استفسار يا مشرفين يا الطلاب المبتعثين تكفووون انا بحاجة لمشورتكم

ماشا الله عليك ياخوي..الف الف مبرووك..خل اقولك شي.. انت قبل لا تروح ابتعاث اسأل نفسك ليه..؟؟؟..يعني وش الاشياء اللي تخليك انك ودك تروح بعثه ؟؟

انت ماشالله عليك معدلك عاال العال..يعني بإذن الواحد الاحد مافي جامعه راح تردك..وبعدين انت قلت بنفسك البعثه ماهي بسهله..غربه وغثا..!!..انا من رايي انك تحدد ميولك ايش..طب.. هندسه ؟؟
بعدين قدم عالجامعه وبإذن الله راح يجيك قبول في افضل الجامعات..البترول.. فيصل.. سعود..كلها جامعات قويه ولها قوتها عند الشركات..ولا تنسى الاستخاره قبل كل شي..

(وعلى اية حال..هذي وجهة نظري الشخصيه)

مووفق,,,

أنا برأيي إنك تدرس اللي تبغاه لكن البكالوريوس في السعودية .. نصيحة أخ يحب لك الخير . وبالتوفيق لك .

الله يبارك بايامك اخوي طموح انا اميل طب بس لو ادخل هندسة ما راح يعوقني راح امشي احلى ما يكون وان دخلت هندسة مهدف ومخلص بدرس ميكانيكا من ناحية الجامعات بالسعودية مدري ياخي بس البورد الأمريكي أحس انه شي ومعتمد بكل انحاء العالم بس البورد السعودي اسمحلي احس انه مو قوي بقوة الأمريكي طبعا هذا الأمر بالطب لكن بالهندسة يمكن اصير معاك انه هنا بالسعودية اسهل من الناحية النفسية والاجتماعية بس ياخوي انا للحين محتار هندسة ولا طب خصوصا ان كل اللي حولي نصحوني بالطب وبقوة وشارك لك مرورك وعبق حديثك

ممكن توضح لي اخوي مان 9 البكالوريوس بالسعودية كيف؟ الله يحبك ويوفقني وياك يا رب وجميع طلاب العلم والخير

الف مبروووووك وبعدين هونها وتهون اذكر الله وسع صدرك الأمور سهلات ومنت اول واحد يبتعث وبعدين حط ابالك انك ماراح تكون لحالك الله معك والسعوديين ماشاءالله بكل مكان
نجي للمشورة انا راح اتكلم عن نفسي لو ان دراجاتك عندي بكل بساطة بعثة ارامكو cpc وانا مغمظ ولد خالي توه مخلص منها ماشاءالله وكانت بعثته في بريطانيا والرجال مرتاح اخر راحة والليلة زواجه بعد ماشاء الله عليه ربي يوفقه وبصراحة كان يمدحها ومرتاح فيها ومستانس كلها تقريبا كانت 4 سنوات او أكثر شوي ماني متأكد بالضبط بس المهم انه في وظيفة محترمة جدا جدا الحين انا عطيتك رايي لو اني محلك وقلتلك تجربة قريبي عنها عاد انت القرار راجعلك في النهاية شوف واطلع واسأل الناس المجربين بعدين شف الي يناسبك وحدد وجهتك وربي يوفقك.

الله يبارك بأيامك ويوفقنا جميعا لكل خير والله ياخوي مدري انا انشاءالله بقدم على ارامكو عن قولت بس مدري صراحة الشغل بالشركات هاذي متعلق بجهه وحدة او محدودة جدا اللي هي لازم تشتغل بالنفط بس الطب احد الأسباب اللي خلتني اميل له انها مهنة لك يعني مو متعلقة بشيء مو لازم تشتغل بنطاق محدد لك كامل الحرية بالتوسع بمجالك وصراحة هاذي نقطة مهمة لأن ارامكو راح تبعثني بالشيء اللي هي تبيه وراح اصير معلق به كل عمري

هلا أخوي ،، ومبروك التخرج ،، وماشاء الله معدلك لا استطيع التحدث عنه ،، يكفي النسبه 100%
أخوي العزيز ،، التقديم على برنامج الملك عبدالله راح تنقبل أكيد ولا فيها أي اختلاف إن شاء الله ،،
لكن ،، من ناحية الطب ،، قد يصعب القبول في امريكا للطب ،، بحكم أنهم مايقبلون إلا أعداد محدوده ،، لكن ،،
عندك دول كثير مثل المانيا وفرنسا وغيرها ،،
الدراسه هنا ليست بتلك الصعوبه ابدا ،، بالعكس يقدرون الطالب ويشرحون لك بأبسط الطرق وبالطرق المتطوره ،،
لكن فكر مع نفسك مره ومرتين وثلاث ،،
اذا كنت تحس احساس أنك مو قد الغربه ،، ادرس بجامعة الملك سعود ،، تقييمها قوي على مستوى العالم وكل سنه يرتفع تقييمها ،، وادرس طب وتعال هنا زماله وكمل ،،
بالتوفيق لك ،،

الله يبارك فيك اخوي بلاتو, انا والله اريح لي نفسيا لو اروح لم بريطانيا خصوصا واوروبا عموما لدراسة الطب بحكم القرب للتوقيت السعودي وبحكم كثرة المبتعثين والعرب والمسلمين هناك والله يجزاك خير لانك طمنتنا من ناحية تدريسهم لان بعض الشباب الله يهديهم يقعد يحطم فيك ههههههه شاكر مرورك أخي الكريم

الله يوفقك ولاتنس الاستخارة مهمة بعدها اختار واترك الباقي على الله لأنك طلبت المشورة من الرب الرحيم العليم بأمورك واللي يصلح لك واللي مايصلح لك ولا تنس تستشير والديك وبالتوفيق