مبتعث جديد New Member
السعودية
ph.Meshari , ذكر. مبتعث جديد New Member. من السعودية
, مبتعث فى السعودية
, تخصصى pharmacy
, بجامعة ohio northern university
- ohio northern university
- pharmacy
- ذكر
- Ada, Ohio
- السعودية
- Aug 2011
المزيدl August 10th, 2011, 12:15 PM
August 10th, 2011, 12:15 PM
السلام عليكم ورحمة الله وبركاته انا متخرج من كلية الصيدلة من جامعة الملك سعود وموظف في وزارة الصحة (صيدلي) مع العلم جهة العمل رافضة الابتعاث وانا حاولت بشتى الوسائل وأرغب باكمال دراستي على حسابي الخاص مع العلم توفر قبول اللغة مع قبول الجامعة وسوف أرفع أوراقي للملحقية الثقافية وفي حالة قبولي ببرنامج خادم الحرمين الشريفين للابتعاث الخارجي هل يحق لي الانضمام للبعثة في حالتي هذه ؟ لأني حسب ما سمعت الموظف الحكومي ما يقدر ينظم للبعثة أرجوووكم يا أخوان أفيدوني وأعطوني الحل اذا عندكم بانتظاركم الله يخليكم من عنده حل لا يبخل علي به وله مني دعوة تيسير بظهر الغيب ويفرج عليه همه قدم ع العموم ما بتخسر شيء.. بس إلي بعرفه انه ممنوع نظاميا
بس خذها مني.. كل شيء ببلدنا تقدر تتحايل عليه
حاول تلف عليهم
روح اسحب برنت من الاحوال المدينة لو وزارة الصحة عدلت مهنتك وهذا الغالب فإحتمالية كبيرة يصيدونك
وإذا لا فوضعك في السليم إن شاء الله
وإذا لك صاحب وقدر يعدل لك المهنة فأنت ملك زمااانك
وربي يوفقك إن شاء الله
Anas J August 10th, 2011, 12:19 PM
7 " مو قالو لي علشان ننزلك الرواتب لازم تعدل المهنه وانا اضطريت أعدل المهنة
في هذه الحالة وش الحل؟؟؟؟؟؟؟؟
ph.Meshari August 10th, 2011, 12:28 PM
7 " تبي تطلع ع حسابك أو ابتعااث؟؟ حدد
Anas J August 10th, 2011, 12:36 PM
7 " بالبداية أبطلع على حسابي وبعدين انضم للبعثة
ph.Meshari August 10th, 2011, 12:41 PM
7 " أهاا.. لاا كذاا وضعك مناسب إن شاء الله
شوف حبيبي
تحوش لك كم قرش أو تاخذ قرض صغير بعشرين تقريبا وتعمل قبولاتك وتاخذ اجازة شهر أو أقل أو أكثر بحسب قدرتك.. وتوصل لهنا تباشر بمعهدك وتبعت اوراقك للملحقية وتفتح ملف إلكتروني وبعدها تستأذم من المعهد وترجع لعملك ومحد بيدري عنك إن شاء الله
وتتابع الملحقية إذا تم إلحاقك إن شاء الله بيخبروك إن عندك موضوع الوظيفة وقتها تقدم استقالتك وتطلع وأنت ملحق.. أو انك بتلحق ولا أحد بيدري عنك والله العالم
الشيء الثاني انتببببه تقدم استقالتك وتجي هنا ترى الوضع ع كف عفريت ولا أحد يعرف وش بيصير بكرة.. كائناً من كان.. وإلي بيقولك عن الالحاق قول له كذاب لأن موظفي الملحقية نفسهم ما بيعرفوا
ممكن من بكرة ما يصير إلحاق لأي شخص لمدة 10 سنوات وممكن بكرة كل الناس تلحق بيوم واحد
عشان كذا ما تستقيل لين ما ترسى ع بر.. وإذا خسرت الشهر الاجازة وفلوس المعهد مابتخسر وظيفتك وهي الاهم
وأي خدمة أنا لك حاضر..
تحياتي
Anas J August 10th, 2011, 12:48 PM
7 " بس يالغالي فيه أي رابط بين وزارة الخدمة المدنية وزارة التعليم العالي؟
يعني ممكن يقولون أنت موظف حكومي ما نضمك للبعثة ؟
ومن ناحية الاجازات والفلوس الحمد لله عندي مبلغ حوالي 60 ألف
يعني الخوف بس أنهم ما يضموني بحكم وظيفتي؟
طيب واذا جاء قبول التحاقي ان شاء الله كم يبيلي من مدة علشان أقدم استقالتي والا تروح علي؟
ph.Meshari August 10th, 2011, 12:56 PM
7 " الملفات تطلع من هنا ع وزارة التعليم العالي ومن بعدها يتم الضم... احتمال كبير وضروري يشيكون هل أنت موظف أو لا
احتمال كبير انو لا لأن فيه ثغرات كبيرة بالنظام
أنا جالس اعطيك أسوأ سيناريو ممكن يحصل.. المبلغ هذا كله إن شاء الله ما راح تحتاجه
أنت خليك معاي خطوة بخطوة وإن شاء الله راح تتم أمورك ع مايرام..
بس فيه شغلة لازم اقولها لك من الحين عشان تكون ع بينة.. مااافيه شيء أكيد 100% .. لا بالإلحاق ولا بوضعك ولا بوضع اي أحد ثاني ولو فيه شيء مؤكد 100% كان ما بقى أحد بالسعودية إلا وجا لهنا
إذا عندك استعداد تتحمل الريسك بخبرك وش تسوي خطوة بخطوة.. وأفضل تكون مراسلاتنا بعد كذا ع الخاص وليعذرنا الاخوة
تحياتي لك
Anas J August 10th, 2011, 01:03 PM
7 " أوكية يالغالي
والله ما قصرت معي
ph.Meshari August 10th, 2011, 01:05 PM
7 " ولوو.. حاضرين لخدمتكم
فوق كل أرض.. وتحت كل سماء
Anas J August 10th, 2011, 01:08 PM
7 "
August 10th, 2011, 12:15 PM
السلام عليكم ورحمة الله وبركاتهانا متخرج من كلية الصيدلة من جامعة الملك سعود وموظف في وزارة الصحة (صيدلي) مع العلم جهة العمل رافضة الابتعاث وانا حاولت بشتى الوسائل وأرغب باكمال دراستي على حسابي الخاص مع العلم توفر قبول اللغة مع قبول الجامعة وسوف أرفع أوراقي للملحقية الثقافية وفي حالة قبولي ببرنامج خادم الحرمين الشريفين للابتعاث الخارجي
هل يحق لي الانضمام للبعثة في حالتي هذه ؟
لأني حسب ما سمعت الموظف الحكومي ما يقدر ينظم للبعثة
أرجوووكم يا أخوان أفيدوني وأعطوني الحل اذا عندكم
بانتظاركم
الله يخليكم من عنده حل لا يبخل علي به وله مني دعوة تيسير بظهر الغيب ويفرج عليه همه