كم سوالوابي اجاباتهم لا هنتم
السلام عليكم ورحمة الله وبركاته
الله يسعدك مسائكم/ صباحكم بكل خير وسرور
عندي كم استفسار ودي اذا ماعليكم امر الاقي اجابتها عندكم
اول شي/ انا طالب ثاني سنه بجامعه الملك سعود كليه الهندسه تخصص هندسه كهربائيه وودي اكمل هالسنه ويصير درست 3 سنوات بسعود واكمل برا سنتين ويسون لي معادله
للمعلوميه سعود معترف فيها عالميا ويتم معادله المواد فحبيت اخذ رايكم ../
* كيف اشوف او اختار لي جامعه مايكون مستواها عالي عشان مااتعب بالدراسه ولا تكون ضعيفه بحيث انها تاثر علي بعدة التخرج ....؟
* وبالنسبه للولايات تنصحوني بولايه معينه ابحث فيها وتكون رخيصه بنفس الوقت..وكم مكافاة الطالب المبتعث وهل يصير فيها تاخر ولا تنزل بوقتها
طريقه الانضمام للبعثه كيف طريقتها خصوصا اني بكون معتمد ع البعثه ولا ماراح اطلع برا ادرس ع حسابي بس عندي امكانيه ادرس لفتره قصيره واحول عليهم
فهل اسجل بمعهد بامريكا وبعدين اقدم عليهم وانا بامريكا او اني اكلمهم وانا بالسعوديه بس المشكله ان البرنامج يشمل خريجين الثانويه واللي بيكلمون ماستر وانا ابي اكمل بكالوريس فقط
هذا اللي عندي والله يعطيكم الف عافيه
رد: كم سوالوابي اجاباتهم لا هنتم
لو ماعندك واسطة قوية ويتم إلحاقك فأنصحك ماتجي البته
لأنك بتتعب نفسياً
ثانيا ترى أغلب ساعاتك ماراح يتم معادلتها بأي جامعة بالعالم لأنك درست ساعات كثيرة فقط سلم وعرب ومواد أكل عليها الدهر وشرب
جميع الجامعات حسب علمي مستحيل تعادل لك أكثر من نصف الخطة الدراسية
وإلي راح يعادل لك راح يعادل لك المواد إلي درجاتك فيها أكثر من C
وراح يطلبوا منك وصف للمواد والمادة إلي مابتعجبهم ما بيعادلوها
اضافة لأن الجامعات إلي بتعادل ساعات كثيرة بتكون جامعات مو قوية.. مشي حالك يعني
أخيرا.. لا تصدق سوالف رسالة الجامعة والتقييم إلي بيدفعوا فلوس عشان بياخذوه والأبحاث إلي من صفحتين وكم بناية عشان يعدلون التصنيف
ترى الجامعة خرطي.. وأقدر أسمي لك كتب ومقررات لا زالت تدرس نفسها من أكثر من 35 سنة وماتغير منها شيء
مظاهر كذابة
تحياتي لك
رد: كم سوالوابي اجاباتهم لا هنتم
اخوي والله انصحك تكمل عند اهلك وحبايبك دام الدراسة نفسها وبتتخرج بنفس المستوى بكالريوس
وش تبي بالبهذله والغربلة وانت بغنى عنها
ما ابغى احطمك بس عطيتك رايي ولك حرية الاختيار
تحياتي لك