شرح من يبحث عن تخصص في ولايه ومدينه وجامعه من حيث B,M,Dلفائدته 104 تخصص..

مرحبا اخوي بعد اذن اجوان ..
هي وصتني ع الموضوع لانها بتغيب الى ٣/٨
المهم انا اقترح لك جامعة westren Illinois Univesity
جامعتي انا متخصص فيزياء فيها .. وفيها التخصص الي تسأل عنه ع م اعتقد الله يوفقك اخوي وييسر لك

سلام عليكم.. شلونكم انشاء الله بخير

اختنا اجوان امسافره والله يردها بالسلامه وهم بعد موصيتني اني ادش هني واساعد باللي اقدر عليه وانشاء الله مرح اقصر ويا احد فيكم
بسم الله نبدا
اول نقطه ابي اتكلم عنها اهيا خاصة بالطلاب اللي يبون يدرسون حق الماستر.. اول شي انصح فيه اخواني واخواتي اللي يبون يدرسون الماستر ايفكرون اول شي باللغه قبل لايختارون الولاية او الجامعة... اللي اقصده الامتحانات مالت التوفل والايلتس.. اول شي يحطه بباله الجامعه اللي يبي يدرس فيها جم تطلب ايلتس او توفل, اغلب الجامعات اللي هني وتقريبا بنسبة 80 بالميه يطلبون درجه 6 بالايلتس وعلى ماعتقد 550 بالتوفل وهاي طبعا يعتمد عللى حسب التخصص يعني مثلا عندكم المحاماة اللي يبي يدرس الماجستير ماله لازم علامته بالايلتس اتكون 7 او 6.5 اقل شي,,, اعطيكم قصة رفيجي السعودي اللي ادرس وياه. اهوا ياي هني عشان يدرس ماجستير اقتصاد فجان دايما ايقولي عن ولاية واشنطن ومدينة سياتل بالذات وانه يبي ايسير صوبها بس بالاخير انصدم لانهم رفضوه طالبين 6 بالايلتس واهوا ياييب 5.5 فما لقى جامعه تقبل درجته الا بهيوستن بولاية تكساس وللحين له ثلاث اشهر وماردو له خبر حاليا اهوا بادي ياخذ دورات ايلتس مره ثانيه عشان اييب 6....... فخلاصة كلامي عشان لحد يعلق اماله بمدينة او ولاية معينة وبالاخير ينصدم لانه مرح يلاقي قبول فا اهم شي مثل ماخبرتكم علامات امتحانات اللغه

صباح الخير/ مساء الخير
اليوم انشاء الله ابتكلم عن نقطة اللي اهيا جامعة رخيصة وجامعة قوية...... اول شي بالنسبة للرخص او تكاليف الدراسة للي ياي على حسابه.. على حسب بحثي اللي قعدت فيه اكثر من شهرين وانا ابحث وادور عن الجامعات بامريكا
لقيت ان اقل جامعة بالنسبة للبكالوريس جانت 17000 دولار وتترواح من ال 17000 لصوب 32000 بس اقل من 17000 دولار ماعتقد......
بالنسبة لقوة الجامعة وهاي دايما نسمع عنه من الناس قوية ولا مب قوية,, هني بامريكا في ستاندرز ومقاييس محددة وخاصة للتعليم وهاي اللي خلا التعليم بامريكا من افضل التعليم بالعالم يعني سواء درست بفلوريدا او تكساس او نبراسكا تقريبا نفس الشي اللي رح تاخذه لانهم يمشون ورا انظمة وقوانين وغير جذي الميزانيات المخصصة للجامعات جدا ضخمة يعني مب تفكيرهم مادي ابدا اهم شي جودة التعليم وانهم ايخرجون طلاب فاهمه.... صح في جامعات اتكون مشهورة بتخصصات معينة مثلا اتكون مشهورة بالهندسة ومب بالطب او بالعلوم الصحية ومب الهندسة بس هم بعد هاي مب مقياس عشان انقول هاي الجامعة ضعيفة او مستواها مب شي لاااا الجامعة تنشهر بتخصص معين على حسب البحوث والاختراعات اللي تطلع منها يعني جامعة مشهورة بالهندسة ومب بالطب هاي يرجع لنشاط طلاب ودكاترة الهندسة وان في كتب وبحوث واختراعات طلعت في هاي التخصص فعشان جذي اخذت سمعة بالهندسة.. واهم شي احب اقوله ان قوة الجامعة مرح اتفيدك اللي بيفيدك اهوا مجموعك اللي بتتخرج فيه اعطيكم مثال واحد متخرج من جامعة الملك فهد للبترول والمعادن والثاني من جامعة الملك عبدالعزيز او ام القرى ودراسين نفس التخصص بس الاول متخرج خل انقول ب 2.2
والثاني 4.4 طبعا معروف قوة جامعة الملك فهد بس مرح تفيده لان معدله طايح بعكس المتخرج ممن الملك عبدالعزيز او ام القرى رح تتسهل اموره بحكم معدله المرتفع وبحكم ان الجامعات معترفه ومعتمده وهاي بعد شغله مهمه..
فنصيحة شف المكان او الولاية اللي تحس انك رح بترتاح فيها وشيك على الجامعة اللي ساير لها اذا معتمدة او لا وتوكل على الله ولاتنسى بعد ان في ناس بنفس تخصصك متخرجه من جامعات بباكستان او مصر وجفهم ماشاء الله شغالين بشركات وماسكين مناصب وطبعا مافي اي وجه مقارنه بينهم وبين امريكا بس مثل ماقلت يعتمد ع توفيق من الله واعتماد الجامعة دوليا والمعدل العالي وبس
ملاحظة.. الجامعات اللي تكلمت عنها اهيا States university مب كليات او معاهد

