ابغى رد بسرعة بخصوص رسوم المكتب
السلام عليكم ورحمه الله وبركاته
بدخل بالموضوع على طول
ياليت الي عنده خبره بهالمجال يفدني والي هو اني قدمت عن طريق مكتب a2z بالرياض
وقالي اسبوعين وبيجي القبول قبول الجامعة والمعهد وناخذ عليك 1850 ريال قلت مو مشكلة وعطيتهم الفلوس
والحين مر ثلاث اسابيع ولا شفت شي رحت لهم قالو لي ممكن تتاخر من 6 اسابيع إلى 8 اسابيع
قلت طيب مو مشكلة بس ابغى اخلص امور السفاره ممكن تعطوني قبول معهد على الاقل امشي اموري فيه قالوا اوكي وكلموني اليوم قالوا تعال ادفع 440 دولار رسوم التسجيل بالمعهد
السؤال هل كلامهم منطقي ؟؟ يعني هل المعهد ياخذ رسوم 440 دولار للتسجيل ؟؟ وال1850 الي دفعتها قالي انها كلها مدفوعه يعني المكتب ماياخذ منها شي
صراحة احترت يا اخوان ياليت الي عنده ملاحظة او اي مداخله لا يبخل علينا
وشكرا
رد: ابغى رد بسرعة بخصوص رسوم المكتب
لا و الله كلامهم مو منطقي ابد . و عشان تكشفهم قل لهم اعطوني اسم المعهد اللي طلب ٤٤٠ دولار، بعدين ١٨٥٠ حق ايش ؟ !!!!
رد: ابغى رد بسرعة بخصوص رسوم المكتب
شكرا لك اخوي mso على التفاعل
وصدق هذا الي حيرني وانا مابغى اروح لهم واسوي سالفه واظلمهم عشان كذا بغيت اتاكد
رد: ابغى رد بسرعة بخصوص رسوم المكتب
اخوي المبلغ مرتفع جدا بشكل غير مبرر..ونحن على استعداد لتأمين قبول مشروط لحضرتك ( لغة + جامعة) مع العلم انه يتوفر لدينا مجموعة ضخمة من الجامعات والمعاهد المعتمدة والعريقة ونتميز بخدماتنا السريعة وكما ان تحصيل المبلغ لا يتم الا بعد تسليم القبول للطالب وليس قبل ذلك.الرجاء مراسلتي على الخاص وسأساعدك بالقبول الذي ترغب به.
رد: ابغى رد بسرعة بخصوص رسوم المكتب
شكرا اخوي لكن انا بروح للمكتب اليوم واذا ما فادني بشي سحبت فلوسي منهم وراح ابلغك بلي يصير بس ياليت تكتب لنا مكان مكتبكم
رد: ابغى رد بسرعة بخصوص رسوم المكتب
انت لو استشرت قبل ماتروح له كان افضل
الواضح ان 1800 كلها في جيبه و 400 بيسجلك ف المعهد وبعد شوي بيقولك 300 رسوم جامعه
الله يعينكم مع هالناس انجس خلق الله
خذها مني ابببببد لاتسوي اخلاق معاه والله ماينفع مع عبد الدينار ولا تتقبل منه اي عذر
ولاتجيه في موعد لانه بيوعدك وينساااااااك الحل هو ازعاااااجه يوميييياً
شف مكتب ماسا اللي كان حاط اعلانه في المنتدى نزلت موضوع وطيررررته ...وين الاعلان الحين ؟
لانه مرمطني 3 شهور
وبالتوفيق ومثل ماقلت لك هذا باين عليه نصاب من بدايتها تغدا فيه قبل مايتعشى فيك
رد: ابغى رد بسرعة بخصوص رسوم المكتب
كل المكاتب نصابين
زيهم زي الأخ المصري صاحب الرد رقم 4
وبيني وبينك غلطتك تركتهم كل هالفترة بعدين تروح بعد 3 أسابيع تقول وش صار
لازم تظل كل يوم على روسهم
وقل لهم ابي اغير المعهد
رسوم القبول باي معهد 100 دولار بالكثيييير
ومافيها شيء لو تكلم لهم الشرطة ياخي
ربي يكون بعونك
رد: ابغى رد بسرعة بخصوص رسوم المكتب
شكرا اخوي هيثم واخوي انس على الرد
لكن يا اخوي انس انا جيتهم بعد مرور اسبوعين بالضبط لكن ما حصلت الشخص الي تعاملت معه كان اجازة حقت العيد فجيت بعد يومين وحصلته وقالي يومين وارد لك وتفاجأت بالرد هذا
وبالنسبة لل100 دولار هذا الي انا اعرفه اغلب المعاهد ماتاخذ اكثر من 100 دولار رسوم الابلكيشن
ويعطيكم الصحة والعافية على التفاعل وشكلي بقدم على الجامعة والمعهد بنفسي عن طريق موقعهم
رد: ابغى رد بسرعة بخصوص رسوم المكتب
حبيبي حتى أسبوعين كثير
أنا قال لي أسبوعين.. رحت له ثاني يوم وثالث يوم وكل يوم .. وبعد 5 أيام وصلتني قبولاتي
مو مكتبك.. بس كل المكاتب نفس الشيء صدقني
ربي يكون بعونك حبيبي
رد: ابغى رد بسرعة بخصوص رسوم المكتب
اخوي انس اكتب لنا اسم المكتب اللا تعاملت معه
او اذا خفت ان يوقفون عضويتك لانك سويت دعايه ارسله لي ع الخاص بس لا هنت