فيزا المرافق العسكري. والاجراءات المناسبه؟؟.........
السلام عليكم ورحمة الله وبركاته...
عندي كذا استفسار وودي احد يرد علي لانها جدا محيرتني..
1- زوجي عسكري وهو المرافق لي باذن الله هل يحق له انه يدرس وينضم للبعثه ولا العسكري مايحق له الدراسه فقط يكون مرافق وبس ؟؟
2- وش هي الاجراءات المناسبه اللي يقدر يسويها عشان يطلع معي بدون تعقيد لاني قريت ان الافراد مو زي الضباط
الافراد معقدينها شوي معهم ؟؟
3- اذا يقدر يكمل دراسه وينضم للبعثه هل يستخرج فيزاf1 أو f2 قبل السفر والحوسه ويمديه يستخرجها ولا السالفه معقده بعد؟؟
ارجوكم افيدوني بكل مايخص العسكري واي احد عسكري مرافق يعلمني وش هي الاجراءات اللي سواها
والله يتقبل منا ومنكم الصيام والقيام وصالح الاعمال ويسعدكم في الدارين...
رد: فيزا المرافق العسكري. والاجراءات المناسبه؟؟.........
اذا سمح له عمله فما يخالف إن شاء الله
يطلع معاك مرافق وبيقدر يدرس لغة زي مابعرف بس مادري عن الجامعة مابقدر اجزم لك
إذا بيطلع معاك وبيدرس لغة فضروري تكون فيزته F1
ربي يسهل أمركم وينولكم مرادكم إن شاء الله
تحياتي
رد: فيزا المرافق العسكري. والاجراءات المناسبه؟؟.........
الله يعطيك العافيه ويسعدك
طيب هل يدرس لغه على حسابه ولا ينضم على طول للبعثه قبل اللغه ويدرس عادي؟؟؟
رد: فيزا المرافق العسكري. والاجراءات المناسبه؟؟.........
اللغة بيدرسها بالمعهد ع حساب الملحقية وبياخذ مكافئة معاك من أول يوم
بالتوفيق
رد: فيزا المرافق العسكري. والاجراءات المناسبه؟؟.........
طيب وش الاجراءات اللي يقدر يسويها هنا عشان يطلع فيزاf1 اذا ماعندك خلفيه والأوراق المطلوبه منه بالضبط اللي يقدمها للسفاره
ودي تعطيني جميع المعلومات اذا ماعليك امر
أسأل الله بمنه وكرمه وجوده ان يسهل امورك كلها ويرزقك من حيث لاتحتسب ويسعدك في الدارين ......
شكــــــــــــــــرآ لك..
رد: فيزا المرافق العسكري. والاجراءات المناسبه؟؟.........
جزاك الله كل خير أختي
دعوتك هي ما أحتاج في هذي الأوقات العصيبة من حياتي
عزيزتي لو تبين نصيحة تخبريني أنتي بأي مدينة وأخبرك عن مكاتب تعمل لكم اجرائات الفيزا والابلكيشنات كلها تعبيها وتريحكم من كل شيء لأن احتماليات الخطأ فيها لا يحتمل مع السفارة وراح ياخذوا ع الشخص مابعرف كم بس مو أقل من 200 ريال
بس ضروري يكون لك ولزوجك ضمانات مالية من الوزارة لدى السفارة بحيث تروحون كمبتعثين
تحت أمرك دائماً وأبداً
تحياتي
رد: فيزا المرافق العسكري. والاجراءات المناسبه؟؟.........
هلا اخوي
لا أملك سواء الدعاء لك سواء افدتني او لا
انا في مدينة جده....وبصراحه الضمان المالي هو اللي مأرقني ومقلقني بالنسبه للمرافق اذا بيطلع فيزا f1 والا الباقي تساهيل بإذن واحد أحد
وبعد مانستغني عن خبرتك ومعلوماتك وكيف الطريقه؟؟
وجزاك الله كل خير على اهتمامك وردك والله يوفقك وين ماكنت..
رد: فيزا المرافق العسكري. والاجراءات المناسبه؟؟.........
اقتباس:
المشاركة الأصلية كتبت بواسطة ميلاد حلم
هلا اخوي
لا أملك سواء الدعاء لك سواء افدتني او لا
انا في مدينة جده....وبصراحه الضمان المالي هو اللي مأرقني ومقلقني بالنسبه للمرافق اذا بيطلع فيزا f1 والا الباقي تساهيل بإذن واحد أحد
وبعد مانستغني عن خبرتك ومعلوماتك وكيف الطريقه؟؟
وجزاك الله كل خير على اهتمامك وردك والله يوفقك وين ماكنت..
إذا أنتي مبتعثة الوزارة توفره لكم بالسفارة لك أنتي ومرافقك بالاسم