كيف احول من معهد لمعهد اخر ؟؟؟؟
السلام عليكم
حبيت اعرف
انا الحين اذا اخذت الفيزا والاي توني وسافرت لمريكا ودرست في معهدي
ومثلن ما اعجبني المعهد وحبيت انقل لمعهد ثاني ورحت وجبت قبول من معهد ثاني وش الخطوات الي اسويها ؟؟؟
لان الي اعرفه ان الاي توني مسجله بأسم المعهد االاول فهل لازم اغير الاي توني ولا ايش اسوي با الضبط؟
وبعدين الاي توني ايش فايدته اصلن ؟؟ يعني الفيزا فايدتها لدخول امريكا لاكن الي توني ايش ؟؟؟؟؟
اتمنى تفيدوني....
رد: كيف احول من معهد لمعهد اخر ؟؟؟؟
هد اعصابك ياخوي والاي تونتي له فايدته وحتى ولو انه ماله فايده بتسويه وانت رجالن طيب ولا ماوالله تدرس هناك <<< اسلوب استفزازي هههههههه امزح معك يالغالي ..
بالنسبه للوضع تراه سهل جدا وانا سبق وغيرت الاي تونتي والامور سهالات .. طبعا اذا راسلت المعهد الاخر قله انه عندك فيزا واي تونتي ولكنك بتحول لهم .. فهم بيقولون لك ارسلنا صوره للفيزا وبرضو صوره للاي تونتي .. عشان يطلعون لك رقم الاي تونتي الجديد زي القديم المتوافق مع الجواز .. مايبيلها هم ابدا ونا اخوك ..
دعواتك
رد: كيف احول من معهد لمعهد اخر ؟؟؟؟
بعد اذن صاحب الموضوع
أخوي sent out
انا عندي قبول قديم من معهد إكتشفت إنه سيئ ولما طلبت منه تغيير الموعد طلب مني رسوم الارسالية وانا لسى باقي على رحلتي حوالي شهر
هل ممكن اغير المعهد وانا بالسعودية وبنفس رقم السيفس وادخل على قبول المعهد الجديد من دون تغيير الفيزا
رد: كيف احول من معهد لمعهد اخر ؟؟؟؟
يعطيك العافيه ياسينت
وبا النسبه لك يا (الله يصبرني) انا ماني خبير لاكن اقتراح
انا اقول اذا خل كل الامور والاوراق على ماهي عليه اوك لاتخرب على نفسك شي لين تضمن دخول امريكا
بعدها اذا كان وقت وصولك قبل بدايت دراة المعهد بأام روح جيب قبول من معهد ثاني وخلهم يغيرون لك الايتوني با الطريقه الي شرحها لنا سنت اوت اوك
وعشان تضمن قدم وقت رحلتك اذا تقدر عشان تروح بدري ويكون عندك وقت كافي انك تروح للمعهد الجديد وترتب اموره ويسون لك اي توني جدد
هااذا رايي انا واسأل الي اخبر يفدونك اكثر
وبا التوفيق لكم كلكم ....
وعدواتكم ان اموري تتيسر واطلع ادرس برا والتحق.......
رد: كيف احول من معهد لمعهد اخر ؟؟؟؟
مشكور اخوي محتار وين على الاقتراح والله ييسر لك امرك
رد: كيف احول من معهد لمعهد اخر ؟؟؟؟
كلام Sent Out سليم ميه ميه... خلي في بالك شي ..عندما تحول من معهد إلى معهد أخر في ولاية أخرى الملحقية حتقلك لازم يكون قبلك الأكاديمي في نفس الولاية إلي بتنقل لها للغة لو إنت طالب بكلوريوس , ما حيسمحولك تنقل لولاية ثانية إلى بقبول مشروط ...هذا على حسب ما سمعت من بقيه الطلاب ونت كمان إستفسر من الملحقية
اش إسم المعهد إلي إنت ريحو ..ممكن يكون كويس ، لا تتشاءم من أولها كذا