الأعضاء الإشتراك و التسجيل

الملتقيات
ADs

مساعدة مهم جدا ارجو الدخول

مساعدة مهم جدا ارجو الدخول


NOTICE

تنبيه: هذا الموضوع قديم. تم طرحه قبل 2349 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية د.راكان امريكا
    د.راكان امريكا

    مبتعث جديد New Member

    د.راكان امريكا الولايات المتحدة الأمريكية

    د.راكان امريكا , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى للحين ثانوي , بجامعة الله يرزقنا بوحدة كويسة
    • الله يرزقنا بوحدة كويسة
    • للحين ثانوي
    • ذكر
    • الجبيل الصناعية, نجد ستريت :D
    • السعودية
    • Aug 2011
    المزيدl

    August 16th, 2011, 01:27 AM

    السلام عليكم

    كيفكم ياشباب وصبايا؟؟

    انا توني ناجح لثالث ثانوي بنسبة 88%

    وسامع انه شروط البعثة يكون نسبتي + 90% والقدرات +75% والتحصيلي +75% <<هذا الي سمعته وماني متاكد منه

    باذن الله بشد حيلي بثالث ثانوي ويكون مجموع التراكمي فوق 90%

    المهم ياطويلين العمر انا رجال بدون طموح

    لغتي الانقليزية لكم عليها سويت اختبار انقليزي بالمعهد الاوربي بالجبيل الصناعية قالوا لي نبدا معك من لفل 3

    ويوم قلت اني بدون طموح ما اقصد ما اتمنى اكون شئ بالعكس اتمنى ارفع راس ابوي واعز الاسلام والمسلمين وارفع راية بلدي

    لكن قصدي بانه ما عندي مشكلة باي تخصص يعني طب والا هندسة والا حاسب والا اي شئ مهي فارقة

    عشان كذا بديت اسال اخوياي كل واحد وطموحه الي يتمنى يصير ضابط بالبحرية والي بالجوية والي يبي يصير عسكري

    واحد من اخوياي قال لي ودي ابتعث لامريكا وادرس طب!!

    طبعا انا ظحكت على بالي انه يمزح لانه اول واحد يمر علي راح او بيروح لامريكا

    بس رجعت للبيت قعدت افكر بكلامة لقيتني منجذب للبعثة وصار لي حول 6شهور قاعد ادرس الموضوع وهل اقدر استحمل الغربة والا لا

    وهل اذا رحت بعرف احافظ على نفسي من الظياع وغيره

    طبعا الكل يقول بباله هذا توه باقي له سنة ويفكر بالروحة لا والله اني من زود التفكير جاني الهم

    انا ماني راعي دراسة لكن اذا بغيت ادرس اظبط عمري واصير من احسن الطلاب

    والهدف من روحتي برا مي للدراسة بس بعد تغيير جو طبعا هذي بعدين استبعدته لاني ماراح اغير جو يوم والا يومين هذي سنين

    المهم اني بديت اخبص صح ؟؟ خخخخخخخخخ

    ابي ياطويلين العمر والسلامة منكم كل واحد يقول لي وش احسن تخصص من حيث السهولة والفرص الوظيفية

    ولحد يقول لي شوف نفسك وينك فيه لاني ما اشوف نفسي بشئ ابي شئ تمام اركز عليه واحطه قدام عيوني عشان اشد حيلي واوصل له

    ثانياً ابي وش يلزمني عشان التحق بالبعثة السنة الجاية ؟؟

    ابي كم النسب الي اجيبها بالتراكمي والتحصيلي والقدرات وابي وين اقدم ووش يطلبون مني ووش طريقة التقديم (مثل ماقلتلكم ما اعرف شئ ابدا عن الابتعاث)

    ثالثا ابي الي ينصحني بتخصص ينصحني بجامعة تدرس هالتخصص وتكون قوية

    رابعا واخيرا ادعوا لي بالتوفيق والهداية وجزى الله خير كل من ساعدني او حتى حاول

    تحياتي للجميع
  2. والله اخوي اذا كنت ناوي تدرس , بتدرس و انت بالراحة


    واذا كنت ناوي تتبع شهواتك و الله بتظيع جدًا جدًا
    و انصحك انك تريح اذا كنت مت بواثق من نفسك

    بعدين شف التخصص الي يصلح لك , مهو على عماها و انا انصحك بالصحة او الهندسة !
    7 "
  3. الاخ سالم اليامي بيظ الله وجهك

    وانا باذن الله اذا جزمت الروحة بتعرف على الشباب الي بيعينونني على نفسي

    بس ماقلت لي كيف اشوف التخصص الي يصلح لي!

    لاني ما افهم بالطب ولا بالهندسة ولا بادارة الاعمال

    الشي الوحيد الي افهم فيه هو الحاسب لا وبعد اعرف به بس منديات وشات وتحميل افلام وكذا يعني

    عشان كذا مي فارقة معي ابي اهم شئ يكون التخصص الي بدخله له مستقبل ولا يكون صعب بالمرة لاني اطفش من الدراسة

    حدي بالدراسة بالمدرسة اكيد طول الوقت منتبه بنسبة 90% بالبيت مستحيل ادرس اكثر من ساعتين
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.