الأعضاء الإشتراك و التسجيل

الملتقيات
ADs

مساعدة سؤال عن الفيزا والمعهد والتغيير

مساعدة سؤال عن الفيزا والمعهد والتغيير


NOTICE

تنبيه: هذا الموضوع قديم. تم طرحه قبل 2395 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية دمعه11
    دمعه11

    مبتعث جديد New Member

    دمعه11 المملكة المتحدة

    دمعه11 , أنثى. مبتعث جديد New Member. من السعودية , مبتعث فى المملكة المتحدة , تخصصى ثانوي , بجامعة لايوجد
    • لايوجد
    • ثانوي
    • أنثى
    • الرياض, الرياض
    • السعودية
    • May 2011
    المزيدl

    July 4th, 2011, 08:17 AM

    السلام عليكم

    انا دراستي بعد شهر ونص ب اغسطس وإلى الآن ماطلعت فيزا ولا قدمت
    لأني كنت احسب ب شهر 9 وانصدمت الحين

    ابي جاوب كم سؤال

    جاني قبول معهد لغة وجامعه ومعاي الآن لكن ماراح ادرس فيه لأن رسومه غآليه وكنت آبيه على البعثه لكن مالله اراد

    الآن بجيب قبول لمعهد ثآني تجاري رخيص إلى ما انضم للبعثه بعدين احول لمعهد قوي

    هل اقدر احول ؟ ولا اسم المعهد والجامعه تصير مربوطه بالفيزآ ؟

    لأني سمعت ببريطانيا كذا .. اذا قدمت فيزا اجباري تدرس كم مستوى بالمعهد بعدين تغيير

    السؤال الثاني عن الفيزا لازم اجيب لهم قبول معهد وجامعه اذا بقدم ؟ او معهد فقط

    وهل هي الفيزا وحده ولا تختلف .. لأن يمكن اتوهق اذا طلعت يقولون لي فيزتك دراسة لغة بس مو جامعه !

    -

    اذا احد عنده جامعه معهد كويس ومتوسط سعره يفيدنا



    انتظركم
  2. هل اقدر احول ؟ ولا اسم المعهد والجامعه تصير مربوطه بالفيزآ ؟
    طبعاً إسم المعهد بيكون مكتوب بالفيزة , بس تقدرين تغيرين المعهد بالتنسيق مع الملحقية.


    السؤال الثاني عن الفيزا لازم اجيب لهم قبول معهد وجامعه اذا بقدم ؟ او معهد فقط
    معهد فقط , أصلا مايطلبون منك الجامعة.


    وهل هي الفيزا وحده ولا تختلف .. لأن يمكن اتوهق اذا طلعت يقولون لي فيزتك دراسة لغة بس مو جامعه !
    لا الفيزة وحدة وتكون مدتها 5 سنوات.


    بالتوفيق.,
    7 "
  3. حياك الله يا دمعه ..

    ماجد كفى ووفى برده .. ولكن حبيت أضيف لك معلومات ..

    لا يضيق صدرك بخصوص الفيزا .. تقدرين تآخذين موعد مقابله بالسفاره ((( طارئ ))) ركزي على كلمة ( طارئ ) ويجيك خلال 3 أيام بالغالب ما يتأخر ( بشرط أن دراستك يكون باقي عليها أقل من شهر ) .. وهم إذا شافوا ان دراستك قريبه مره ماراح يتأخرون عليك بإصدار الفيزا
    بس أهم شيء يقبلونك بالاول ( ويتحدد القبول من خلال المقابله ) لا ترتبكين أو تخافين الأمور بسيطه جداً ..
    وهذي خطوات التقديم على الفيزا وتقدرين تسوينها بيوم واحد : ( على فكره موقع السفاره يوجد فيه ترجمه بالعربي ) ولكن الأفضل ان اللي يقدم لك على موعد السفاره يكون شحص فاهم وسبق أنه تعامل مع الموقع لأن خياراته كثيره ..
    عشان كذا شوفي لك مكتب ممتاز وخليه يقدم لك أو أحد اقاربك إذا سبق وتعامل مع الموقع ..

