تكفوووووون ابي فزعتكم اماااااااااااانه لا تردوني

السلام عليكم ورحمه الله وبركاته

كيفكم حبايبي وكيف الدراسه معكم >>>>>>> ما احبها

ابي اقول لكم وضعي >>>>>> اخلص ولا يكثر

انا تخرجت من الثنوي والحمد لله >> والله

طبعاء نسبتي عاليه >> بشر امك >> ادري طولتها

جبت 96 بس انا عندي مشكله باللغه الانجليزيه والله بالاختبارات النهائيه اقصد بثالث ثنوي بعد عناء نشبت للمدرس الين ما عطنا ملخص وقله حيا وجبت 22 من 30

وقدمت على الجامعه سنه تحظيريه المهم انا تورطت لانها كلها انجليزي + انجليزي قلت ما في الا احذف ترم واخذ دوره

بس حبيت استفسر انا لغتي يعني ضعيف مره في الانجليزي . يعني تقريبا 0 % هههههههههه

الحين بسئل هل تنصحوني اروح الدوره ولغتي ضعيفه مره ؟



وهل اواجه مشاكل بالمطار او بالمعهد بسبب اللغه ؟

وتنصحوني لو اقدر انظم للبعثه انظم ؟ لاني بدرس هناك تقريبا 6 شهور

وكم الميزانيه الي تكفي لدراسه للمده هذي يعني متوسط المصروف و فلوس العائله والمعهد

ادري طولتها عليكم بس مالي غيركم الله يخليكم لنا اتمنى تجاااااااااوبوني

طبعاء انا محتار بين امريكاء ونيوز بس قلت خلني اسئل بالثنتين >>> وصراحه انا حاب امريكاء لاني سمعت ان نيوز ملل + ملل

اغلب اللي سافروا لأامريكا لغتهم 2 بيض (زفت)

والحين الحمدلله فلسفه بالأنقلش قو قلبك وتوكل على الله وتعال خذ دوره

اوما موضوع الألتحاق ماتوقع يلحقونك على لغه فقط الا مستحيل هههههههههههههههههههههه

امريكا حلوه ونيوزلندا حلوه بس نيوزلندا ماتحاج مراجعة سفارات ومواعيد وتأشيره وتعب امريكا . في نيوزلندا من المطار انت خالص

اذا بغيت تروح نسق مع عايله على طول واستثمر وقتك بالدراسه بتطلع بنتيجه .
اوما تقولي ملل وفله وسعوديه وطلعات بتطول اللغه معك

بالتوفيق لك

صرااحه اذا عندك الماديه انك تدرس لغة بأمريكاعلى حسابك فأنصحك تروح هناك لانه للاسف معاهد الانقلش الي عندنا ماتعلمك اللغه صح >> صرف فلوس على الفاضي
واذا خايف انك تروح لانه ماعندك لغه >> فهذا انا لغتي بالانقلش مو مره ومع ذالك بروح اكمل ماستر لانه هنااك يعلموونك اللغه صح :)

اخوي مثل ما قالك اخوي مزحوم ماتقدر تبتعث بقبول معهد لازم يكون معه قبول جامعة مشروط

والمشكلة اذا ابتعثت ممكن يروح عليك قبول الجامعة الي هنا يعني ماتقدر تلف وتدور عليهم ههههههه

لكن اذا انت قادر على تحمل المصاريف اقولك توكل على الله

بالنسبة للتكاليف نقول المعهد بياخذ عليك بحدود 57 الف رسوم دراسه و5 آلاف رسوم سكن وتذاكر حوالي 5آلاف ريال ومصاريفك حوالي 10 آلاف يعني المجموع حوالي 75 ألف ريال

بالتوفيق

يعطيكم الف الف الف عافيه على تجاوبكم السريع

طيب ممكن توضحون لي كيف لو ابي انظم للبثه يعني ادرس بالجامعه ولا كيف

اخوي مثل ما قلت لك تقدر تنظم للبعثه بقبول جامعة مشروط وترفقه مع اوراقك كاملة للملحقيه وان شاء الله يضمونك لكن مو على طول ممكن تطول وممكن باسبوع وتنظم يعني انت وحضك