الوقت المناسب للدراسة بامريكا والانضمام للبعثة(لغة) دارس على حسابي الخاص
السلام عليكم انا محتار مادري متى اقدم اوراقي للمكاتب وكم من المدة تكفي المراجعات يعني اخلص اموري شهرين واطلع ادرس في امريكا او اكثر .
{طبعا لدراسة البكالوريوس} قبول لغة +جامعة.وماهو الوقت المناسب هل هو الترم الاول (يعني قبل شهر ذو الحجة )اوبعده في الترم الثاني لكي يكون الحاقي بالبعثة اسهل.
وماهي الاجراءت المطلوبة وانا في السعودية وهل 4 شهور تكفي حتى انضم للبعثة .
وهل (امر الاركاب) اللي اخذه من وزارة التعليم العالي سهل والا لازم واسطة وكيف احصل عليه.
ارجو المساعدة من اهل الخبرة .
رد: الوقت المناسب للدراسة بامريكا والانضمام للبعثة(لغة) دارس على حسابي الخاص
حبيبي.. أمر الاركاب انساه نهائيا وما تغلب حالك وتروح للوزارة اساساً
بالنسبة للخطوات بقولك من البداية
تدخل تقرأ بالنت بكل مكان عن الولايات وتحدد أفضل ولاية بالنسبة لك بناء على تفضيلاتك أنت.. ولا تعتقد إن فيه ولاية كاملة 100% ولا حتى 80% .. بحسب تفضيلاتك وأولوياتك فقط
بعدها تختار المدينة وطبعا التخصص اكيد أنت عارفه ومحدده من قبل
تتجاهل المكاتب بشكل تام وماتروح لهم غير بموضوع الفيزا بدلك ع مكتب تروح له يخلص لك اجرائات الفيييزااا فقط
شهادة الثانوي تكون مترجمة ولو عندك سنين من بعد الثانوي مادرست فيها ياريت تغطيها بخطابات خبرة عمل
يفضل لو عندك شهادة حسن سيرة وسلوك وتترجمها هي بعد
بعد ما حددت تخصصك وولايتك ومدينتك تدخل ع موقع الملحقية وتختار الخيار الي مكتوب فيه الجامعات الموصى بها
وتحدد ولايتك ومدينتك وراح تطلع لك كل الجامعات الموصى بها
تدور ع تخصصك وينه وتبدأ تراسل هالجامعات بنفسك أو بمساعدة صديق لو انجليزيتك ما تساعد
علماً بأن الموضوع جدا بسيط.. وممكن تعمله حتى بمساعدة قوقل المترجم لو لغتك ركيكة نوعا ما وتمشي الحال
لااا تقرب من المكاتب كلها نصب بنصب وبتاخذ عليك ألوفاات وراح يأخرونك أشهر
لو تخصصك دارج زي التخصصات الادارية والمالية وكذا أعتقد ماراح يطول قبولك أكثر من 5 أيام
بينما المكتب ياخذ عليك 2500 ويقول لك خلال 4 اسابيع لحد 6 أسابيع بعد
ربي يوفقك إن شاء الله وأي استفسار آخر أنا تحت أمرك
تحياتي
رد: الوقت المناسب للدراسة بامريكا والانضمام للبعثة(لغة) دارس على حسابي الخاص
اشكرك اخوي على الرد وماقصرت بس انا شهادتي عربي +انجليزي خريج لهذا العام
وانا اريد تخصص هندسة وكم شهر واطلع ادرس في امريكا ؟
(وانا محدد الولاية واعرف ناس في هالولاية)
رد: الوقت المناسب للدراسة بامريكا والانضمام للبعثة(لغة) دارس على حسابي الخاص
دام شهادتك مترجمة وتعرف ناس بالولاية الثانية ابدأ من الآن
ارسل لهم أوراقك سكانر ويجيبون لك قبولات بمعهد معترف وجامعة جيده
بأقل وقت وبدون تكلفة تذكر
اهرب من المكاتب
أنصحك تروح للمكتب بعد ما تجيب قبولاتك يرتب لك أمور الفيزا فقط
بالنسبة للوقت أكيد كل ما جيت بدري يكون أفضل.. لأنك ما تدري وش يصير بعدين
وإن شاء الله 4 شهور تكفيك للإلحاق.. لكن ما أجزم لك
لو تشتغل على أوراقك وأمورك صح.. بعد 30 يوم بتكون هنا إن شاء الله
ربي يوفقك حبيبي