استفسار رقم السيفيس غير الفيزا

طبيعي ماراح تدخلين لأمريكا لانه لازم يكون السيفس نفس الي في الجواز
انا صارتلي نفس مشكلتك وراسلت المعهد وبلغتهم ان السيفس الجديد يختلف عن القديم وقالولي ان الخطأ من ادارة الهجرة انتظر وراح نرسلك واحد ثاني لكن راح يطول او تقدر تسافر واذا وصلت المطار كلم ادارة الهجرة واشرحلهم ان الخطأ منهم وخلهم يكلمونا حنا يالمعهد وراح نتفاهم وياهم ونشرحلهم وان شاءالله يدخلونك يعني احتمال يتفهمون ويدخلوني هذا على حسب كلام مديرة المعهد لاكن انا ما ابي اجازف صراحة واقعد احاتي طول الرحلة وامسك خط 14 ساعة في الجو واخر شي يقضبوني باب العودة
وبعدين قلت مايمدني استنى لأن الجامعة كانت راح تبدأ قريب وانا كنت راح اسافر على قبول المعهد الي عندي ولاوصلت راح احول على الجامعة عن طريق الملحقية ولكن للأسف اعتفس كل شي وتوكلت وقدمت على موعد طارئ في تاريخ 9 رمضان على قبول الجامعة النهائي ودراستي تبدأ في 22 رمضان لكن للأسف الى الان ماطلعت الفيزا وراح اكنسل هالسمستر وانتظر الى سمستر يناير 2012 لكن يالله خيرة وربي يسهل ان شاءالله فأنتي حاولي تكلميهم يرسلون لك واحد ثاني بنفس رقم السيفس لأن الخطأ منهم وشوفي ردهم والله يعينك ويسهل عليك.