مالي الا الله ثم انتم .. ساعدوني اذا تقدرون

السلام عليكم ورحمة الله وبركاته ..
أخوكم / من الدمام
انا شخص ابلغ من العمر 23 سنة
موظف بشركة ارامكو السعوديه .. توظفت على الثانوي
بعطيكم قصتي باختصار واتمنى منكم المساعده انا شفتت مواضيع كثيره وماتقصرون مع كل الشباب
قصتي تبدا من بعد الثانوي ... بمعدل متوسط قرابة 80 بالمئه
التحقت بمعهد الادارة الغامة بالدمام وبعد قبولي بنظام التدرج الوظيفي بشركة ارامكو تركت المعهد
دربتني الشركة بحسب احتياجها طبعا ولا اخترت تخصص ولا شي
المهم انا افكر اترك وظيفتي .. واطلع برى ادرس على حسابي
وعندي امور كثيره بحثت فيها بس يظل ساعات ماتقدر تسوي كل شي لحالك
عندي عدة استفسارات وارجوكم تفيدوني فيها لاني شبه ضايع
اولا انا افكر اروح دولتين حاليا أمريكا 70 بالمية
برطانيا 30 بالمية
1- هل لو رحت على حسابي ممكن انضاممي للبعثه ؟ ومتى انظم خصوصا ان اسمع كثيرين يقولون بعد المعهد
2- تقريبا كم يبي لي فلوس لين مانظم للبعثه ؟
3- هل يحتاج فحص؟ طبي او بس التطعيمات اللي يقولون عنها
4- انا مابعد احدد التخصص 100 بال100 هل في برامج او اشياء تساعدك في اختيار تخصصك؟
5 - انا عندي موصافات لمدن معينة يعني مثلا ابي ولاية مو عاد سياحيه كلش وغاليه مثل نيورك
ولا ابي ولاية بالنص وكلها قرى وكذاا
يعني ابي شي يكون قريب من بحر اهم شي <<< اللي عاش عند البحر يموت ولايتركه :D
وتكون مدينة جامعية عدله بصراحه ادورت بوزارة التعليم العالي واااااجد الجامعات وضيعت يعني ابي عالاقل افضل 100 جامعه
يعني مثلا انا سمعت عن اورجان << يقولون كويسه الولايه (( وقريبه من كاليفورنا )) وسمعت اريزونا بس يظل ماعندي معلومان عدله
تكسس حلوه بس حر
6- ابي اعرف وشو العطل اللي موجوده بالنظام الامريكي؟
7- والله لايهينكم بو احد يعرف النظام البرطاني يعطيني لمحه عنه
8 احب اشكركم ولو طرى علي سؤال بقول لكم وانتظر فزعتكم

1- هل لو رحت على حسابي ممكن انضاممي للبعثه ؟ ومتى انظم خصوصا ان اسمع كثيرين يقولون بعد المعهد
اثناء دراستك في المعهد ممكن تلتحق ،،
2- تقريبا كم يبي لي فلوس لين مانظم للبعثه ؟
60 الف الى 70 الف ريال
3- هل يحتاج فحص؟ طبي او بس التطعيمات اللي يقولون عنها
لايحتاج ،، بعض الجامعات تطلب تطعييمات فقط ،،
4- انا مابعد احدد التخصص 100 بال100 هل في برامج او اشياء تساعدك في اختيار تخصصك؟
أنت حط في بالك 3 تخصصات واقرأ عنها كثييير واللي ترتاح له ،، ابدأ اسأل عنه الناس الخبره والمتعلمين والفاهمين ،،
5 - انا عندي موصافات لمدن معينة يعني مثلا ابي ولاية مو عاد سياحيه كلش وغاليه مثل نيورك
ولا ابي ولاية بالنص وكلها قرى وكذاا
يعني ابي شي يكون قريب من بحر اهم شي <<< اللي عاش عند البحر يموت ولايتركه :D
وتكون مدينة جامعية عدله بصراحه ادورت بوزارة التعليم العالي واااااجد الجامعات وضيعت يعني ابي عالاقل افضل 100 جامعه
يعني مثلا انا سمعت عن اورجان << يقولون كويسه الولايه (( وقريبه من كاليفورنا )) وسمعت اريزونا بس يظل ماعندي معلومان عدله
تكسس حلوه بس حر
اوريقون وليس اورجان ،، ولايه حلوه وبعض جامعاتها قويه
6- ابي اعرف وشو العطل اللي موجوده بالنظام الامريكي؟
يوجد موضوع خاص بها ،، حتى في قوقل تستطيع ايجادها ،، أنا سأجاوبك على الأجوبه التي صعوبة البحث عن اجاباتها ،،

