اليوم كان موعدي بالقنصلية وصار معي ...
السلام عليكم ورحمة الله وبركاته
اليوم كان موعدي بالقنصلية الامريكية بالظهران
وبعد طوالة وزحمه و طول الانتظار جا دوري للمقابلة
سألني الاسئلة الاعتيادية المعروفة لكن اللي حصل معي مشكلة قالي القنصل ان الضمان اقل من المطلوب
انا الضمان المالي حقي بقيمة 22 الف دولار و الاي توني مكتوب 23 الف دولار
قلت له انا عندي في بنوك ثانية طلب مني كشف حساب لاخر 3 شهور اللي انا ما جبته اصلا فرفض طلبي وقالي
ارسل لنا كشف حساب لاخر 3 شهور مع الجواز لنا هنا بالقنصلية الامريكية بالظهران من فيديكس
--------------------
طيب الحين انا وش اسوي الحين اروح اطلع شهادة بنكية و كشف حساب كلهم بالدولار وارسل لهم من فيديكس مع الجواز وبس ؟
طيب وفلوس فيديكس اللي عندهم عشان يرسلونها لرياض وش بصير عليها ؟؟؟؟
انا مدري وش اسوي تكفون ساعدوني
رد: اليوم كان موعدي بالقنصلية وصار معي ...
رد: اليوم كان موعدي بالقنصلية وصار معي ...
بالنسبة للضمان فكلامه واضح
بالنسبة لفيديكس اسأل موظفي فيديكس اكيد يمر عليهم زي حالاتك كثير
لأن كثير يطلبوا منهم ارسال الجواز كذا
تحياتي
رد: اليوم كان موعدي بالقنصلية وصار معي ...
يعطيك العافية
بس هل ارسل لهم الشهادة البنكية وكشف الحساب كلهم ؟
رد: اليوم كان موعدي بالقنصلية وصار معي ...
رد: اليوم كان موعدي بالقنصلية وصار معي ...
الحين هو مارجعلك الجواز والاوراق طيب ليه تدفع لفدكس انا الي اعرفه انه لم يقبل جوازك خلاص يقولك روح ادفع لفدكس ما ادري شي غريب لكن اعتقد انه مادام انك دفعت خلاص اسمك مسجل عندهم ولم ترسل جوازك للقنصلية فدكس راح يرجعونه لك اذا معك الورقة حقت فدكس روحلهم مرة وحدة لاجيت ترسل جوازك للقنصلية وستفسر منهم.
رد: اليوم كان موعدي بالقنصلية وصار معي ...
لا قالي ادفع من فيديكس الي برااااا مو اللي بالقنصلية
قالي ارسل لها الكشف الحساب مع الجواز للقنصلية من فيديكس الي برا وارسل معهم البوليصه لفيدكيس <<< هذي اللي ما فهمتها البوليصه مدري وش هي
رد: اليوم كان موعدي بالقنصلية وصار معي ...
البوليصه هي رقم يعطيك اياه فيديكس عن طريقة تتبع خط سير جوازك [طلع من السفاره او لا]
رد: اليوم كان موعدي بالقنصلية وصار معي ...
الآن استخرج الشهاده البنكيه وكشف الحساب
روح لفيديكس وارسل للقنصليه الشهاده البنكيه + كشف الحساب + الجواز + الورقه الصفراء وهي أهم شيء هالورقه عشان يعرفون اللي طلبوها منك
قول لهم أبيها تروح ويجيني الجواز عشان تدفع حقت روحتها وجيتها ,, لو دفعت حقت الرجعه خلاص ما يحتاج قول لهم أبيها روحه بس والرجعه على هذا الرقم
وصلى الله وبارك
بالتوفيق ...,