اخواني محتاج مساعدتكم في كم سوال
بسم الله الرحمن الرحيم
اخواني انا الان في وظيفه ولكن من زمان وانا نفسي ادرس في الخارج لانه انا عارف صعوبة الوظايف في السعوديه كيف صارت وانا ابغى مساعدتكم في كم سوال
انا ابغى اطلع امريكا وراح اسحب قرض عشان ادرس على حسابي بعدين ابغى اعرف كيف انضم على الملحقيه ؟
طيب اذا ابغى اخش معهد في( اوهايو ) كم حيكون سعره وكيف حا اقدم عليه ؟
ابغى يا ريت خطوات توجهني لو سمحتو
شاكر لكم
رد: اخواني محتاج مساعدتكم في كم سوال
هلا حبيبي
يقول المثل : عصفور في اليد ولا عشرة على الشجرة .
يعني راح تخسر وظيفتك وتحط نفسك تحت الديون عشان شيء غير مضمون ومستقبل غير واضح المعالم .
هذا رأيي ووجهة نظري فقط
دعواتي لك بالتوفيق
رد: اخواني محتاج مساعدتكم في كم سوال
اقتباس:
المشاركة الأصلية كتبت بواسطة رصيف الشمس
هلا حبيبي
يقول المثل : عصفور في اليد ولا عشرة على الشجرة .
يعني راح تخسر وظيفتك وتحط نفسك تحت الديون عشان شيء غير مضمون ومستقبل غير واضح المعالم .
هذا رأيي ووجهة نظري فقط
دعواتي لك بالتوفيق
ما قلنا شي لكن وانا اخوووك الوظيفه اللي انا فيها ما تفتح بيت ولا تزوج وانته عارف الزواج سار اصعب من انك تبني عماره
والواحد يخرج ويشوف وكلنا ندور بصيص امل حتى لو كانت ابره في كومة قش
شكرن لك على النصيحه بس حبيت اعرف كيف اطلع امريكا كيف الطريقه اذا بطلع بحسابي
رد: اخواني محتاج مساعدتكم في كم سوال
لازم تجيب قبول من المعهد وتقدم على السفاره عشان تطلع الفيزه
فيها شغلات كثيره اللي هي كشف حساب وشهاده مصرفيه وإذا حاب تنظم لبرنامج الملك لازم قبول الجامعه
وتترجم شهاداتك
لو تروح لمكتب يختصر عليك شغلات كثيره ويكونون عارفين الشغله ويجب لك قبول من جامعات ومعاهد معتمده
رد: اخواني محتاج مساعدتكم في كم سوال
لازم يكون عندك خطة B
يعني ضروري يكون عندك احتمال إنك تفلس قبل الإلحاق أو إنك ماراح تكمل
ضبط أمورك قبل تجي
تحياتي لك