ياجماعه تكفون ساعدوني انا قدمت ع فيزا f1 ايش اسوي الحين تكفون ساعدوني

مرحبا


انا امس الثلاثاء 11 اكتوبر رفضوني على شان قلت إن شاءالله.؟

سالني الموظف اللي سوا معاي المقابله وسالني عن ولايتي وقلت له جورجيا وردها مره ثانيه لي قال جورجيا.؟ قلت إن شاءالله من هنا قعد يناظر فيني بنظرات مدري كيف صايره احتمال نظرات حقد او استحقار مدري كيف وعطاني اوراقي وقال نحن نرفضك واساله ولماذا يقول لاتجادلني مره ثانيه اساله ولماذا ويقول لاتجدلني وتفضل.؟
مع العلم إن الكورس حقي يبدا 24 اكتوبر يعني وقتي ضيق مره
اسال السوبر فايزر يقول انت اليوم هذا مرفوض سو موعد ثاني ويمكن تقبل ويمكن ترفض.؟

وش اسوي ياجماعه ساعدوني

الشي الثاني المكتب اللي يسوي المقابله لي يقول الان ع شان اسوي مقابله ثانيه تدفع رسوم الفيزا واتعاب المكتب.؟
قلت اتعاب المكتب اوكيه.؟ بس رسوم الفيزا انا من اول دفعتها قال لا خلاص راحت عليك لازم تدفع من جديد.؟
صحيح ام لا افيدوني الله يجزاكم خير احس إن منصوب علي والله

لاحول ولا قوة الا بالله .. الله يكون بعـونك .. والله أمررررك غريب ، وغريب مـررةة ، والله ماعندي حلول .. الا اقول لك . الله يكون بعونك ويفرجها لك ويوفقـك ، ان شاء الله الأخوان .. يفيدونـــــــــك ..

معقوله ي جماعه 38 واحد مشاهد ومافيكم اللي جاوب.؟!

اخوي توكل على الله..انا ما عندي اجابة لسؤالك لكن اقدر ادعيلك الله يفرج همك..وعسى ان تكرهوا شيئا وهو خير لكم :)

السلام عليكم .. صراحه موضوعك يقهر ويغبن لكن انت خلك صبور ولا تحطم نفسك تراهم كذا

وكثير من الشباب مرروا بنفس حالتك . عموماا انت راسل المعهد واجل موعد دراستك او الجامعه وسولك موعد ثاني وان شالله تتيسر

على فكررره الرفض عشوائي فلا تتضايق .

انا بسألك سؤال

هل انت الل عبيت الابلكيشن؟ ام المكتب؟

واللي واضح من كلامك ان اجابتك كان غير اللي في الابلكيشن
يمكن اللي عبى الابلكيشن دخل معلوماتك بالخطاء او اسم المدينه كتبة خطاء

انت روح عبي ابلكيشن جديد بنفسك
ولازم تكون اجاباتك نفس اللي عبيتها في الابلكيشن

وبالتوفيق ان شاء الله

اخوي لا تزعل نفسك وتوكل على الله .. الحين اهم خطوه تسويها انك تأجل موعد دراستك ، لا تقعد تركض ورا فيزا مرفوضه وتنسى نفسك وبعدين يمر موعد دراستك وتخسر القبول بعد ..
اجل الدراسة الحين وجيب قبول جديد وخذ موعد جديد وان شاء الله ربنا بيسرلك موظف زين بالسفارة وتمشي امورك .. اهم شي الحين تهدأ شوي وتتفائل بالخير

اعتقد انك جاوبت شي غلط !! و هو اعتبرك كذاب لذلك رفضك ,,, مستحيل تكون ان شاء الله السبب

شئ يقهررررررررر المهم اجل الدراسه وسوى موعد ثانى موفق

لا حول ولا قوة الا بالله

اخوي الله يعينك ولا تيأس وخل املك بالله كبير
بالنسبة لموضوعك انا اتوقع انه فهمك غلط او فيه سوء تفاهم حصل والاكيد انه مافهم كلمة ان شاء الله

حاول انك تسوي كل شي بنفسك ولا تعتمد على المكاتب النصابين الي كل همهم الفلوس وبس وعشان ما يكون الابلكيشن غير عن اجاباتك بالمقابلة لان من الانظمة الي كاتبينها انك انت الي تسجل الابلكيشن مو شخص ثاني

وبالنسبة للرسوم نعم تدفع رسوم المقابلة من جديد لكن رسوم المكتب تدفعها ليش ؟؟ هي كلها تروح لاقرب فرع سامبا قريب من بيتكم وتدفع الرسوم وبس يعني يمكن مشوار البنك اقرب من مشوار المكتب هههههه
مادري الا متى تلاعب هالمكاتب الله لا يوفقهم

بالتوفيق اخوي ودعواتنا لك وعليك بالدعاء