الأعضاء الإشتراك و التسجيل

الملتقيات
ADs

مساعدة ارجوا المساعدة العاجلة يا اخووان - ما لي غيركم

مساعدة ارجوا المساعدة العاجلة يا اخووان - ما لي غيركم


NOTICE

تنبيه: هذا الموضوع قديم. تم طرحه قبل 2329 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعثNEW
    مبتعثNEW

    مبتعث مستجد Freshman Member

    مبتعثNEW المملكة المتحدة

    مبتعثNEW , ذكر. مبتعث مستجد Freshman Member. من السعودية , مبتعث فى المملكة المتحدة , تخصصى لغة انجليزية , بجامعة Beet School
    • Beet School
    • لغة انجليزية
    • ذكر
    • بورنموث, لندن
    • السعودية
    • Oct 2010
    المزيدl

    July 29th, 2011, 09:56 AM

    السلام عليكم

    مبارك عليكم الشهر الكريم والله يعيده علينا وعليكم بصحه وعافيه

    عندي مشكلة وتوهقت فيها ولا ادري وش اسوي واحس اني بجيب العيييد قبل لايجي

    انا رحت مكتب اخذت اسمه من موقعكم وفيه ناس تمدحه وهو كويس يجيب القبول بسرعة

    قلت له ابي اروح امريكا ادرس لغة وجامعة - جاب لي معهد في ولاية واشنطن في سبوكن قبول بدون جامعة

    والجامعة في ولايه يوتا -

    كلهم معترف فيهم وسليمين ميه الميه - جاني القبول خلال 10 ايام في المعهد والجامعة وسويت مقابلة للفيزا ووصلتني الفيزا ولله

    الحمد , بس بعد ماوصلتني الفيزا باسبوع تقريبا اتصل علي المكتب وقالي معهدك صار موقوف !!

    طيب انا الحين عندي قبول منه يوم كان غير موقوف والمشكلة العظمى ان الفيزا جتني على مدينه سبوكن -

    قالي المكتب عندك حلين الحل 1 / انك تروح تدرس بالمعهد شهرين ثم تحول لمعهد او ولايه ثانيه . او الحل 2/ انك تكنسل الفيزا

    وتسوي جديده بس الحل الثاني 70 % راح يرفضونك ومايعطونك فيزا

    قلت له جب لي قبول معهد اللي تبع الجامعة في ولايه يوتا ووصلني خلال يومين , وفيه ناس تقولي عادي تدخل بفيزا سبوكن وانت

    معك قبول يوتا , والمكتب يقول انهم بيسوون معك تحقيق ومشكلة هناك واحتمال يرجعونك للسعوديه وماتدخل امريكا مره ثانيه

    انا الحين متوهق باقي على سفرتي شهر كامل !!

    انا وش ازين الحين اكنسل الفيزا ولا اتوكل ع الله واروح , اللي مرت عليه السالفة هذي او يعرف وش الحل او اي حل متاكدين منه

    لايبخل علي وله اني ادعيله برمضان ..

    نسيت شيء , قبل لا اجيب قبول معهد يوتا , رحت للتعليم العالي اللي بحي الغدير

    وسالت موظف بمكتب وقلت له المشكلة , قالي اذا المعهد موقوف او غير معترف فيه لاتروح نهائيا

    وقالي جب قبول ثاني من اي معهد وخذ لك موعد بالسفارة وقولهم المشكلة وبيسسون لك ختم على نفس الفيزا وتوصلك خلال 3 ايام

    هذا كل اللي عندي حاليا .. الله يوفق اللي يرد علي .

    انتظركم بفارغ الصبر .....
  2. وعليكم السلام ورحمة الله وبركاته

    الحل الثاني صعععب جداً والأول صعب لكن الأول اهون من الثاني

    إنت دام معاك قبول المعهد الثاني ,, ادخل لامريكا بقبول المعهد اللي طالعه عليه الفيزا والثاني خليه بشنطتك ,, وروح للملحقيه وقول لهم السالفه كذا كذا كذا
    إن شاء الله هم يساعدونك على التحويل ,, ما ساعدوك يبغالك تفرط بشهرين ما تفك ملف بالملحقيه وتنسى إنك راح تنضم بهالشهرين مرررررره

    أنا بأعطيك رأيي لو إني مكانك ,, أروح للملحقيه ولو ما ساعدوني بهالخصوص أفرط بالشهرين ذي وصح إني راح أخسر فيها بس ما راح أتعب دام إني راح أحول ,, راح أشتغل على نفسي بالحفظ وأهمش موضوع المعهد شوي ,, يعني أحضر بس ما أجتهد فيه ذاك الاجتهاد على إني راح أكمل وراح أحاول أحفظ أكبر عدد من الكلمات ,, وأجيب لي قبول على معهد الجامعه اللي جبته انت ,, وافتح الملف وقتها وربنا ييسرها

    عندي مبداً عصفور باليد (( الدراسه شهرين وبعدين التحويل )) ولا عشره على الشجره (( الفيزا واحتمال ما تصدر لي ))


    بالتوفيق ,, وتأكد أنا اعطيك رأيي لو أنا في مكانك يعني مو شرط تسويه ..,
    7 "
  3. انت ستذهب على حسابك في البدايه يعني أول شهرين على اقل تقدير ،،
    اإذن ،، اجلب قبول معهد آخر ،، ويكون غير موقوف ،، وادرس في معهدك الاصلي (في سبوكن) لمدة لفل واحد فقط ومن ثم سو إنتقال لمعهدك الجديد ،،
    بالتوفيق لك ،،
    ولا داعي للقلق ولا تقدم على فيزا جديده ،،
    7 "
  4. كلام الأخ بلاتو صحيح ,, فقط شهر وتستطيع عقبه أن تغير المعهد

    يعني جيب لك قبول ثاني بعد شهر من بداية دراستك في المعهد الجديد ,, والله يعينك اسحب على الفلوس اللي دفعتها ,, أو كمل الشهرين في المعهد وحول

    يعني أنت مخير الآن بأحد أمرين

    تفرط بشهر ما تسجل في الملحقيه لو ما حولوك من عندهم وساعدوك وشهر من الفلوس اللي دفعتها للمعهد
    أو
    تفرط بشهرين ما تفك ملف بالملحقيه وتحلل فلوسك حقت الشهرين

    بالتوفيق ..,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.