ابي ارتاح ,,, تعبت وانا احلم واكتب اشعار وارسم

السلام عليكم

اول شي مبارك عليكم الشهر

ثاني شي

بس ابي استفسر اذا احد منكم كان مستوفي الشروط الا المعدل اقل من المطلوب هل ابتعثوه؟؟

انا معدلي 3.63 من 5 وياناس وصلت بالاحلام اني ماخذه الزماله من ورا هالمعدل:D

مدري لو اني جايبه امتياز وش زينت ؟؟>> بتتخيل نفسها مخترعة النووي

المهم جاوبوني فيه امل جبر الكسور على قولهم والابتعاث؟؟

والا اتوسد وثيقتي وانام؟؟

ملاحظه:

لااحد يجي يقول اطلعي على حسابك .. لو اني الوليده بن طلاله ممكن

ولااحد يقول عندك واسطه ... واسطتي ربي سبحانه

اتمنى شسمه ذا تريحوني عشان لااصحى على صدمة تم رفض طلبك وانهار >>> ايه هين

عليكم السلام والرحمه

علينا وعليك يارب

وعيدك مبارك قبل الزحمه خلص رمضان الله المستعان :)

بالنسبه للمعدل المطلوب 3.75 من 5 وانتي معدلك 3.63 من 5 والفرق مو كبير

لكن وش يمنع انك تقدمين على البرنامج وتسوين اللي عليك والباقي على الله هو واسطتك فوق كل مخلوق

وصدقيني اذا هي مكتوبه لك بتجيك لو معدلك ياشيخه 1 من 5 واذا مو مكتوبه لك لو معدك 5 على 5 ماحصلت لك

فلذلك افعلي الاسباب واستعيني بربك وتوكلي عليه وقولي الله يكتب اللي فيه الخير ويسخره لك
ان كان فيها خير يقربها لك واذا فيها شر يجنبك عنها

اولاً: الاستخاره

ثانياً: فعل السبب

ثالثاً: الدعاء بتحقيق الخير ان وجد وراها خير او صرفها عنك كان وراها شر حتى لو كنتي ميته على هالشي

وبفعل هالنقاط هذي صدقيني راح ترتاحين ويرتاح بالك وترضين باللي كاتبه لك ربك

وآخراً اتمنى لك التوفيق يارب دين ودنيا وآخره وعسى الله يكتب لك بكل خطوه خيره ويعيطك لحد يرضيك

انا قدمت وكتبت كل شي وراسلت وكذا

بس للامانه اوراقي وتوصيات ومدري وشو مااشتغلت فيها

لاني مابي اتحمس واحط احلام وبعدين انصدم!!!!

انا متوكله على ربي حق توكله

بس من باب الاطمئنان لو فيه احد انقبل او لا بس عشان اعرف انام بليا حلوم وكوابيس

الله يفررررجهاااا

والف شكر وأسأل لك التوفيق والسداد

والله شروط المعدل والنسب جابت لنا الهم
يعني المفروض الترشيح يكون بناء على المقابلة الشخصية لأنها هي الأساس

ههههههههه خلي عنك التفكير الزايد واشغلي نفسك بأي شي مفيد عشان تمر عليك بسلام وتنامين كويس وبدون كوابيس
والله حاس باللي فيك قد مريت فيه بس بشغله الفيزا شوي وتجيني نفسيه من قبل التقديم ب شهرين وانا متعقد ودايم افكر واسأل وضايق خلقي لين جاء موعد المقابله
وبعد ماقابلت طاح هم وبقى هم الاخير القبول او الرفض وكلها 6 ايام والفيزا واصله ولله الحمد جلست اضحك على روحي وقت ماكنت منفس ومسويها سالفه صار عكس ماتوقعت
ولكن خلي حكمة حياتك (التفائل ولكن بحدود العقل) يعني لاتكثرين وبعدين تنصدمين ولاتكوني متشائمه ويائسه وتعسرين عمرك ويتحول عندك اليأس لعقده نفسيه بعيد الشر عنك

وانا متفائلك خير ان شاء الله
ولاحظي اني قلت متفائلك خير
عاد الخير مو شرط يكون بقبولك يمكن يكون بقبولك ويمكن يكون الخير بعدم قبولك
وان شاء الله كل حياتك خير وبركه :)

اختي نوف معاك بنقطه واسمحي لي اخالفك بالثانيه
فعلا المقابله الشخصيه لها دور كبير كلامك واقعي
ولكن المعدل بنظري شي مهم جداً جداً

يعني مثال: المقابله الشخصيه ممكن الواحد يتصنع فيها وسهله للبعض لكن النسبه اعتقد شي صعب وانا عارف انه البعض نسبته قليله وبنفس الوقت عنده طموح كبير بالتفوق
وان شاء الله كل امركم خير هونوها وتهون ماتدرون خيرتكم وين فيه الله يوفقكم يارب ويحقق لكم مااملتم :)

