بخصوص تجديد الضمان المالي؟؟؟؟

بسم الله الرحمن الرحيم
أسأل الله المغفره والثبات على طاعته في العشر الأواخر من شهر رمضان المبارك.
أولا أعتذر إذا كان الموضوع مكرر بحثت ولكن لم أجد موضوع لتجديد الضمان المالي طبعا عن طريق الموقع .
الضمان المالي حقي ينتهي في 31 اوغست والمعهد طلب تمديده, كلمت المشرف وقال لي عن طريق الموقع , بس كان ودي أستفسر منه , ولكن سبحان الله استقال المشرف وسحب علي سيفون .
قالوا لنا تم تغيير المشرف إلى وحده الله يستر عليها المهم رقمها مو موجود في موقع الملحقيه مدري أنا سويت شي للملحقيه علشان يهبلوا فيني ومو بس أنا كل المبتعثين .
المهم كلمت وحده سكرتيرة الخدمات الماليه وقلت لها :
ملاحظه : علشان تجدد الضمان لازم 1-قبول المعهد(عندي القبول) 2- التسجيل الدراسي للمواد(وش قصدهم)
المهم : قلتها الكلام هذا وقالت طيب وش المشكله
قلت : أنا أدرس لغه وش دخل التسجيل للمواد
وعطتني الحل ولكن هي من استفادت ألا هو احولك للفلان وكلمه .
والحين مالي إلا الله ثم أنتم وش هو التسجيل الدراسي وهل هو لازم علما بإن السمستر القادم هو السمستر الثاني لي
وشكرا ..........................................الله الله بالردود

الظاهر إنك اتصلت على وحدة من فئة البهائم -أعزك الله-
للمعلومية: ترى نصف موظفين الملحقية عندهم صعوبات تعلم ، وضعف في التفكير والاستنتاج .
يعني لازم تشرح لهم موضوعك مليون مرة عشان يفهموا .
ادخل الموقع الالكتروني واطلب تجديد ضمان مالي .
ربنا يعينك على الهم والغم من هالملحقية

وش نسوي أنا عندي أمنيه وحده بس أن تكون الملحقيه ملحقيه وليست مطرديه يعني تطرد الإيميلات والمكالمات الله يكون بعونا سبحان الله المشاكل وراك وراك وين ماتكون خاصة للسعوديون بسبة الواسطة فيتامين واو إنشاء الله فايرس اح طلعت استفرغت لجزء لا يتجزء من الكراهيه والبغضاء اللي في معدتي بسبب فئه معينه من الناس . وشكرا