الله يوفقك ويسدد خطاك

السلام عليكم أخوااني

أنا حاابه أكمل مآآستر في تخصص Clinical Nutrition

أحتااج أحد يساعدني في الجامعات ،، الله يسعدكم

أنا الترم داا نآزلة تدريب عملي و حاتخرج بإذن الله ،، و نآوية أقدم على بعثة و أنا معايا قبول عشان ما اتعب

بس انا مييح (أبيض يا فل) ،، ما أعرف و لا أي حاجة غير من اللي باقرأه في المنتدى هناا

سآآعدوني بلييز


والله يشفيه و يعافيه أبو أجوآآن و إن شاء الله يقووم بالسلامة يارب
وما يشوف أي مكروه قادر يا كريم و يخليه لهم

اختي جوان الله ييسر عليك ويخليلك الوالد يارب ويشفيه لك
انا حابه جامعه تكون قويه بس موصعبه والمدينه رخيصه ووعدد العرب قليل
ومشكوره حبيبتي

الله يعطيكم العافية

وياك اخوي والله ايوفج الجميع انشاء الله

بالنسبة للجامعات انشاء الله ترد اختنا اجوان وتفيدج فيهم
بس بما انج طالبة ماجستير اهم شي تقوين لغتج قبل موضوع اختيار الجامعة او اي شي ثاني
وياليت تطلعين فوق وتقرين الكلام مالي للي يدرس ماستر
اتمنى لج التوفيق

جامعة قوية ومب صعبة ومدينة رخيصة وعدد العرب قليل
اعتقد تقدرين تسالين اي احد بامريكا ورح ايخبرج انه من شبه المستحيل او من المستحيل يلاقي كل هاي المواصفات ويا بعض
عشان ابين لج مقصدي ممكن اتكون جامعه قوية ومدينة رخيصة وعرب عددهم قليل بس الجو في هاي المدينة مايساعد ومرح يناسبج
او ممكن اتكون جامعة قوية ومدينة رخيصة بس مليانه عرب
او ممكن ايكون فيها كل اللي تبين بس المدينة مب آامنة ونسبة المشاكل مرتفعة او اتكون مملة
عشان جذي قلت لج من شبه المستحيل اتلاقين كل هاي ويا بعض...
بس رح افيدج باللي اعرفه اذا تقدرين تتحملين البرد ودرجة حرارة 27 تحت الصفر فانا ارشح لج جامعة نبراسكا بمدينة لنكون ولاية نبراسكا تعتبر من افضل الجامعات بامريكا وغير جذي عندهم بعد نظام السكولارشب للمتفوقين
والمدينة رخيصة والعرب بنسبة قليلة
اتمنى لج التوفيق