السلام عليكم
انا انشالله بروح تامبا وبدرس معهد بعدين جامعة تامبا ut واخترت التخصص مالية
بس عندي كم سوال
1- سمعت ان معهدها متعاقده مع اي ال اس يعني اذا دخلت جامعته ما اختبر توفل صح؟

2- احين اذا دخلت جامعه وكملت سنه اقدر اغير الجامعه صح طيب اقدر بعد اغير التخصص اذا درست عندهم ساعات معينه؟

3- بعدين كيف اعطي الملحقيه الفلوس يعني اجمع فواتير كل شي ولا بس اعطيهم الضمان ويعوضوني اذا حولوني ؟

بغيت اعرف وش التخصصات الموجودة في جامعة تامبا؟

سمعت انا الادارة الاعلمال قفلت في امريكا هل هي صحيح؟

بغيت اعرف معهد وجامعة تامبا مقفله ولا مفتوحة لاني سمعت انها قفلت لانه مليانه سعوديين؟

اقتباس:

---

المشاركة الأصلية كتبت بواسطة المبتعث مشاري

السلام عليكم
عليكم السلام والرحمه

انا انشالله بروح تامبا وبدرس معهد بعدين جامعة تامبا ut واخترت التخصص مالية
بس عندي كم سوال
1- سمعت ان معهدها متعاقده مع اي ال اس يعني اذا دخلت جامعته ما اختبر توفل صح؟

بالنسبه لتعاقدها مع els الله اعلم ولكن احرص على ان المعهد يكون تابع للجامعه بأختصار لايكون تجاري مثل els وطقتها بعض المعاهد التجاريه تكون وسط الجامعه ولكن ماتتبع لها يعني لاتقربها لانها ماديه بحت ولامنها فايده الا ماندر والله اعلم...وبالنسبه للتوفل معاهد els بدون التوفل ولكن مثل ماقلت لك تدريسهم الله بالخير وفيه معاهد تابعه للجامعه تطلب توفل وبعضها لا على مااعتقد مو كلها

2- احين اذا دخلت جامعه وكملت سنه اقدر اغير الجامعه صح طيب اقدر بعد اغير التخصص اذا درست عندهم ساعات معينه؟

تقدر تغير كل شي

3- بعدين كيف اعطي الملحقيه الفلوس يعني اجمع فواتير كل شي ولا بس اعطيهم الضمان ويعوضوني اذا حولوني ؟

سؤالك مو واضح ولكن اذا تقصد تعويضك بعد الالحاق بالبعثه
هذي مااعرف كيف ولكن على مااظن تقدم جميع ايصالات وفواتير الي سددتها الخاصه بالدراسه فقط ولها بعض الاجراءت والشروط والله اعلم

بغيت اعرف وش التخصصات الموجودة في جامعة تامبا؟

موجود جميع التخصصات ولكن الكلام على هل الدرجه العلميه للتخصص الي تبغاه معترف فيه او لا ؟؟
يعني ممكن الجامعه معترف فيها لكن مو كل الاقسام مثل هندسه ايه واداره لا
او مو كل الدرجات العلميه يعني يمكن ماستر ايه وبكالوريس لا
وعشان تتأكد هذا رابط الجامعات الموصى بها ابحث عن الدوله والمدينه والجامعه والتخصص والدرجة العلميه http://ru.mohe.gov.sa/Default.aspx

سمعت انا الادارة الاعلمال قفلت في امريكا هل هي صحيح؟

مو صحيح..مثل ماسبق وحكيت لك يمكن تكون الجامعه تدرس اداره ولكن مو معترف فيه عند التعليم العالي ويمكن الجامعه بكبرها اما انه يتقفل لا

بغيت اعرف معهد وجامعة تامبا مقفله ولا مفتوحة لاني سمعت انها قفلت لانه مليانه سعوديين؟

---

بالرابط السابق يبين لك الجامعة وش تكون من وإلى

بالتوفيق

سلام عليكم

ياطلابنا الاعزاء اذا عندك واسطه فيتامين واو بعد الله سبحانه وتعالى راح تنقبل بأي شي تبيه حتى لو عندك شهاده ثانوي وتبي تكمل ماستر وعندك واسطه راح تتخطى مرحله علميه ما في اي مشكله

بس اهم شي الواسسسطه ضبطو انفسكم

والله مدري عاد

قسم بالله اكتئبت

ارسلت ايميل وشوفوا الرد

http://www.mohe.gov.sa///site%20images/logo.gif

وكالة الوزارة لشؤون الإبتعاث
( برنامج خادم الحرمين الشريفين للآبتعاث الخارجي )

المعدل لديك 3.63 من 5

وهو اقل من المعدل المطلوب 3.75 من 5

في حال كانت شروط الابتعاث مطابقة لك بإمكانك التقديم على البرنامج

واذا كان احد الشروط غير مطابق لك يتم رفض الطلب