    الخطوات :

    1 - تدخلين على موقع السفاره وتعبين ( الأبلكيشن ) : فيه اسئله شخصيه ومعلومات عنك واسئله عامه واسئله عن المعهد ( ويطلبون الـ I20 ) اللي جاك من المعهد وعناوينك وايميلك ( تأكدي من تسجيل ايميلك صح ) وحاولي انه يكون ايميل رسمي ( تستخدمينه للسفاره وللدراسه ) ..
    طبعاً قبل ما تبدين بتعبئة الأبلكيشن يطلب انك تحطين رقم سري و اسم مستخدم عشان اذا بغيتي ترجعين تعدلين على الابلكيشن تقدرين من خلال الرقم السري ..
    بعد ما تنتهين من تعبئة الابلكيشن بيقولك ارفعي صورتك الشخصيه على الموقع ( فيه شروط للصوره ابحثي عنها ) بعدين بتجيك رساله على البريد من موقع السفاره فيها ( بار كود ) أو ( كود ) يعني رقم طويل ويتخلله حروف انجليزيه
    هذا الباركود احتفظي فيه لانه هو دليلك للأبلكيشن حقك أو ( رقم مرجعي للأبلكيشن ) .

    الان عندك ( رقم سري للدخول على الابلكيشن وعندك باركود للأبلكيشن ) ..

    أطبعي الايميل اللي جاك ( بالغالب راح يجيك بصيغة ملف ( بي دي إف ) .. ورقه وحده فيها صورتك اللي رفعتيها على الموقع وفيها الباركود اطبعي كم نسخها من هالورقه وإحتفظي فيها وخوذي نسخه معك للسفاره بيوم الموعد .

    2 - الخطوه اللي بعدها حجز الموعد ( عن طريق الموقع ) .. وتكتبين ( الباركود اللي أخذتيه من الخطوه السابقه ) عشان تربطين بين الأبلكيشن وبين الموعد .. وطبعاً لابد يكون عندك بطاقة فيزا ( البنكيه ) عشان تسددين قيمه الموعد ( 45 ريال ) بعد تعبئة الخانات المطلوبه و بعد دفع المبلغ يجيك جدول يبين لك الايام المتاحه للموعد .. لكن حالتك انتي طارئه .. لذلك أطلبي موعد طارئ وهم يحددونه على ما اعتقد ويتواصلون معك عن طريق الايميل ( ما سبق لي ان حصلت على موعد طارئ عشان كذا ما اعرف طريقة الحصول عليه ) .. اسألي عنه .
    بعد حجز الموعد تجيك رساله على الايميل فيها تاريخ ووقت الموعد .. اطبعيها وخوذيها معك للسفاره بيوم الموعد .. ضروووري

    3 - الخطوة التاليه : دفع رسوم ( السيفس ) ( 200$ ) دولار
    يعني ( 800 ريال ) تقريباً .. وهذي بعد عن طريق الموقع ببطاقة الفيزا البنكيه .. ولها خانات معينه تعبينها وبالأخير يولون لك ادفعي المبلغ ..
    اذا خلصتي من دفع السيفس ( السيفس = دار الهجره أو الأمقريشن ) .. بيجيك خيار يقولك اذا تبغين تطبعين الأوراق اللي تثبت انك دفعتي مبلغ السيفس .. انتي اطبعيها وخوذيها معك للسفاره ..

    وبكذا انتهيتي من الموعد ( وهذي الخطوات راح تآخذ منك تقريباً ساعتين ) وأمرها بسيط ما فيها شيء ..

    الخطوة الأخيره .. تروحين لـ بنك سامبا ( الأمريكي ) .. وتطلبين منهم قسيمه ( ورقه صغيره ) لدفع رسوم الفيزا الأمريكيه .. تعبينها وتعطينها الموظفه وتدفعين ( 532 ريال ) .. وهذا المبلغ ما يرجع لك في حال عدم قبول طلب الفيزا ..

    بالنهايه كل هذي الخطوات تقدرين تسوينها بيوم واحد .. وخليك حريصه انك تحتفظين بكل ورقه تطبعينها وكل رقم او كود أو تواريخ أو رسائل تجيك سواء من السفاره أو المعهد أو الوزاره .. لانك بتحتاجينها ..

