الأعضاء الإشتراك و التسجيل

الملتقيات
ADs

مساعدة طردت من القنصلية, ولكن سأعود للسفارة

مساعدة طردت من القنصلية, ولكن سأعود للسفارة


NOTICE

تنبيه: هذا الموضوع قديم. تم طرحه قبل 2378 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية DaGee
    DaGee

    مبتعث جديد New Member

    DaGee الولايات المتحدة الأمريكية

    DaGee , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Nuclear engineering , بجامعة University of Tennessee
    • University of Tennessee
    • Nuclear engineering
    • ذكر
    • Knoxville, Tennessee
    • السعودية
    • Jan 2011
    المزيدl

    July 15th, 2011, 05:30 AM

    يوم الربوع المنصرم كانت عندي مقابلة في قنصلية جدة الأمريكية بعد ما وقفت طابور في الشمس وأنواع الذل من الحرس الوطني حتى وربي أفتكر ربع عدا قدام حرمتين قايلهم (فديت المراجعين) ولا يفوتكم المرواحة أوم مويه

    الموهوم وصلت لنقطة التفتيش > أو التجريد بالأصح
    حتى الشوراب قشعته وربي خوفت يفسخ سروالي
    الموهم وصلت للحصن, وأخدت التيكيت وكنت منهمك في ترتيب الأوراق وعدا الرقم
    روحت للسيكورتي وكان متساهل معي وما طردني الحمدلله وأداني رقم جديد
    وصلت لرقمي ونقزت للشباك وسلمت الأوراق للخواجه الشايب
    قالي أطبق الأوراق جوت الجواز وبعد كيدا أخدهم وبصمني وقالي أستنى نناديك باسمك
    جلست والدنيا كلها خليطي الرجال على الحريم >>> لسع ما طلعت من السعودية وشوفت إيمو كمان
    قابلت واحد كان يدرس معي في الجامعة > ياولد السعودية كلها طالعة عشان تحسين النسل هناك
    إلي يسوى المقابلات كانوا خمسة, واحد سعودي, أمريكي شايب, عجوزة أمريكية, حاولوا تبعدوا عنها, أمريكية, هندي!
    المقابلات كأنك بتصرف فلوس من البنك > وقافي وخلف زجاج, والناس يتفرجوا على مقابلتك كأنهم يشوفوا مسرح
    بالزبط زي الصرافين في البنك
    وللأسف نادني الهندي وكان مهو رايق ولا فايق
    يا عالم أحسه كان شغال في السعودية وجا يغسل بيا الأرض
    أول سؤال إيش تبغى تدرس؟
    الهندسة النووية
    إيش ؟
    هن هندسة > عنج En En genreeing
    من فين أخدت شهادتك ؟
    من عزوز
    هات كشف درجات أخر ترم
    >>>>> نبشت في الأوراق وسلمته ورقة
    إنتا فين أتعلمت إنقليزي
    الجا
    أقولك كشف درجات مو الشهادة
    >>>>>>>>>> ليت الأرض تبلعني خلاص حمرت وأنقلبت إشارة
    إنتا متخرج من ثمانية أشهر؟
    تقريباً
    إيش سويت فيهم؟ >>>>>>>>>>>>>>>>>كش ملك
    كنت أقدم للوظايف والبعثة و
    أنا ما حأعطيك فيزا أبداً لين ما تعدل حياتك على الأقل

    كيف ما فهمت؟ إيش أسوي عشان الفيز
    >>>>>>> رمى أورقي في الدرج وكتب ورقة إني مني مستعد للدراسة
    وحشر الورقة مع بقية الأوراق
    وزعق جو أوت سايد مشيراً لإبهامه للباب

    لملمت أوراقي قدام الناس وتحت نظرات شفقتهم
    قبل ما أخرج كنت سامعهم ربي يوفقك - روح الرياض أحسن لك - معوض
    رجعت البيت ورسلت إيميل للقنصل والسفير ووووووو أوباما وهيلاري
    الموهوم قلت أبدأ من جديد في الرياض
    عبيت كل شي والحمد لله زبطت الموعد والله يعين على السفر في رمضان

