انا حابه ابتعث بس عندي مشكلة ( معيده)
السلام عليكم .. صباحكم /مسائكم خير منتدى المبتعثين .. ان شاء الله تكونون في تمام الصحه والعافيه .
بصراحه بدخل بالموضوع على طول .. انا معيده في احد الجامعات في المملكه وزوجي معلم ابتدائي ..
والجامعه طالبه علي الابتعاث لاكمال الدراسه .. وحددوا لي الوجهة اللي هي امريكا ..
بس فيه مشكله وحده عندي .. ابي اعرف كم راح يعطوني مكافاه .. وزوجي هل يمشي راتبه كامل او يعطونه جزء منه ومكافاه ..
لان بصراحه علينا قروض انا وياه ومستحيل اقدر ابتعث اذا نقصت رواتبنا اكثر من النص .
ياليت تفيدوني بالتفاصيل ..
رد: انا حابه ابتعث بس عندي مشكلة ( معيده)
عزيزتي زوجك لازم يأخذ اجــازه استثنائيه وطبعاً يوقف الراتب والعلاوه كذلك حتى يرجع ..
واذا في حالة تحايل عليهم واخذ اجازه استثنائيه من رصيده ي يعني عنده رصيد اجازات براتب رح تعرف الملحقيه ورح يوقفون مكأفأته يعني ماتنزل له مكافات لين يوقف صرف راتبه عشان مايصير يجمع بين راتبين ..يعني مستحيل ينزل له راتب لانصه ولا كله بالذات انه معلم يعني رح يفرغ كــ مرافق اي بدون راتب
والمكأفأة لك حوالي 1900 دولار
والمرافق 890 دولار
يعني الحياة مو سهله في امريكا وصعب جداً انك توفرين من المكأفاة لانها يادووووب تكفي
معيشه ومصروف وسكن وكتب ...
الله يوفقــك ويدبــرك ع مافيه خير وخيــره ..
رد: انا حابه ابتعث بس عندي مشكلة ( معيده)
الي اعرفه المعيد المبتعث له مكافأة الابتعاث وزيادة عليه نص راتبه
رد: انا حابه ابتعث بس عندي مشكلة ( معيده)
السلام عليكم تقريبا ياجماعة الخير مشكلتي قريبة من مشكلة الاخت انا قدمت على البعثة والحمد لله تم قبولي في امريكا واموري كانت ماشية تمام الى ان تم تعييني كبديلة وتم شملي بقرار الملك بالتثبيت الان محتارة هل اواصل في التدريس وفي نفس الوقت نفسي اكمل دراستي ايش الحل من وجهة نظركم الله يعطيكم العافية
انتظر الرد لا احد يطنش تكفووووووووووون.....
رد: انا حابه ابتعث بس عندي مشكلة ( معيده)
شموع الامــل
القرار طبعاً بيدك وانتي لازم تأخذينه بقناعه دون تأثير احد ولكن حنا اكيد نبي نقول ارائنا بالموضوع
هل انت قادره وحابه تكملين دراستك وعندك القدره والصبر لذلك ..؟ وتتحملين الغربه ..؟
هل اذا رجعتي رح تلقين وظيفتك تستناك ..؟
الان ياعزيزتي الوظايف بالقطارة فـ عصفور باليد خير من عشره ع الشجره ..!!
ولا اعلم اذا كنتي تقدرين تأخذين اجازه وتكلمين دراستك وبعد الانتهاء ترجعين تلقين الوظيفه اذا كذا ممكن ..
تمنياتي لك بالتوفيـــق
والله يدبرك ع الصــالح
,,
,,