    بالنسبه للأوراق الضروريه اللي لابد تآخذينها معك للسفاره بيوم الموعد هي :

    ـ صور شخصية 5×5
    - الجواز
    - ورقة الموعد ( اللي جتك على ايميلك من السفاره ) .. ( قيمته 45 ريال )
    - ورقة دفع رسوم السيفس .. ( اللي قيمتها 200$ دولار = 800 ريال )
    - الاي توني I20 .. ( ورقة قبول المعهد ) نسخه طبعاً .. خوذي الأصليه معك بعد لكن لا تعطينهم الأصليه فقط يبغون نسخه منها .. صوريها لهم
    - ايصال دفع رسول الفيزا ( اللي دفعتيها بسامبا ) .. قيمتها ( 532 ريال ) ..
    - الضمان المالي .. ( اللي مسجل فيه انك مضمونه إلى 32.000 $ ألف دولار ) ما يعادل الــ 120.000 ريال في حال كنتي بتدرسين على حسابك الخاص .. أو الضمان المالي اللي عطتك الوزاره في حال كنتي تبع برنامج الملك عبدالله ..
    - كشف حساب لآخر 6 شهور .. سواء كان حساب أبوك أو أخوك أو أمك أو حسابك .. المهم يكون نفس حساب الشخص اللي معطيك الضمان المالي ..
    - قبول الجامعه الأمريكيه في حال جاك قبول الجامعه ( نسخه ) .. ما هو ضروري تقدرين تروحين بقبول المعهد فقط .. ولكن زيادة خير
    - صوره من آخر مؤهل علمي حصلتي عليه .. مثلاً : اذا كنتي ناوي تدرسين الماجستير تجيبين صوره طبق الأصل من شهادة البكالوريوس .. أو اذا كنتي بتدرسين بكالوريوس تجيبين صوره طبق الأصل من شهادة الثانويه .
    - أخيراً اذا كان عندك جواز قديم خوذيه معك ..

    وحاولي بيوم الموعد ما تآخذين معك أي اجهزه الكترونيه لانها ماراح تدخل السفاره .. والأفضل انك تروحين بدون شنطه عشان ما يشغلونك عندها .. خوذي أوراقك بيدك وقلم وأفطري زين وتوكلي على الله ..

    الله يوفقك ويسهل أمورك .. وأدعيلي حتى أنا انتظر الفيزا .. عسى ربي يبشرني بخير ..
    7 "
  4. نسيت أقولك نقطه ..

    احتفظي بإيصالات دفع رسوم ( السيفس ) الــ 200$ دولار
    و اطلبي من سامبا بعد ما تدفعين قيمة الفيزا ورقه تثبت دفع القيمه .. الــ 532 ريال

    لان الملحقيه السعوديه بأمريكا ترجع لك هذي المالغ في حال وصلتي لأمريكا .. ترسلين الأثباتات انك دفعتي هالمبالغ وهم يرجعونها لك ..
    7 "
  5. اخوي ابو نواف

    كلة شكر ماتوفي حقك وردك الجميل
    لكن المشكلة الآن اني راح ادرس بمعهد اخر غير اللي راح يكتبونه لي بالفيزا لأنه غالي
    واخات تصير مشكلة لي ! لأني بحول لمعهد تجاري إلين يضموني للابتعاث بعدين اختار معهد حلو وانقل له
    تصير مشكلة اذا طلعت لمعهد غير .. ومعهد الفيزا غير ؟
    7 "
  6. المشاركة الأصلية كتبت بواسطة أبونوآف
    حياك الله يا دمعه ..

    ماجد كفى ووفى برده .. ولكن حبيت أضيف لك معلومات ..

    لا يضيق صدرك بخصوص الفيزا .. تقدرين تآخذين موعد مقابله بالسفاره ((( طارئ ))) ركزي على كلمة ( طارئ ) ويجيك خلال 3 أيام بالغالب ما يتأخر ( بشرط أن دراستك يكون باقي عليها أقل من شهر ) .. وهم إذا شافوا ان دراستك قريبه مره ماراح يتأخرون عليك بإصدار الفيزا
    بس أهم شيء يقبلونك بالاول ( ويتحدد القبول من خلال المقابله ) لا ترتبكين أو تخافين الأمور بسيطه جداً ..
    وهذي خطوات التقديم على الفيزا وتقدرين تسوينها بيوم واحد : ( على فكره موقع السفاره يوجد فيه ترجمه بالعربي ) ولكن الأفضل ان اللي يقدم لك على موعد السفاره يكون شحص فاهم وسبق أنه تعامل مع الموقع لأن خياراته كثيره ..
    عشان كذا شوفي لك مكتب ممتاز وخليه يقدم لك أو أحد اقاربك إذا سبق وتعامل مع الموقع ..

