تكفوون يالنشاما أستفسار بخصوص الفيزة
أعزائي أنا رحت للسفارة الأمريكية سويت المقابلة الشخصية ويوم المقابلة ماكانت عندي النسخة الأصلية من I20 المهم الموظفة شافت الصورة ومشتها لي والأن الحمد لله طلعت الفيزة ,,, المهم قال لي أحد الأصدقاء أن السفارة لازم تأخذ أصل القبول وتحطة في ظرف وتختم علية وماتفتح الظرف إلا لما توصل هناك ..
السؤال هنا هل هذا صحيح لازم أرسل القبول للسفارة أو لا ..
لا تبلخوا علينا في أجاباتكم ليكرمكم من خلقكم ..
رد: تكفوون يالنشاما أستفسار بخصوص الفيزة
مساك ورد ياخووي ..
قل لخووويك مساك الله بالخير ووقله مع نفسك !
اولاً مبروك انك اخذت الفيزهـ
ثانياً ابدا انت اذا وصلت امريكا تروح للسفاره وتقدم بـ i -20 + الاوراق الرسميه المعروفه ..
وامووورك سهله ..
وجامعه يقولون ومادري كيف خلها عنك وانا أخووك .. توكل على الحي القيوم وتاكد من اوراقك و وضعك في السليم .
بالتوفيق ..
رد: تكفوون يالنشاما أستفسار بخصوص الفيزة
صدقني خويك هذا يضحك عليك !!!
رد: تكفوون يالنشاما أستفسار بخصوص الفيزة
عزيزي كروز909 مسائك الخير ياغالي
وربي يبارك فيك ويسعدك
وأسأل الله أن يطمنك فقد ريحتني ... وخويي بيسولف مع نفسه من الان ورايح مابسمع له هههه
ولك الشكر عرفاناً ولله طاعةً وللغير تذكير بما هو واجبه
رد: تكفوون يالنشاما أستفسار بخصوص الفيزة
اخوي انا نفس حالتك بس قريت في المنتدى والي فهمته ان النظام القديم كان فيه ظرف وختم بس النظام الجديد غير بدون ظرف وختم
يعني لا تظلم خويك تراه كان خايف عليك :)
الله يوفقك ويوفق الجميع :)