    الهندي من كتر قهره نسي ياخد إيصال سامبا حسب ما فهمته من المنتدى لأنهم ياخدو الإيصال سواءُ أنقبلت ولا لا


    هل أحتاج أن أسدد ال532 من جديد رغم إن الإيصال بحوزتي أم لا؟؟؟
    يعني إيصال سامبا معايا وما كتبوا عليه شي ولا شقوه شد بلد من سامبا
    ينفع أقدم بيه تاني ولا أرجع وأسدد والعوض على الله

    وإيش المشكلة أوالثغرة إلي كانت في المقابلة
    أتوقع عشان ثمانية أشهر عاطل بعد الجامعة
    والحل تزوير أوراق عمل مثلاً ؟؟؟؟؟؟؟؟؟؟؟؟؟؟؟؟
  2. والله شوف حبيبي .. انا الي استنتجتو من الاوراق الي طلبوها مني ايوه انو انتا بعد اخر شهادة رسميه اخدتها ايش سويت .. يعني انا لمن اتخرجت من الثانويه ايش سويت .. ؟ اول شي رحت كدا واخدت دوره كدا وسويت وسويت وسلمتها لهم مرتبه من الثنويه ليييين اخر شي اخدتو الي هوا تعريف بدون راتب من الدوام .. والحمد لله الي مستنيه انشالله الفيزا .. وبادن الله اخلص .. لانو يخافو من الفتره دي انتا سافرت مكان احتكيت بناس مو ولا بود .. ! ع العموم الله يكون في عونك اما الايصال والله كمان ما اقدر افيدك فيه .. تمنياتي لك بالتوفيق يا قلبو .. ^^
    7 "
  3. كان قلت اشتغلت في محل حق عمي .. خالي .. ابويا ... الجيران ..
    والا صرفتة باي شي ..

    انا سويت كذا في الرياض لسا سنتين متخرج .. قلي ايش سويت .. قلت اشتغلت في محل عطور ..

    بس انا اعرف واحد في نكتار قلت حتى لو قعدولي اجيب ورقة من عندهم ..

    والحمدالله اسبوع وفيزتي عندي ...
    7 "
  4. هندسة نوويه >>>> خطييييييييييييرة مره ...>>>>أناودي كيمياء نوويه...

    الظاهر خاف من اسم التخصص وقال هذا ناوي على نيه....

    نصيحه الرياض سهليييييييييييين خاااااااااالص ...أنا وأخويه فيزتنا أنطبعت بيوم واحد...


    ع فكره انا عااااااااطله لي4سنوات .....وماسألوني متى تخرجتي وايش سويتي....
    7 "
  5. Ideas4life :
    كلامك صح, بس مستغرب ليش سفارة الرياض أفضل من جدة (حسب ما سمعته)؟!
    inon :
    برافو عليك يا قمر, أنا زي الأهبل روحت وكنت مستبعد دا السؤال, وشكلي المرة الجاية -إن شاء الله- أجيب لهم ورقة عمل وشهادات >> كأني رايح مقابلة عمل في شركة.
    البعثة حلمي:
    المرة الجاية حيشوفوا أنواع التزوير لوووول >> وربي كتيرين قالولي زور تمشي أما تسوي نظيف وتسوق الشرف يرفزوك. وأنا إلي حسبت مع الأمريكان حقك ما يضيع, ربي يحقق لك حلمك وحلمي.
    سقامه:
    إن شاء الله أروح تحت الأرض عشان أكمل دراستي, شكراً عزيزي كلامتك رجعتلي الأمل والإصرار.
    \لقلب الصادق:
    قولي ماشاء الله
    وربي أتعقدت من التخصص دا, كأني موسوعة إرهابية مفجرة.
    وزي ما تفضلتي عزيزتي >>>>> (عاطلة) وليس (عاطل).
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.