انا في مشكلة كبيرة مالي غيركم بعد الله
يااخوان واخوات ابتعاثي بينلغي في شوال اذا ماطلعت الفيزا ( فيزا المرافق)قبل شوال طيب اش بيدي اش اسوي الفيزا طولت الي عنده خلفية يساعدني لها شهرين الفيزا ودخلت في الثالث وبتقولون ليش قدمت متاخر ظروف وطحنا في مكتب تعبنا لين جاب القبول والي يقدر يساعدني بااي معلومة يدخل انا مره خايفة عايشة في هم وقلق اش اسوي اش الحل التعليم العالي رفض يحولني لندن وبيلغي بعثتنا
رد: انا في مشكلة كبيرة مالي غيركم بعد الله
راسلي السفارة واستفسري وان شاء الله تلقين منهم خبر يفرحك
والله يسهل أمرك يارب
رد: انا في مشكلة كبيرة مالي غيركم بعد الله
راسلي السفاره واتصلي عليهم ،،
ولا اتوقع ان يلغى البعثه لأن هذا سبب خارج عن ارادتك ،،
رد: انا في مشكلة كبيرة مالي غيركم بعد الله
معليه اختي اهدي وحاولي تراسلين السفاره مثل ماقالوا الاخوان ,, والله يسمح دربك ويفتحها عليك يارب وعلى جميع المتورطين قولي امين
الله يوفقك يارب
رد: انا في مشكلة كبيرة مالي غيركم بعد الله
راسلي السفاره واستفسري عن السبب ,, احياناً السبب تافه وما يرسلون لك نحتاج إلى كذا إلا لما تستفسري
بعدين ردي لنا إيش صار عشان نفيدك أختي
بالتوفيق ,, وأسأل الله أن يسهل أمرك وما يحرمك من طموحك ...,
رد: انا في مشكلة كبيرة مالي غيركم بعد الله
خاطبت السفاره وقالوا لايوجد اي شي لكن يحتاج الى وقت وهذا اجراء روتيني
والتعليم العالي كاتب في موقعه اخر موعد لصدور قرار الابتعاث في 15 شوال وراح لهم زوجي طلبهم يحولونه اي دوله ثانيه رافضين يقولون حول لكندا ولو حولنا لكندا نفس المشكله راح يستغرق وقت القبول لايقل عن شهر وتقديم الفيزا 21 يوم والمشكله الدوله الوحيده الي متسهله في اجراءتها هي لندن الفيزا متاخذ اكثر من 3 ايام والقبول عادي لو اخذ شهر لانك بيمديك تخلص قبل 15 شوال ايش اسوي عشان احول يقولون لازم العنقري يوافق بحاله استثنائيه فيدوني تكفوون
رد: انا في مشكلة كبيرة مالي غيركم بعد الله
أختي أم دراين غفر الله لك. مالك ولهذا القلق ؟ الأمر لا يستحق. ليكن في علمك أن تأشيرة زوجك لو لم تصدر إلا في الحج فترشحيك للبعثة لن يتضرر , وبإمكانك وقتها مراجعة الوزارة لإصدار قرار الإبتعاث وأمر الإركاب. إذا تأخر الطالب عن تاريخ 1432/10/15 لسبب خارج عن الإرادة " ظرف مرضي - تأخر تأشيرة المبتعث/المرافق - ظرف وفاة لا قدر الله - ..." فحينها لن يتأثر ترشيح الطالب وبإمكانه مراجعة الوزارة لإنهاء اجراءات ابتعاثه في أي وقت وهذا الكلام أنا أتحمّل مسئوليته شخصياً.
رد: انا في مشكلة كبيرة مالي غيركم بعد الله
الله يوفق ويسعد كل من رد على مشاركتي وكل عام وانتم طيبين
رد: انا في مشكلة كبيرة مالي غيركم بعد الله
أهم سوال انتي طلعتي قرار الابتعاث ولا بعد ؟
والله اذا انتي مطلعة قرار الابتعاث هذاي مصيبة كبيرة وانا ما أعتقد انك مطلعة قرار الابتعاث لان قرار الابتعاث ما يطلعونة لك التعليم العالي الا بعد إستخراج الفيزا
وخليك من كلمهم تراهم يخوفونك بس عشان تستعجلين ولا والله ماعندهم سالفة واتحداهم يسوون لك شي بس اهم شي لا تطلعي قرار الابتعاث الا إذا عزمتو وخرجت فيزأ الرجال
المحرم لان انا صارلي نفس الكلام بالضبط واهم نقطة لا تتصلون على السفارة الامريكية لان كل ماتصلتو راح تتأخر أسبوع وانا مجرب الكلام ماحد قالي
واحد من الشباب كل يومين يتصل عليهم جلس اربع شهور ماطلعو جوازة كل مادق عليهم قالولة تحت الاجراء أما انا قلت خليني اجرب اول ما قابت معهم ولا مره اتصلت عليم
وخلال اقل من ثلاث اسابيع والفيدكس يتصل علي تعال استلم الجواز ولا تخافي من موضوع تأخير الجواز وإلغاء البعثة كلام فااااااااااااااااضي وخوذيها مني