استفسار بسيط الله يخليكم

السلام عليكم
شباب زي ما انتم عارفين ان السنه الدراسيه فالسسعوديه بدت
انا استفساري اني سجلت فجامعة الملك سعود سنه تحظيريه وبعدها سافرت ثم بعد ما رجعت دريت ان معظم اخوياي طلعو برا بعثه على حساب ابوانهم وكلهم ما عندهم لغه فما ادري اول سنه بالنسبه لهم كيف راح تكون؟
راح ياخذون سنه لغه ولا يبدون دراسه مباشره
واستفساري لو بغيت اسحب ملفي بعد كم اسبوع مثلا من السنه التحظيريه فسعود وطلعت برا معهد لغه انقليزي وخلصت على نهاية السنه مثلا اقدر اقدم على البعثه ؟ ولا لا
لان اخوياي الي طلعو طالعين على حساب ابوانهم ترم ثم على كلامهم بينظمون للبعثه الترم الثاني

يعني ملخصات استفساري :
اخوياي الي طلعو ومهب فاهمين فالانقليزي شي بيدخلون دراسه مباشره ولا لغه
والسؤال الثاني لو سحبت ملفي وطلعت سنه لغه بعدها يمديني اقدم على البعثه ولا لا
لاني سمعت انه لو تكون مفصول من جامعه سعوديه ما تدخل فالبعثه وحتى لو ما قبلوني من اول السنه عادي لو اخذ ترم على حساب الوالد و الترم الثاني ادخل بس المهم هو هل اقدر ادخل البعثه ولا لا
وهل فيه جامعات الى الحين ما بدات الدراسه فالخارج يمديني اسجل فيها واطلع

واسف اذا كان مكان الموضوع غلط

ردو علي الله يعافيكم والله اني متحطم نفسيا

حبيبي تقدر تفصل وتجي تدرس لغة لين مايتم إلحاقك بالبعثة إن شاء الله
بس يكون معاك قبول جامعي بأمريكا وقبول معهد
ولو تبي نصيحتي احذف التيرم الثاني وأطلع مع الصيف.. لو ناسبك الوضع وتم إلحاقك كمل
ولو ما ناسبك ارجع لجامعتك
وربي يوفقك

يعني اخوي لو اسحب ملفي الان من السنه التحضيريه ما ياثر على الالتحاق بالبعثه؟
طيب كيف اخذ قبول الجامعه والمعهد والسنه الدراسيه بدات عنهم
وانا اكيد اول ما اطلع راح اروح للمعهد لان اللغه مب مره
يعني هل يمديني التحق بالمعهد باي وقت ولا لازم انتظر لبداية السنه الجايه

لانك تعرف راح ياخذ وقت مراسلة الجامعه عشان يطلع القبول تقريبا شهر ونص
والله يجزا والديك بالجنه

يا اخواني احد يرد تكفون

و الله يا أخي رأي الاخ انس ممتاز .

رح مع بداية الصيف ان جاز لك الوضع كمل و ان ما جاز لك ارجع و بتكون ما ضيعت شيء ،

ياغيران من اصدقااائك هههههه ،،

اخوياي الي طلعو ومهب فاهمين فالانقليزي شي بيدخلون دراسه مباشره ولا لغه ؟؟

بيدرسو لغه ياسنه ياسنتين ثم يدرسومباشره في تخصص..

والسؤال الثاني لو سحبت ملفي وطلعت سنه لغه بعدها يمديني اقدم على البعثه ولا لا؟؟

يمديك تقدم بعثه..

هل صحيح لو تكون مفصول من جامعه سعوديه ما تدخل فالبعثه وحتى لو ما قبلوني من اول السنه عادي لو اخذ ترم على حساب الوالد و الترم الثاني ادخل بس المهم هو هل اقدر ادخل البعثه ولا لا؟؟

انا اتمنى في نقطه هاذي احد يفيدك اكثر مني لان شاكه فيها بان تكون مفصول خاصه من جامعه سعوديه لان انا سمعت ورأيت قرارات وبنود ماتطبقت مثل اللي تقوله من شروط الالتحاق وخاصه تعويض المالي

هذا قرارالملتحق

((الا يكون الطالب قد سبق فصله من البعثة أو من إحدى الجامعات السعودية .))

بنود لكن اطمنك ان احيانا ماينظرو لها مايطبقونه 100%

شفت كتير فصلومن جامعات وقدرو يلتحق

يعني لاتخبرهم انك فصلت اسحب ملفك..

وهل فيه جامعات الى الحين ما بدات الدراسه فالخارج يمديني اسجل فيها واطلع؟؟

يمديك قدم بأسرع وقت لان قرار الالتحاق منذ تاريخ صدور قرار الابتعاث لمده 3 شهور وبعده يعتبر لاغيآ..

ماياخذ وقت القبول الجامعه والمعهد..
نقول 3 ايام +اسبوع+فيزا ياشهر او 10 ايام=تعرف الاجابه

الله يجزاك الف خير
طيب كم باقي على الغاء القرار بالضبط كم شهر او كم اسبوع
لان ودي ارتاح شوي :)