طلبتكم ياعيال عمنا نبي فزعتكم ويانا مالي الا الله ثم انتم
السلام عليكم
شلونكم شخباركم انشاء الله بخير,, ابدخل بالموضوع على طول ,,وياكم اخوكم فهد من البحرين انا يديد هني وهاي اول مشاركة لي بهالمنتدى بصراحة انا تعبت وااايد وانا ادور واجوف بالنت
لين ماسهل لي ربي ولقيت هالمنتدى بالصدفة :) ماطول عليكم انا ناوي انشاء الله ابدرس بامريكا تخصص ادارة اعمال الحمدلله نسبتي بالثانوية عالية وهم بعد
الانجليزي عندي تمام بس بصراحة انا ماعندي خلفيه عن الجامعات اهناك ومعرف حد,, عاد قلت مالي الا عيال عمنا يوقفون ويانا وانشاء الله ماتقصرون,, ابغي اعرف شنو الجامعات اللي تنصحوني فيها
من قوة تعليمها والمعيشة والامان اللي بالمدينة وتكاليف الدراسة لاني انشاء الله ابدرس على حسابي... وهم بعد في شغلة ثانية انا عندي فيزا امريكية بس مال بزنس مب ادراسة وباقي فيها11 شهر
قبل شهر سافرت ويا الوالد لديترويت جان عنده شغل وسافرت وياه عشان اساعده بالترجمه وغيرت جو اشوي :) فما ادري لازم اطلع فيزه ثانيه ولا هاي يقبلونها واذا لازم اطلع فيزه ايديده جم يبيلها تطلع
اهيا تطول ولا مثل فيزه البزنس؟؟ فيزة البزنس طلعت لي بثلاث ايام بس
كلي امل انكم اتساعدوني وادلوني وانا متأكد انكم ماراح اتقصرون ويزاكم الله خير
رد: طلبتكم ياعيال عمنا نبي فزعتكم ويانا مالي الا الله ثم انتم
هلا فيك الله حي اهل البحرين
اخوي فهد بالنسبة للجامعات كثيرررررر جدآ عمومآ انت اذا معدلك في الثانوية العامة كويس شوف جامعة ترتيبها في اول مئة
واللي اعرفة ياغالي ان جامعات الولايات الوسطى بشكل عام قوية في البزنس
انت شوف مواصفات الولاية اللي ترغب فيها والاجواء ممكن تحصل جامعة كويسة بس ماتناسبك الولاية يعني من الان حدد شنو تبي
وبالنسبة للغة كل جامعة لها درجه معينة في الايلتس بس الاغلب بشكل عام 5.5 وانت طالع
اختبر ايلتس من الان اذا اجتزت الدرجة المطلوبة للجامعة ممكن تدخل ع الجامعة مباشرة وتطلب قبول غير مشروط
اما ما اجتزت الدرجة المطلوبة ادخل معهد تبع الجامعه وطور نفسك وميزة المعهد اذا كان تبع جامعة انو تعدي ليفل معين وتدش ع الجامعه مباشرة بدون اختبار ايلتس او توفل
واذا دخلت معهد تجاري تطلب منك الجامعه درجه معينه وعلى كذا تحتاج قبول مشروط باللغة طبعآ
وبخصوص الفيزا الطالب يحتاج فيزا F1 للدراسة في اميركا
يعني قدم من جديد والوقت والله انا اشوفة مسألة حض يعني ممكن في اسبوع وممكن شهر
وبالتوفيق
رد: طلبتكم ياعيال عمنا نبي فزعتكم ويانا مالي الا الله ثم انتم
بيض الله ويهك ويزاك الله خير ماقصرت ياغالي
صدقت اخوي انا هاي اللي متخوف منه يمكن اقرر ادش جامعة بس الولايه ماتناسبني
رد: طلبتكم ياعيال عمنا نبي فزعتكم ويانا مالي الا الله ثم انتم
بانتظار اخوانا الباجيبن :)
رد: طلبتكم ياعيال عمنا نبي فزعتكم ويانا مالي الا الله ثم انتم
مراحل فهد
حبيت أسلم عليك ، وأخونا ( جامل زمانك ) عطاك الرد الوافي.
تحياتي لك ولوالديك ولكل أحبابنا في البحرين
رد: طلبتكم ياعيال عمنا نبي فزعتكم ويانا مالي الا الله ثم انتم
رد: طلبتكم ياعيال عمنا نبي فزعتكم ويانا مالي الا الله ثم انتم
افااااا ليش جذي بس اثنين اللي ردوا :(
رد: طلبتكم ياعيال عمنا نبي فزعتكم ويانا مالي الا الله ثم انتم
اخواني انا قعدت ابحث عن الولايات ولقيت اللي ناسبني فرجينيا وكولورادو وولاية واشنطن وكلهم فيهم جامعات قوية
بس بشنو تنصحوني وشنو الانسب من ناحية المصاريف والسكن وغيره بحكم اني ابدرس على حسابي
طلبتكم نبي حد ايدلنا الله يحفظكم
رد: طلبتكم ياعيال عمنا نبي فزعتكم ويانا مالي الا الله ثم انتم
هلا فيك كولورادو الارخص فيهم
واعتقد اكثر الطلاب يتوجهوا لمدينه دنفر
مووووووفق
رد: طلبتكم ياعيال عمنا نبي فزعتكم ويانا مالي الا الله ثم انتم
اخواني انا صج معرف وايد عن امريكا فياريت اذا في حد عنده خيارات غير اللي مكتوبه فوق الله لايهينه ايقولنا عنها
وشاكر لكم :)