مساعدة الفيزا طلعت والوزاره الغت المعهد ساعدوني ضروري

اخوي سافر على قبولك القديم والي طلعت عليه الفيزا ولم توصل روح الملحقية وعطهم قبولك الجديد وهم راح يتفاهمون مع معهدك ويحولونك الى المعهد الجديد يعني شغلة يومين وهذا الحل طبعا اذا كنت طالب مبتعث
اما اذا كنت على حسابك مالك الا تدرس في معهدك الي على الفيزا ولم تخلص مدة الكورس حول الى المعهد الاخر وبعدها افتح ملف في الملحقية
او تقدر تفتح ملف على المعهد المغلق من قبل الوزارة وتكمل مدتك وبعد ماتحول وتباشر دراستك في المعهد الجديد بلغ الملحقية عشان يعدلون ملفك
بالتوفيق.

يعني اللحين كابلن فيلادلفيا مو معتمد ولا ايش ياشباب لاني تو مكلم المتكب ويبغى يقدملي عليه

سافر ع القبول القديم وادخل فيه للبلد وارفع للملحقية قبولك الجديد وخبرهم ان معهدك القديم الي صادر منه الاي تونتي متكدس وروح لمعهدك الجديد وخبرهم يخاطبون معهدك القديم عشان الامقريشن وبيصدرون لك آي تونتي جديد بعد ما تعطيهم الملحقية الضمان البنكي
أهم شيء تدخل لأمريكا قبل تاريخ بداية دراستك بالمعهد القديم
لا تعتمد ع كلامي ولا كلام أي أحد هنا 100%
احنا هنا نفيدك قد مانقدر ونعرف ولا ندري وش يصير بعد كذا
بالنسبة لفتح الملف تغير النظام صار الكتروني مايلزم تمر الملحقية
تحياتي

انا مبتعث وانا الحين استنى قبولي الجديد من فلوريدا

طيب ولارحت الملحقيه في واشنطن ؟ راح ييلغون تذكرتي لفلادلفيا ويعطوني تذكره جديد لفلوريدا ؟

ولا كيف


لان لو بروح اطلع التذاكر بتكون الرحله ع سبيل المثال

قطر > واشنطن > فلادلفيا

وانا ابيها

قطر > واشنطن > فلوريدا

هل الملحقيه هناك راح تسوي لي هالشي ؟

التغيير عن طريق مكتب الطيار الي اصدر لك الحجز بس مادري وش الآلية بهالوضع
لو بالرياض مر الوزارة بالغدير
ربي يوفقك

يعني الملحقيه ماراح تصدر لي تذكره ؟ على الولايه الجديد

لان لو تلاحظ الموضوع مالي ذنب فيه الوزاره هي اللي الغت المعهد اما الطالب وش يسوي مافي اي توضيح للاسف

يغيرونه لك ليش لا
بس جيب قبولك وروح إن شاء الله يغيرونه عن طريق مكتب الطيار إلي عندهم
تحياتي

امممممم اوك طيب سوال اخير

لو رحت للرياض الحين وقلت له ابي رحتلي قطر > واشنطن > فلوريدا

وانا قبولي في فلادلفيا

راح يسويها ؟ ولا راح الاقي مشاكل

كم تبعد عن الرياض أنت؟
اتوقع بدون تروح ترسل لهم بس قبول فلوريدا ويغيرون حجزك مباشرة
بالتوفيق