    الخطوات :

    1 - تدخلين على موقع السفاره وتعبين ( الأبلكيشن ) : فيه اسئله شخصيه ومعلومات عنك واسئله عامه واسئله عن المعهد ( ويطلبون الـ I20 ) اللي جاك من المعهد وعناوينك وايميلك ( تأكدي من تسجيل ايميلك صح ) وحاولي انه يكون ايميل رسمي ( تستخدمينه للسفاره وللدراسه ) ..
    طبعاً قبل ما تبدين بتعبئة الأبلكيشن يطلب انك تحطين رقم سري و اسم مستخدم عشان اذا بغيتي ترجعين تعدلين على الابلكيشن تقدرين من خلال الرقم السري ..
    بعد ما تنتهين من تعبئة الابلكيشن بيقولك ارفعي صورتك الشخصيه على الموقع ( فيه شروط للصوره ابحثي عنها ) بعدين بتجيك رساله على البريد من موقع السفاره فيها ( بار كود ) أو ( كود ) يعني رقم طويل ويتخلله حروف انجليزيه
    هذا الباركود احتفظي فيه لانه هو دليلك للأبلكيشن حقك أو ( رقم مرجعي للأبلكيشن ) .

    الان عندك ( رقم سري للدخول على الابلكيشن وعندك باركود للأبلكيشن ) ..

    أطبعي الايميل اللي جاك ( بالغالب راح يجيك بصيغة ملف ( بي دي إف ) .. ورقه وحده فيها صورتك اللي رفعتيها على الموقع وفيها الباركود اطبعي كم نسخها من هالورقه وإحتفظي فيها وخوذي نسخه معك للسفاره بيوم الموعد .

    2 - الخطوه اللي بعدها حجز الموعد ( عن طريق الموقع ) .. وتكتبين ( الباركود اللي أخذتيه من الخطوه السابقه ) عشان تربطين بين الأبلكيشن وبين الموعد .. وطبعاً لابد يكون عندك بطاقة فيزا ( البنكيه ) عشان تسددين قيمه الموعد ( 45 ريال ) بعد تعبئة الخانات المطلوبه و بعد دفع المبلغ يجيك جدول يبين لك الايام المتاحه للموعد .. لكن حالتك انتي طارئه .. لذلك أطلبي موعد طارئ وهم يحددونه على ما اعتقد ويتواصلون معك عن طريق الايميل ( ما سبق لي ان حصلت على موعد طارئ عشان كذا ما اعرف طريقة الحصول عليه ) .. اسألي عنه .
    بعد حجز الموعد تجيك رساله على الايميل فيها تاريخ ووقت الموعد .. اطبعيها وخوذيها معك للسفاره بيوم الموعد .. ضروووري

    3 - الخطوة التاليه : دفع رسوم ( السيفس ) ( 200$ ) دولار
    يعني ( 800 ريال ) تقريباً .. وهذي بعد عن طريق الموقع ببطاقة الفيزا البنكيه .. ولها خانات معينه تعبينها وبالأخير يولون لك ادفعي المبلغ ..
    اذا خلصتي من دفع السيفس ( السيفس = دار الهجره أو الأمقريشن ) .. بيجيك خيار يقولك اذا تبغين تطبعين الأوراق اللي تثبت انك دفعتي مبلغ السيفس .. انتي اطبعيها وخوذيها معك للسفاره ..

    وبكذا انتهيتي من الموعد ( وهذي الخطوات راح تآخذ منك تقريباً ساعتين ) وأمرها بسيط ما فيها شيء ..

    الخطوة الأخيره .. تروحين لـ بنك سامبا ( الأمريكي ) .. وتطلبين منهم قسيمه ( ورقه صغيره ) لدفع رسوم الفيزا الأمريكيه .. تعبينها وتعطينها الموظفه وتدفعين ( 532 ريال ) .. وهذا المبلغ ما يرجع لك في حال عدم قبول طلب الفيزا ..

    بالنهايه كل هذي الخطوات تقدرين تسوينها بيوم واحد .. وخليك حريصه انك تحتفظين بكل ورقه تطبعينها وكل رقم او كود أو تواريخ أو رسائل تجيك سواء من السفاره أو المعهد أو الوزاره .. لانك بتحتاجينها ..

