خطوات التامين الصحي للمبتعثين الجدد .. بعد النظام الجديد ..محتاجه ضروري

ابي ابدا بخطوات التامين الصحي لاني محتاجه حاليا ... كيف ابدا ؟ وبمين اتصل وباي موقع .. لان المواضيع القديمة تقول فيه ورقة تعطيهم الملحقية .. احنا ماعطونا
انا مبتعث جديد لي اسبوعين في امريكا واخذت الضمان وبكرة بدء دراستي وباقي انتظر الراتب (ياليل ما اطولك :( ) والتامين الصحي
ياليت اللي عنده خبره مايبخل علينا بمعلوماته ويعطينا جزء بسيط من وقته وبكون له من الشاكرين

لاني والله محتاجه حاليا وان شاء الله تعم الفايدة للجميع
الله يكون بالعون

نفس وضعك تماماً ياليت احد يدخل ويفهمنا
يالله يا شباب تكفون اللي يعرف لا يبخل

اتصلو على الشركه وكلموهم وعطوهم رقمك الطلابي واسمك وبس راح يعطونكم رقم التامين وتدخل على النت وترفع الصور
وتوصلك البطاقه بعد اسبوع

مثل ماقال الأخ سراااب ..

اتصلوا ع الشركه وقولو لهم أبي شخص يتكلم عربي .. ويحولونك على شخص يتكلم عربي وبيوضح لك كل شي .. والله فيه وحده مغربيه أتوقع ردت علي وجلست تشرح لي وأنا أسجل إلين خلصت تسجيل عن طريق النت ...
لكن للأسف مابعد وصلت بطاقتي لها الحين 3 أسابيع رجعت وطلبتها من جديد مع ان عنواني صحيح مو خطأ .

كلمتهم اللحين وجاية من 6رمضان وقالوا لي بيناتك مو مسجلة عندنا وش الحل

http://www.mbt3th.us/vb/forum8/thread254836.html

اتفضلوا هذا موضوع مثبت فيه شرح خطوات التسجيل .
الموضوع سهل ما ياخذ وقت
انا اتأخرت علي البطاقه تقريبا 4 شهور بس الخطأ كان مني في ادخال العنوان .
بالتوفيق

الف شكر لكم ماقصرتو
بكرة بدق على الرقم وياااااااااااااااااااارب تنحل مشكلة التامين الصحي والراتب ينزل
بالتوفيق للجميع

اقتباس:

---

المشاركة الأصلية كتبت بواسطة احمد A3

الف شكر لكم ماقصرتو
بكرة بدق على الرقم وياااااااااااااااااااارب تنحل مشكلة التامين الصحي والراتب ينزل
بالتوفيق للجميع

---

ليه مكافأه المبتعث مرتبطه بفتح ملف في شركه التأمين الطبي :bigwhack: