة ومحرمي اخي استفسار بسيط ارجوا الافادة
عندك اللغه سنه ونص
انا في مدينة أسعارها جدآ معقوله وحلللوه والكلاسات مافي خاص نسائي لكن مااااشا الله فيه بنات متنقبات ولابسين عبايه سودا كمان
ومايقولون لهم شي بالعكس احترااااااام فضيع فضيع وبالعكس ينكرون على البنات اللي الكاشفات كليآ يقولون دينكم مايسمح لكم كذا طيب ليش تكشفون؟ <<<انا مااقصد كشف الوجه هههههه
لاني اكشف وجهي خخخخ بس اقصد اللي مرررره لا طرحه ولا عبايه زييي الاجانب يلبسون
يحبون الوحده تتمسك بحجابها سبحاااان الله
رد: متزوجة ومحرمي اخي استفسار بسيط ارجوا الافادة
انا مدينتي اسمها كاربونديل في ولاية الينوي
واذا تحبين ركزي على الولايات اللي بالوسط زي الينوي وانديانا واوهايو اركانسس
رد: متزوجة ومحرمي اخي استفسار بسيط ارجوا الافادة
يعطيكي العافية ياغالية ماقصرتي والله يجعله بميزان حسناتك ودعواتك ان ربي ييسر أمري
رد: متزوجة ومحرمي اخي استفسار بسيط ارجوا الافادة
تقدرين تأخذين اللغه بأقل من سنه ونص في ناس ماشاء الله اخذوها بفتره حلوه يعني لما توصلين لفل 3 او 4 ممكن تختبرين وتشوفين قدرتك هذا يعتمد ع الهمه والمثابرره
بالنسبه للكلاسات النسائيه مافيه واحيانا بعض التيتشرز يسوون مكس للكلاس يعني يجلس جنبك شاب عشان البركتس اللي هو تمرين ع اللغه تتكلمين مع احد جديد وتقوين فيها لغتك
واذا تبي تختارين معهد اختاري معهد تابع لجامعه افضل من المعاهد التجاريه اللي بس تضيع وقت ع الفاضي ..
حبيت اعطيك فكره بسيطه
والله يوفقــك يارب
,,
,,
رد: متزوجة ومحرمي اخي استفسار بسيط ارجوا الافادة
وبالمرة خلي زوجك ياخذ اجازة اسبوع وانتي هناك ويزوركم ويتطمن عليكم بأذن الله
رد: متزوجة ومحرمي اخي استفسار بسيط ارجوا الافادة
يعطيكم العافية ماقصرتوا الله ييسر امري وامركم