هل اقدر افتح ملف بدون القبول الجامعي ؟! عاجل
السلام عليكم ورحمة الله وبركاته
يا اخوان انا لي الحين قرابة الاسبوع في ولايتي وبكره ببدأ المعهد ان شاء الله ( الدراسة ع حسابي الخاص )
وابغى افتح ملف في الملحقية عشان انضم للبعثة ان شاء الله بس ما وصلني القبول الجامعي الى الآن والمكتب كل اسبوع يقول لي لااسبوع الجاي
فاخاف تطول السالفة وانا ما فتحت ملف
فهل اقدر افتح الملف بدون القبول الجامعي واول ما يجيني اعدل معلومات الملف واضيف القبول الجامعي ؟!!؟
رد: هل اقدر افتح ملف بدون القبول الجامعي ؟! عاجل
انا عندي قبول ومبتعث وكل الاوراق ارسلتها لما فتحت ملف وما بقى الا القبول حق المعهد نسيت ارسله ، و3 مرات تم رفض طلب فتح الملف
لا تتعب نفسك ، اذا كملت اوراقك قدمها وتوكل على الله .
رد: هل اقدر افتح ملف بدون القبول الجامعي ؟! عاجل
يعطيك العافية اخوي ابو فاطمه , بس هل تقصد ما ينفع يعني ولا بلخبط لهم الاوراق ويرفضوها بعدين ؟
رد: هل اقدر افتح ملف بدون القبول الجامعي ؟! عاجل
أخوي الكريم انا قدمت بدون قبول جامعي وفتحولي ملف بس قبول الجامعه ضروري والله يوفقك
رد: هل اقدر افتح ملف بدون القبول الجامعي ؟! عاجل
عفوا أخي انا فهمتك غلط اذا كنت الان تدرس وكل اوراقك كاملة ، بصراحة ما اقدر اجاوبك بشكل دقيقة لأن وضعي غير عنك أعتذر مرة أخرى
لكن في النهاية احب انبهك الى ان الملحقية وخصوصا نظامهم الجديد معقد شوي لان كله عن طريق البوابة الالكترونية ولازت تنتبه الى ان كل اوراقك كاملة قبل لا ترسلها لان الرد ياخذ 24 ساعة تقريبا
اتمنى لك التوفيق
رد: هل اقدر افتح ملف بدون القبول الجامعي ؟! عاجل
يا رجال جرب ان لقحة ولا ما ضرها القاح بس ان وافقولك بتكون محضوض لانك بتاخذ راحتك في اعادة التفكير في التخصص و الجامعه و الولايه بعد وبتكون حر
رد: هل اقدر افتح ملف بدون القبول الجامعي ؟! عاجل
انا خايف اني معاد اقدر اعدل في المعلومات في الملف بعد ارسالها ( اعدل = اضيف القبول الجامعي )
لاني سمعت ان النظام الجديد ع البوابه الالكترونيه يعطي الطالب 15 دقيقه فقط لرفع المعلومات وبعدها يتقفل خلاااص فخايف من هالشي وبنفس الوقت ابغى افتح ملفي وما أأخر نفسي
رد: هل اقدر افتح ملف بدون القبول الجامعي ؟! عاجل
ماراح يفتح لك ملف
ولو فتح ماراح يرفعوا ملفك للإلحاق
إذا تبي نصيحتي ترى مكاتب القبولات يبي لهم واحد يحضر على روسهم كل يوم
ارسل أي أحد يوريهم وجهه كل يوم
كلام تلفون ما يعطي معنى.. قالوا البدو قبل
تحياتي
رد: هل اقدر افتح ملف بدون القبول الجامعي ؟! عاجل
يعطيك العافية اخوي ماقصرت :)
والله تجننت معاهم مع هالقبول ما ادري هم صادقين ولا كذابين ويماطلو قالو لي بيجبوه في خلال 4 اسابيع الى 6 اسابيع
لما وصلنا الاسبوع الخامس قالو لي عشان الجامعه عن طريق معهد فبيطول وبياخذو من 6 اسابيع الى 8 اسابيع ( يعني كمان اسبوعين زياده ) قلنا ماشي
والآن خلصنا فوق الـ 9 اسابيع تقريبا ولا حياه لمن تنادي لا خبر ولا شي كل ما اكلمهم يقولون لي ما ردو علينا :(
المكتب اخلاقه مره حلوة ومرتب وشغلهم منظم وشي يفتح النفس وحتى خدماتهم رائعه بس بصراحه تضررت منهم لما جيت كثير
اول شي الاستقبال من المطار ما حد جاني >> نقول ه>ا مني لاني ما ارسلت لهم التذكرة الا قبل الرحلة بـ 30 ساعه تقريبا
وثاني الشي التامين الطبي للحين ما جابوه لي وانا لي اكثر من اسبوع تقريبا بامريكا واليوم كان ثالث يوم لي بالمعهد ومجننيني لازم اجيب لهم التامين الطبي حتى الكتب ما رضيو يسلموني اياها وطلعوني من الكلاس اليوم وشرحت لهم الوضع ورجعونا ثاني
وثالث شي القبول الجامعي الي ما ادري ليه مصخوها كذا ؟!؟
الله يعين ويصبر ويسهل