    بالنسبه للأوراق الضروريه اللي لابد تآخذينها معك للسفاره بيوم الموعد هي :

    ـ صور شخصية 5×5
    - الجواز
    - ورقة الموعد ( اللي جتك على ايميلك من السفاره ) .. ( قيمته 45 ريال )
    - ورقة دفع رسوم السيفس .. ( اللي قيمتها 200$ دولار = 800 ريال )
    - الاي توني I20 .. ( ورقة قبول المعهد ) نسخه طبعاً .. خوذي الأصليه معك بعد لكن لا تعطينهم الأصليه فقط يبغون نسخه منها .. صوريها لهم
    - ايصال دفع رسول الفيزا ( اللي دفعتيها بسامبا ) .. قيمتها ( 532 ريال ) ..
    - الضمان المالي .. ( اللي مسجل فيه انك مضمونه إلى 32.000 $ ألف دولار ) ما يعادل الــ 120.000 ريال في حال كنتي بتدرسين على حسابك الخاص .. أو الضمان المالي اللي عطتك الوزاره في حال كنتي تبع برنامج الملك عبدالله ..
    - كشف حساب لآخر 6 شهور .. سواء كان حساب أبوك أو أخوك أو أمك أو حسابك .. المهم يكون نفس حساب الشخص اللي معطيك الضمان المالي ..
    - قبول الجامعه الأمريكيه في حال جاك قبول الجامعه ( نسخه ) .. ما هو ضروري تقدرين تروحين بقبول المعهد فقط .. ولكن زيادة خير
    - صوره من آخر مؤهل علمي حصلتي عليه .. مثلاً : اذا كنتي ناوي تدرسين الماجستير تجيبين صوره طبق الأصل من شهادة البكالوريوس .. أو اذا كنتي بتدرسين بكالوريوس تجيبين صوره طبق الأصل من شهادة الثانويه .
    - أخيراً اذا كان عندك جواز قديم خوذيه معك ..

    وحاولي بيوم الموعد ما تآخذين معك أي اجهزه الكترونيه لانها ماراح تدخل السفاره .. والأفضل انك تروحين بدون شنطه عشان ما يشغلونك عندها .. خوذي أوراقك بيدك وقلم وأفطري زين وتوكلي على الله ..

    الله يوفقك ويسهل أمورك .. وأدعيلي حتى أنا انتظر الفيزا .. عسى ربي يبشرني بخير ..

    والله بيض الله وجهك يا أبو نواف عز الله أنك ذيب ما قصرت كثر الله من أمثالك الأجاويد
    7 "
  7. المشاركة الأصلية كتبت بواسطة دمعه11
    اخوي ابو نواف

    كلة شكر ماتوفي حقك وردك الجميل
    لكن المشكلة الآن اني راح ادرس بمعهد اخر غير اللي راح يكتبونه لي بالفيزا لأنه غالي
    واخات تصير مشكلة لي ! لأني بحول لمعهد تجاري إلين يضموني للابتعاث بعدين اختار معهد حلو وانقل له
    تصير مشكلة اذا طلعت لمعهد غير .. ومعهد الفيزا غير ؟
    هلابك دمعة .. أنا بقولك اللي أعرفه وانتي اسألي بعد أشخاص ثانين غيري ..

    قبل كل شيء .. حالياً انتي بتدرسين على حسابك الخاص ( إذاً وزارة التعليم العالي والملحقية السعوديه بأمريكا مالهم علاقة فيك لين تنضمين للبعثه )

    بكذا اللي يهمنا الحين الأمريكيين أنفسهم ..

    ركزي معي .. إذا قدمتي على الفيزا الأمريكيه بقبول المعهد اللي معك الآن .. راح يسجلونه بالفيزا وهو المعهد اللي انتي ملزمه انك تدرسين فيه .

    طيب بما ان المعهد غالي وانتي تبغن تغيرينه لين يجيك انضمام اتبعي هالخطوات :

