السفارة الأمريكية تلغي الفيزا بعد الوصول لامريكا
السلام عليكم ورحمة الله وبركاته ... أسعد الله أوقاتكم بكل خير
الموضزع باختصار انني طالب مبتعث لدراسة الماجستير في امريكا قدمت علئ الفيزا في شهر 6 الماضي وبعد أسبوعين بالضبط جاني جوازي وفيه فيزا دراسية صالحة لمدة خمس سنوات . في تاريخ 9 أوغست سافرت من السعودية لامريكا ودخلت بكل سلاسة توجهت مباشرة الئ مدينتي وبعدها بثلاثة ايام بدأت دراستي وبعداسبوعين من بدا الدراسة وامس تحديدا جاتني رسالة من السفارة الأمريكية بالرياض مفادها ان فيزتي تم الغاؤها واني لا استطيع دخول امريكا مع اني في امريكا الان . وش رايكم في اللي حصل وهل في أحد حصل معه هذا الشئ من قبل ارجو افادتي بارائكم واقتراحاتكم بخصوص هذا الموضوع .
وهذا نص الرسالة الي جتني :
Thank you for your interest in visiting the United States of America.
Additional information has become available after your visa was issued. The U.S. visa which you had been issued is no longer valid. If you attempt to visit the United States of America on that visa, you will not be permitted to enter the country.
If you wish to visit the United States of America, you may re-apply at your convenience. For details on applying for a visa to the United States, please see our website Visas- U.S. Embassy Riyadh, Saudi Arabia
Non Immigratn Visa Section
Riyadh, Saudi Arabia
This email is UNCLASSIFIED.
رد: السفارة الأمريكية تلغي الفيزا بعد الوصول لامريكا
يمكن نظامهم ضارب فيوزه او مشبهين على اسمك ولاكن راجع السفارة السعودية علشان مايقولون كيف دخلت اكيد دخلت بطريقة غير شرعية وتعرف الامريكان عاد مايحبون هالسوالف حساسه عندهم مرا
بالتوفيق لك
رد: السفارة الأمريكية تلغي الفيزا بعد الوصول لامريكا
اقل حاجة تسويها انك ترفع عليهم قضية كلمهم وقلهم انك راح ترفع قضية اذا ماشافولك حل في اقرب وقت وقلهم من يعوضني فلوس المعهد والرحلة والمصاريف الثانية الخطأ خطأهم وهم الي يتحملونه 100% وصدقني ان يتنافضون ويشفولك حل بأسرع وقت اجل لعبة ورعان الدعوة ماهي فوضة وهم اكثر ناس عارفين هالشيء
وعلى فكرة ولد عمي قدم على فيزا سياحية وخلال عشرة ايام اطلعت وبعدها بكم يوم كلمه موظف امريكي في السفارة وقاله انه في غلط في الفيزا ويبونه يرجع الجواز وهو خاف انه يرجعه ويكنسلون الفيزا قال خربانه خربانه كلها سياحة ان ماحصلت فيه دول ثانية ويقوملك ويشب فيه هذا خطاكم وانتم المسؤلين عنه وهذه فوضى وافرضو اني سافرت الحين وش بيكون موقفي قدام الناس اعطيكم الجواز وش يظمن لي انكم بترجعونه ومعاه الفيزا انا رايح سياحة وكل الدول تتمناني هههههههههههههههه وقاله ابي القنصل نفسه حولني عليه ولا عطني رقمه اكلمه انا اتفاهم وياه اقولك كلاه بقشوره ماخلاه يتنفس اخر شي الموظف عطاه من الكلام المعسول ويتأسف ومادري ايش وفي النهاية ارسل الجواز الصبح وثاني يوم الصبح الجواز مع الفيزا عنده
الي ابي اوصله من تجربة ولد عمي ان الحق معك ولاتخاف ابدا ولاتسكت عن حقك واجهم ولك في المبتعثين الي في امريكا عبرة من يسوي احد غلط صغير العنو ابو خامسه ورجعوه السعودية يعني قولت نظاميين انت الحين دورك علمهم النظام كيف
هذا الي عندي وانت عقلك براسك تعرف خلاصك سو الي يريحك
بالتوفيق.
