استفسار هل باكستان من الدول المغضوب عليها ؟ ردودكم ؟

وين الردود تكفون والله زعلتوني

مو من المغضوب عليها بس مشبوهة عندهم لحساسية موقعها المجاور لأفغانستان وكثرة المشاكل الأمنية.

لكن انت تبين أن الغرض من سفرتك مرافقة أخوك للعلاج وبإذن الله لن يكون هناك عائق.

جزاك الله خير اخوي ashonifi

على الرد جعله الله في موازين حسناتك

ياليت اخوناا الي سافرو للدول المغضوب عليها

يردون علي هل هم يسالونك ليه سافرت اليها بس
ام هناك اجرات اخرى ؟

نستنى ردودكم !!

اهو مايسألونك إلا إذا كنت مشبوهه ماسكين عليك شي مكالمه لو مكالمه قبل 10 سنين مع الارهابيين المغضوبين عليهم مش الدوله المغضوبه عليه..
يعني اكيد بيعرفون قبل يسألونك ويتحرون انك كنت مسافر لغرض العلاج..
لاترتبك ولاشي بما انك رحت لغرض العلاج ..

نصائح مثلآ لو
ولد عمك او اخوك كان ارهابي او مجاهد بيقولون لك قير اااوت..
لو مثلا قريب لك كان مجاهد وحبيت تطمن عليه مثلا ودقيت عليه ايام جدي لو مكالمه قبل عشر سنين بيقولون قير اووت فا غير رقمك..

لا الله لايقوله والله يستر بس
وان كان على التاشيره حقت باكستان مكتوب عليها لغرض العلاج
ان شاء الله مايجيناا توتر والا ارتباك

لا الحمد لله مافيه احد يقربلي ارهابي والا مجاهد وان كان على المكالمات
كل وقت معي شريحه تخرب شريحه واشتري غيرها ومكالماتي كلها مع اخوياي الخاصين

جزاك الله خير اختي اجوان

على النصيحه وجعلها الله في موازين حسناتك ومشكوره على الرد

لاماهو صحيح اذا كان احد يقربلك جاهد يرفضون يعطونك الفيزا انا 3 من عيال عمي جاهدو في احدى الدول 2 منهم قبل 15 سنة تقريبا ورجعوا سالمين بعد 3 سنوات ولد اخوهم حاليا يدرس في امريكا
اما الثالث فهو ولد عمي لزم جاهد قبل 8 او9 سنوات وبرضوا في نفس الدولة ورجع سالم بعد مكوثه هناك اكثر من سنة تقريبا وأول مارجع 4 شهور تحقيقات وضرب لين عض الأرض وطلع بعدها لكن جلس تقريبا سنتين تحت مراقبة المباحث
وانا ياولد عمه قدمت وحصلت الفيزا ولا اذكرو اي شيء عنه في المقابلة ولو حتى تلميح نهائيا وازيدك من الشعر بيت اخوه الصغير حاليا متواجد في امريكا وبعد كم شهر راح يكمل سنه وطبعا المجاهد كان متخوف انه مايعطون اخوه الفيزا بسبته وكان الكل متوقع انه مستحيل يعطونه الفيزا ولكن عكس التوقعات بعد شهر واسبوع وصلته الفيزا وصراحة الكل انصدم وانا اولهم
زبدة الكلام انه مافيه احد يقدر يتوقع نظام القنصلية ابدا يعني فيه ناس لا لها ولاعليها واول مرة يطلعون فيها جواز قبل المقابلة ومع ذلك يرفضون بدون اسباب واضحة وفيه ناس سافرت اليمن وسوريا ومع ذلك الفيزا ماكملت اسبوع الا وهي عندهم يعني السفارة الامريكية صعبة التوقع وانا هنا اتكلم عن تاخر استلام الفيزا ايظا وليس فقط سبب الرفض ومادري هل هي صعبة التوقع بسبب انها تستخدم استراتيجية معينة دقيقة في اختيار من تعطيهم الفيزا ام انها تتخذ اسلوب القرعة كوضع كل الجوازات في صندوق ويتم السحب كنت اتمنى ان ادخل يوم من الايام وأرى طريقة عملهم مع انني اكاد اجزم انهم يستخدمون الطريقة الثانية وهي القرعة
في الختام اخي لاتتوتر ابدا فالوضع اسهل مما تتخيل المهم ان تكون اجابتك واضحة ومختصرة ومقنعة
بالتوفيق.

سلمت يداك ايوه نبغى شي واقعي احد مجرب..
انا اسمع كلام ناس جيرانا طلع فيزه وراح امريكا بعد الدراسه سنتين رجعوه بسبب اكتشافههم اخوه كان مجاهد ..
وفيه ناس اعرفهم كمان اخوهم مجاهد لكن طلعو فيزه اهو واخته الى الان تمت دراسه ولم يرجعونهم..
يعني ممكن تغيرت قوانينن مع اوباما
او تختلف الاسباب فا صارو يلفقومبتعثين ضعفهم دراسي بسبب ان احد اقاربي كان مجاهد لااعلم ماهي مبرراتهم الحقيقه ..
فشكرآ لتوضيح

جزاك الله خير أخوي دائما متفائل

وان كان سحب الفيزا على القرعه(مثل ماتقول )
اجل عز الله ماطلعت الفيزا ((حظي ردي))

الله يستر وان شاء الله مايجي توتر والا قلق الدعوه مثل ماتقول تساهيل

وبنهاية اشكرك على الرد وبيض الله وجهك على المعلومه والنصيحه
وجعلها في موازين حسناتك

لأ سحب على قرعة ولا يحزنون ، فقط إجراءات إدارية تستغرق وقت للتحقق والتأكد من صحة البيانات (إذا كانوا يدققون عليها اصلاً)!

وإذا على القرعة فسيكون محدثكم اول شخص يُرفض بسبب حضه السيئ خخخخخخخخخ

نصيحتي لك خلك واثق ومرتاح ولا ترتبك ، وتذكر انهم من كثر الشغل على روسهم لو إنك قريب لبن لادن ما دروا عنك! أنا الفيزا ما خذت إلا حول خمسة ايام لين وصلتني بس! ولا اسألة من اللي انت خابر ولا يحزنون.

ودام فيزتك لغرض العلاج ومكتوب عليها السبب خل الموظف اللي بيقابلك يشوف فيزة باكستان .

بالتوفيق لك في كل أمورك،،،