    1 - من السعوديه قدمي على الفيزا الامريكيه بالقبول اللي معك حالياً وخلي الفيزا تطلع ..
    2 - قدمي على معهد تجاري رخيص وقبوله سريع ( لازم يجيك القبول قبل ما تسافرين عشان تآخذين الاي توني معك زي معاهد ELS أو KAPLAN أو EF وهي منتشره بكل ولايات أمريكا لانها معاهد تجاريه )
    واحرصي ان تاريخ بداية الدراسه يكون بعد شهر من تاريخ دخولك أمريكا ( واللحين بعلمك ليش بعد شهر .. )
    طبعاً السفاره مالها اي علاقه بتقديمك الثاني .. لو تقدمين على 20 معهد مالهم دخل .. اللي يهمهم انك تدرسين بالمعهد اللي مسجل بالفيزا .. وانتي لاتجيبين طاري للمعهد الثاني التجاري لانه ما يعنيهم .
    3 - بعد ما تدخلين أمريكا .. ( حاولي تروحين بوقت كافي يعني اسبوعين قبل الدراسه عشان ترتبين السكن وتعرفين المدينه ) وامريكا تسمح لك تدخلين أراضيها قبل شهر من تاريخ دراستك فقط .
    4 - اذا راح اسبوعين على دخولك أمريكا وجاء أول يوم لدراستك بالمعهد اللي انتي الحين معك قبوله ( يكون باقي اسبوعين على بداية دراستك بالمعهد التجاري الثاني ) انتي روحي للمعهد التجاري وقولي لهم انا عندي قبول بمعهدكم وعندي اي تونتي ( I20 ) من عندكم ( لانهم اذا قبلوك يرسلون لك I20 من عندهم ) وانا حالياً أدرس بالمعهد الفلاني وابغى انقل عندكم ( هم طبعاً بيفرحون فيك ) لانك بتدفعين لهم مبالغ .. خلاص تجي مهمتهم الحين .. يتواصلون مع معهدك الأول ويطلبون أوراقك من عندهم ويبلغونهم انك بتدرسين عندهم
    ( طبعاً أحياناً المعاهد ترفض نقل اوراقك عشان ما يخسرونك لانك تدفعين لهم .. فيحاولون يعقدون الموضوع عشان ما تطلعين من عندهم ) لكن قانوناً هناك انتي لك الحريه تدرسين بالمكان اللي يجيك فيه قبول وترغبينه ..
    ونادراً ما يصير الرفض . المهم ان المعهد التجاري ينقل أوراقك ويبلغ ( الأمقريشن ) اللي هي الجهه الحكوميه المسؤوله عن تواجدك وعندهم خلفيه عن مكان دراستك وهي الجهه اللي تسأل المعهد في حال غيابك عن المعهد وعن اسباب الغياب ( لذلك لا تغيبين بدون أعذار قويه )
    بطريقه أبسط : هي الجهه اللي يخافون منها المعاهد . المعهد التجاري بعد ما يبلغ الامقريشن خلاص تكونين انتي طالبه نظاميه بمعهدك الجديد ولا لك اي علاقه بالمعهد الأول .. وارجعي له بعدين في حال جاك انضمام .. وحاولي ما تكونين بالصوره اثناء عملية النقل
    يعني انتي بلغي المعهد الثاني انك بتدرسين عندهم وهم يتصرفون وينقلونك وراح يكونون أحرص منك عشان تدفعين لهم . عشان لو بغيتي ترجعين لمعهدك الأول ما يرفضون قبولك لانك كنتي مصره انك تتركينهم . يعني خلي علاقتك فيهم حلوه
    ملاحظه : (( لا تغيبين عن معهدك الأول أبد أبد .. من أول يوم روحي وادرسي كل الحصص وخليك نظاميه لان عملية القبول ممكن تآخذ كم يوم .. ) وانتي محاسبه عن الغياب لو غبتي

    ولا تشيلين هم .. ترى ممكن تكون العمليه هذي خلال يومين إلى 4 ايام .. لانها عمليه سهله ومتعودين هم عليها .. يعني لا انتي اول وحده او آخر وحده بتغير معهدها

    أذكر واحد من أخوياي كذا كان عنده قبول بشيكاغو وطلب نقل لمعهد ثاني بولايه ثانيه .. رفض المعهد الأول وحاول يعقد أوراقه عشان ما يبغون يخسرونه .. قام المعهد الثاني خلال يومين بتبليغ الأمقريشن واصدروا قبول جديد له ونقلوه .. والحين هو يدرس بالولايه الثانيه .

    ( رتبي أمورك من ناحية التواريخ بوقت كافي واكتبيها زين عشان تكون أمورك كلها مضبوطه .. سواء تواريخ انتقالك من معهد لمعهد او سفرك أو أو أو ... إلخ ) ولا تنسين تمرين على الملحقيه بنفسك بواشنطن دي سي عشان تفتحين ملف لان اللي يفتح ملف بنفسه تكون عملية انضمامه أسرع من اللي يراسلهم بالبريد .