رد: السفارة الأمريكية تلغي الفيزا بعد الوصول لامريكا
اقتباس:
المشاركة الأصلية كتبت بواسطة دائما متفائل
اقل حاجة تسويها انك ترفع عليهم قضية كلمهم وقلهم انك راح ترفع قضية اذا ماشافولك حل في اقرب وقت وقلهم من يعوضني فلوس المعهد والرحلة والمصاريف الثانية الخطأ خطأهم وهم الي يتحملونه 100% وصدقني ان يتنافضون ويشفولك حل بأسرع وقت اجل لعبة ورعان الدعوة ماهي فوضة وهم اكثر ناس عارفين هالشيء
وعلى فكرة ولد عمي قدم على فيزا سياحية وخلال عشرة ايام اطلعت وبعدها بكم يوم كلمه موظف امريكي في السفارة وقاله انه في غلط في الفيزا ويبونه يرجع الجواز وهو خاف انه يرجعه ويكنسلون الفيزا قال خربانه خربانه كلها سياحة ان ماحصلت فيه دول ثانية ويقوملك ويشب فيه هذا خطاكم وانتم المسؤلين عنه وهذه فوضى وافرضو اني سافرت الحين وش بيكون موقفي قدام الناس اعطيكم الجواز وش يظمن لي انكم بترجعونه ومعاه الفيزا انا رايح سياحة وكل الدول تتمناني هههههههههههههههه وقاله ابي القنصل نفسه حولني عليه ولا عطني رقمه اكلمه انا اتفاهم وياه اقولك كلاه بقروشه ماخلاه يتنفس اخر شي الموظف عطاه من الكلام المعسول ويتأسف ومادري ايش وفي النهاية ارسل الجواز الصبح ثاني يوم الصبح الجواز مع الفيزا معدلة
الي ابي اوصله من تجربة ولد عمي ان الحق معك ولاتخاف ابدا ولاتسكت عن حقك واجهم ولك في المبتعثين الي في امريكا عبرة من يسوي احد غلط صغير العنو ابو خامسه ورجعوه السعودية يعني قولت نظاميين انت الحين دورك علمهم النظام كيف
هذا الي عندي وانت عقلك براسك تعرف خلاصك سو الي يريحك
بالتوفيق.
ماشاء الله على ولد عمك أكلهم بقشورهم هذ اللي ينفع معاهم ...
تحياتي
رد: السفارة الأمريكية تلغي الفيزا بعد الوصول لامريكا
اغطس في امريكا ولا ترجع للسعوديه الين تخلص دراستك يعني بعد ما تخلص الماستر وبس
رد: السفارة الأمريكية تلغي الفيزا بعد الوصول لامريكا
قدك داخل يا رجال ما ينفع الكلام الان مالك الا نك تتحرى عن الموضوع بطريقة غير مباشره واصلا لو فيه اشكالية بالفيزا ما دخلوك اصلا او كان جو لحد عندك ورحلوك
رد: السفارة الأمريكية تلغي الفيزا بعد الوصول لامريكا
بتوقع الايميل واصلك بالخطأ
راسل السفارة وشوف وش الموضوع
تحياتي
رد: السفارة الأمريكية تلغي الفيزا بعد الوصول لامريكا
خير اضارب مع الامريكان وفي بلدهم كمااان مع احترامي ماهي فكرة ابدن
حتى لو غلطهم يا اخي ماراح يصير شي الناس هذه تفهم وتعرف الاصول ولمن يكون في غلط معناه في تعديل لازم يعملوه
وصول صورة محتمة عن نفسك واهلك وبلدك لكن انت تضارب والثاني يضارب ايش مجتمع الوحوش الي رايح امريكا
يفترض انك تكون واثق من نفسك وانك ماعملت غلط روووح وحط الجواز عندهم هذه العلوم الزينة
رد: السفارة الأمريكية تلغي الفيزا بعد الوصول لامريكا
اقتباس:
المشاركة الأصلية كتبت بواسطة دودي 2010
خير اضارب مع الامريكان وفي بلدهم كمااان مع احترامي ماهي فكرة ابدن
حتى لو غلطهم يا اخي ماراح يصير شي الناس هذه تفهم وتعرف الاصول ولمن يكون في غلط معناه في تعديل لازم يعملوه
وصول صورة محتمة عن نفسك واهلك وبلدك لكن انت تضارب والثاني يضارب ايش مجتمع الوحوش الي رايح امريكا
يفترض انك تكون واثق من نفسك وانك ماعملت غلط روووح وحط الجواز عندهم هذه العلوم الزينة
لو حصل لك لا قدر الله موقف في امريكا زي كذا بتعرف انه لازم تتكلم بوجه جامد و تصير وحش والا بياكلونك بعظامك الامريكان , دوله قانون كلمني بالقانون او تكون انت ما تعرف القانون وحقك ويلعبون فيك لعب.
و احيانا توصل الصوت بالصوت انسى فكره الافلام الي مصوره لك ان الامريكان مثاليين في كل شي , والله انك تروح تجدد رخصتك او تروح البريد المحلي تلقى ناس تتلاسن عشان تاخذ حقها مثل عندنا .
و طبعا كلامي هذا في حالات موهب بشكل عام . و في الاماكن الخاصه يتداركون الخطا قبل تكتشفه انت و يراضونك لانهم يعرفون لو بغيت تاخذ منهم اكثر بتقدر بالراحه بالقانون .
رد: السفارة الأمريكية تلغي الفيزا بعد الوصول لامريكا
الماء مع ليونته يفتت الصخر مع صلابته
,واليابنون يقولون :
لاشئ اقوى من اللين..
فإذا اردت ان تحقق اهدافك وتصل الى ماتريد..
فإستخدم اللين والاسلوب الحسن والتعامل الجيد ,
فإنك حتماَ ستجني باللين ما لا تستطيع تحقيقه بالقوه والعنف ..تماما كالماء الذي فتت الصخر