أشكرك ومعليش تعبناك وأي شي يخطر في بالي بقولك واشكرك مره ثانيه بالنسبة للولاية oregon << انا اعرف اكتبها انجلش فغلطت بالعربي خخخ

مشكوره مره ثانيه

احوي نسيت اسألك الله يعافيك شنو وضع السكن؟

اخوي ابجاوبك على اسألتك هذي من واقع تجربة ست سنوات ابتعاث

خلص امورك بسرعة وركز في كل شي تسويه وصور كل ورقة تسويها من الوزارة او الملحقية او من السفارة والباقي يحله ربك

اما بخصوص الاسألة فهي تعتمد عليك قبل اي واحد يعني افضل تخصص ياخذه الطالب هو الجراحة ولكن هل تحب ان تكون جراح؟؟؟؟؟؟؟ اقصد كل واحد وميوله ومعدل صرفه ووضعه الصحي والاجتماعي

1- لو تروح راح تنضم ان شاء الله بس انت وحضك ممكن بعد سبوعين ممكن بعد ثلاث شهور يعني الحرص واجب من ناحية الفلوس واجتهادك في الدراسة من البداية لان الملحقية ممكن ماهو اكيد بس ممكن تسال عن درجاتك(انا عن نفسي ماسآلوني)

2-من ناحية الفلوس انا مثلاً احتاج ضعف الي يحتاجه اي شخص سوي او صحته كويسه لان عندي علاجات مثل الانسولين للسكري وشرايح تحليل سكر وغيره وغيره ولكن اعتقد ان 950 دولار راح تكون كافيه لك كل شهر لحد ما تنضم ويختلف تكلفة المعيشة من ولاية الى اخرى انت تبغى بحر اكثر المدن الي على البحر غاليه وغاليه جداً لو كنت مكانك اخترت قريه او مدينه رخيصة لحد ما انضم واختار الجامعة في المكان الي احب اذا انضميت وصار عندي دخل ثابت.

3- لا ادري.

4-اخوي التخصص يعتمد اول شئ على ميولك انت وحدك ميولك ثم ميولك ثم ميولك وحبك للتخصص استغرب كثيرا من الناس الي يسأل عن افضل تخصص كيف تسأل وانت من ستقوم بالدراسة والعمل به ان شاء الله وانا وقعت في نفس هذه المشكلة.

5-المدن الي فيها بحر وسياحية راح تكون غالية كثير والغير سياحية وفيها بحر ما راح تشوفه الا كل سبع شهور مره لانه شبه مهجور! اختر الولاية او المدينة الي على امكانياتك المادية وعلى مواصفات الجو لان الجو هو اهم شئ.

6-سؤال صعب.

7-النظام البريطاني تقصد الدستور والا نظام المعيشة هناك؟

8- اوريقن اعجبتني كثيراًً واريزونا كذلك وفرجينيا رائعة ولكن فيها جفاف العاصمة

9-السكن انت واختيارك انت وذوقك وامكانياتك يعني انت بتسافر لوحدك والا معك احد؟ راح ترتاح انك تسكن مع عائلة عاداتهم وتقاليدهم تختلف ونظامهم يختلف في كل شئ مع العلم ان عامل الحظ يللعب دور يعني انا سكنت مع عائلة في كندا كانت تاخذ مني 750 دولار كندي طبعا كندا غاليه شوي والمكافئه اكثر من امريكا المهم كانت تاخذ مني 750 وتصرف علي اكثر من المبلغ هذا !! تصدق! يعطوني السيارة واذا اشتروا اي شي يشترون لي معهم
رحت لمريكا وانا هنا ما اقارن بين الدولتين لا كلهم واحد بس الحظ سكنت مع عاظله تقدم لنا موز من الفريزر لونه اسود عمره شهر! وجبة سناك هههههههههههه فيختلف وانت تقدر تفضي نفسك وتخش على مواقع العقار اذا حبيت شقه او بيت وتشوف وتنسق وهذا واحد منها craigslist: charlotte classifieds for jobs, apartments, personals, for sale, services, community, and events

بالتوفيق لك

انت انسان تاريخي مشكور عالمساعده وانا عن نفسي جاري البحث بقرا ردك مره اخرى بتمعن وراح ارد عليك ومشكور

أ : احمد
انا ارسلتلك الرد على رسالة على الخاص هتلاقى كل اللى يتعلق بطبيعة الدراسة وكل ما يتعلق بالدراسة فى الخارج
بالتوفيق ان شاء الله