    ( ملحوظه : فيه واشنطن ثنتين ( واشنطن العاصمه DC تقع بشرق أمريكا وفيها الملحقيه ) و ( واشنطن الولاية تقع بغرب أمريكا )

    ملاحظه : تأكدي ان المعاهد اللي تتعاملين معها معترف فيها ( موصى بها ) وانها غير مغلقه لتكدس الطلاب السعوديين فيها .
    وهذي ممكن تعرفين عنها بموقع الملحقية الثقافية السعوديه بأمريكا أو موقع سعوديون في أمريكا
    ونصيحه أفتحي لك صفحه بالفيسبوك و شاركي بقروب السعوديين اللي بولايتك أبحثي عن قروبهم أو قروب السعوديين اللي بمعهدك أو جامعتك أو مدينتك .. لان السعوديين فاتحين لأغلب الولايات قروبات بالفيس بوك .
    وسجلي بعد بقروب سعودي مول أو مبتعث مول .. نسيت اسمه بس هذا فيه تبادل خبرات بالمشتريات وفيه بيع وشراء اثاث وسيارات مستخدمه بين المبتعثين .. مفيد للي يبغى يوفر وفيه مواقع مهمه لازم تكونين عارفتها لأختيار سكن أو عوائل امريكيه أو مشتريات ان شاء أكتبها لك بوقت ثاني ..

    ملاحظه ايضاً : بالغالب المعاهد اللي نظامها ليفلات ( مستويات ) .. يعني كل شهر تروحين مستوى .. اسعارها تكون أقل من معاهد الجامعات .. وتأكدي بعد من سالفة التأمين الطبي .. لان اللي اعرفه ان المعهد يآخذ منك قيمة التأمين الطبي عند دفع الرسوم
    فإذا نقلتي من معهد لمعهد اسألي المعهد الجديد عن سالفة التأمين الطبي هل ينتقل معك أو لازم جديد ؟ ..

    ( أنواع المعاهد بامريكا : نظام سمسترات يعني المستوى 4 شهور .. وهذا يصلح للي بيدرس جامعه لان برامجهم أكاديميه بس يعيبه طول الوقت .. ونظام الكوارترات يعني السمستر من شهرين ونصف إلى 3 شهور .. وهذي مده معقوله .. وبالأخير نظام ليفيلات اللي هو كل شهر .. ) السمسترات والكوارترات هذي بالغالب تابعه لجامعه وتكون دراستها مكثفه وتاخذ من سنة وشهرين الى سنه وثمان شهور .. لين تخلصينها . لكن الليفيلات سنه بالكثير أو اقل وانتي مخلصه اللغه .

    ملاحظه : إذا جاك نقل للمعهد الثاني انتي حاولي تتأكدين من الأمقريشن اذا عندهم فعلا علم عن انتقالك للمعهد الجديد أو لا ..
    وهذي عمليه سهله .. مجرد استفسار بسيط يا عن طريق ارقام هواتف لهم أو موقعهم أو قولي لمعهدك الجديد يعطونك نسخه من اي اوراق تثبت على موافقة الأمقريشن انك تنتقلين لهم واحتفظي فيها ..

    ( من الأشياء اللي تساعد على الانضمام للبعثه : ان التخصص يكون من التخصصات اللي تطلبها الوزاره وان الجامعه يكون موصى بها وان المعهد يكون موصى به وان الجامعه غير مغلقه للتكدس وان المعهد غير مغلق للتكدس وانك تفتحين ملف بوزارة التعليم العالي وانك تفتحين ملف بالملحقيه بأمريكا وانك تآخذين أمر اركاب للطياره .. ) وفوق هذا أعرفي من المشرف أو المشرفه حقتك بالملحقيه وخوذي ارقام التواصل والايميلات و استفسري كل فتره .. )

    وحطي في بالك .. كثرة الشرح هنا ماهي دليل على صعوبة العمليه أبد أبد .. يعني اللي يقرى كلامي هذا يقول السالفه هذي صعبه ومعقده !! وهي ممكن تتم خلال يومين أو يوم واحد بعد إذا المعهد الأول تجاوب بسرعه .

    الله يوفقك ويسهل أمورك .. دعواتك لي أنتظر الفيزا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.