عدة اسئلة في السنة الأولى "اللغة" وفي اختيار التخصص
بسم الله الرحمن الرحيم
السلام عليكم ورحمة الله وبركاته
انا نويت ابتعث برا وادرس هندسة والانجليزي الحمد لله عندي زين ...
لكن اول مرة اطلع برا فلازم معهد اكيد واتعرف على البلد
اسئلتي هي :
- الحين في اول سنة "اللغة" كيف راح يكون سكني ؟ مع عائلة والا لازم انا ادور سكن ؟
-هل في بداية الفصل او السنة يختبروني توفل ؟ او يختبروني اختبار ثاني غير توفل ....؟ وكم مرة يحق لي اختبر توفل ؟
-لو اخلص المعهد بقدرة قادر خلال فصل دراسي واحد "الخريف" .. هل استطيع الالتحاق في الجامعة في بداية الفصل الثاني ؟
-في جامعات الهندسة هناك .. هل فيه سنة تحضيرية اقدر اتعرف خلالها على التخصصات وكذا زي البترول والمعادن ؟؟
-كيف الاكل هناك من ناحية المطاعم واللحوم من السوبر ماركت ؟ يعني في المطاعم مثلا عندك ماك ,,هل يكفي انه اصل ديانة المطعم كتابي ولا احتاج اسأل اذا الطعام يذبح بطريقة "حلال" او لا ؟
-ودددي اعرف ايش الملحقية اسمع فيها كثير بس ما اعرفها ...
-هذا سؤال للي متخصص في الهندسة : كم سنة هناك الدراسة ؟؟ وكم معدل مذاكرتك ودراستك في الايام العادية ؟؟ و كمان ودي اعرف عن سكن جامعتك اذا ساكن فيها يعني معك روم مايت او لا ....
اسف عالاطالة وشكرا
رد: عدة اسئلة في السنة الأولى "اللغة" وفي اختيار التخصص
اقتباس:
المشاركة الأصلية كتبت بواسطة BAZINGA
بسم الله الرحمن الرحيم
السلام عليكم ورحمة الله وبركاته
وعليكم السلام ورحمه الله وبركاته .
انا نويت ابتعث برا وادرس هندسة والانجليزي الحمد لله عندي زين ...
لكن اول مرة اطلع برا فلازم معهد اكيد واتعرف على البلد
موفق في اختيارك وانا مثل حالتك والله يسهلها انشاء الله علينا
اسئلتي هي :
بجاوبك باللي اقدر عليه واعذرني اذا حصل خطأ
- الحين في اول سنة "اللغة" كيف راح يكون سكني ؟ مع عائلة والا لازم انا ادور سكن ؟
انت على راحتكـ تبي مع عائله ولا سكن المعهد ولا في شقه لحالك ولا روميت اللي يعجبك بس الافضل انك تسكن مع عائله .
-هل في بداية الفصل او السنة يختبروني توفل ؟ او يختبروني اختبار ثاني غير توفل ....؟ وكم مرة يحق لي اختبر توفل ؟
قبل لا تبدا في دراستك للغه يعطونك اختبار يقيسون مستواك واختبار التوفل يكون على ما اعتقد انه مره وحده نهايه فترة اللغه وفيه اختبارات تجريبيه للتوفل انت تطلبها
-لو اخلص المعهد بقدرة قادر خلال فصل دراسي واحد "الخريف" .. هل استطيع الالتحاق في الجامعة في بداية الفصل الثاني ؟
نعم تقدر
-في جامعات الهندسة هناك .. هل فيه سنة تحضيرية اقدر اتعرف خلالها على التخصصات وكذا زي البترول والمعادن ؟؟
والله شوف فيه ناس يقولون فيه وناس يقولون لا << وانا صراحه خايف من التحضيريه لانها لازم تجيب معدل عالي اذا تبي هندسه وانشاء الله الاعضاء يفيدوننا بخصوص السنه التحضيريه
-كيف الاكل هناك من ناحية المطاعم واللحوم من السوبر ماركت ؟ يعني في المطاعم مثلا عندك ماك ,,هل يكفي انه اصل ديانة المطعم كتابي ولا احتاج اسأل اذا الطعام يذبح بطريقة "حلال" او لا ؟
فيه مطاعم اسلاميه طبعا وفيه مطاعم عالميه مثل ماك وغيرها بس عشان مايلعب عليك ويخشك اطلبلك دجاج احسنلك
-ودددي اعرف ايش الملحقية اسمع فيها كثير بس ما اعرفها ...
الملحقيه ياطويل العمر هي (( السفاره السعوديه )) وهم المفرووض انهم يعتنون فيك ويشوفون وضعك بالخارج وكل شي تبيه سواء من الحاق << اذا تدرس على حسابك او تغيير معهد او جامعه لازم تروح او تتواصل مع الملحقيه
-هذا سؤال للي متخصص في الهندسة : كم سنة هناك الدراسة ؟؟ وكم معدل مذاكرتك ودراستك في الايام العادية ؟؟ و كمان ودي اعرف عن سكن جامعتك اذا ساكن فيها يعني معك روم مايت او لا ....
انا زيكـ الى الان في الرياض واوجه نفس سؤالك للاعضاء يفيدوننا اكثر بس حسب ما سمعت انها سنه لغه وثلاث سنوات دراسه .
اسف عالاطالة وشكرا
اعتذرلك اخوي وسامحني اذا حصل اي غلط مني
وادعيلنا الله يسهل امورنا ونلتحق بسرعهـ .
رد: عدة اسئلة في السنة الأولى "اللغة" وفي اختيار التخصص
الأجوبه صح بس الملحقيه ما هي السفاره شئ ثاني إن شاء الله بس تطلعون بعثه تشوفونها
إذا رايحين أمريكا في معاهد ما يحتاج أنك تختبر الايلتس أو التوفل بس تخلص المعهد وتدخل الجامعه ويسمونه قبول مشروط
واذا تبى تختبر التوفل ولا الايلتس تدفع وتختبر وقت ماتبغى على كيفك
لا تكتبون أسئله أبحثوا في المواضيع القديمه شوفوا خبرات غيركم ترى فيه الي يجاوب أسئلتكم
الله يرعاكم
