عرض للطباعة
السلام عليكم ورحمة الله وبركاته
جوزاي ضاع وانا في امريكا وابي ارجع البلد بعد شهرين شنو الخطوات الا اسويها . سمعت انا السفارة تعطي تذكرة مرور مدتها 3 شهور لكن شلون احجز تذكرة سفر وانا ما عندي جواز لان مواقع الحجز يطلبون رقم الجواز بليززززز اذا احد عنده فكره لايبخل علينا . وبالنسبة الى i-94 شلون اطلع واحد جديد وكم ياخذ على مايطلع .
والله احس مشكلتك مشكله من العيار الثقيل الله يعينك ويرشدك لحل
للاسف ماعندي خبره:confused:
تبين نصيحتي..؟؟ لا تضيعين وقتك هنا لان الرد يمكن يتاخر وكلها اجتهادات شخصيه مافي ولا احد موظف بالسفاره ولا بالملحقيه
فانا انصحك اتصلي ع السفاره السعوديه وراح يحلووون مشكلتك لان المشكله مو i-94 فيه بعد مشكله الفيزا اللي بالجواز ....اتصلي ع السفاره بس وتفاهمي معهم
الله يسهل اامورك يارب
ادخلي موقع السفاره السعوديه فيه نموذج للي فاقدين الجواز عبيه وارسليه لهم
وكانك قريبه من السفره افضل انك تروحين لهم
عبي االابلكيشن حق فقدان الجواز وتواصلي مع ا لسفاره
والله يعينك
انا خويي ضيع جوازه جلس بامريكا اكثر من ٧ شهور وهو شيل وحط مع السفاره
حتي تعامل زفت اكثر مره قالو له موب مشكلتنا ليش تضيع جوازك هههههههههه
يعني طول بالك ولا قلهم برجع السعوديه شوفي لي حل
ياهلا والله ومرحبا باللي مضيع جوازه
يايبا انا صارلي 3شهور مضيع جوازي واخيرا لقيت شخص نفس مشكلتي .ههههههههههههههههه
اختي العزيزه بسيطه انشاءالله وتهون وبعدين السفاره والفيزا مرت عليهم حالات كثيره نفسك اول شي واهم شي تسوينه روحي للبوليس وقوليلهم ان الجواز ضاع (انا افضل تقولين انسرق عشان يكون فيه جديه بالموضوع لكن لا تتهمين احد )واطلبي منهم يكتبون ريبورت عن الحادثه وعلى طول تبلغين الفيزا بالموضوع (على ما اظن انهم راح يعطونك مجرد ورقه فيها رقم البلاغ اذا قلتي ضاع لكن اذا قلتي انسرق راح يكتبون ريبورت )الريبورت افضل لانه راح يثبت اشياء كثيره ويحفظ حقك .
حتى الجامعه اطلبي منهم تقرير .وعبي الابلكيشن لضياع الجواز على موقع السفاره(انا رحت السفاره بنفسي بلندن وعبيت الابلكيشن وبنفس اليوم عطوني تذكرة مرور للسعوديه فقط مدتها ست شهور ) انا بلندن اقدر اني اجدد فيزتي على التذكره لكن يطلبون موعد للمغادره .
بالنسبه لتذكرة السفر عطيهم صوره من الجواز الضايع وصورة الجواز البديل ما اظن انهم بيرفضون.
وبالنسبه للأخ العزيز اللي يقول مشكلتك من العيار الثقيل انا ياطويل العمر مضيع جوازي+الفيزا داخله+انتهت الفيزا +لازم اجيب درجة6,5 باختبار الايلتس والا باي باي !!!!!!!!!!!!! شرايك
نسيت اقولك واحد من ربعي ضيع جوازه ببريطانيا وقال للشرطه انه ضاع وعطوه ورقة بلاغ لكن رجع للسفاره السعوديه وطلب منهم خطاب للشرطه يطلبون منهم كتابة تقرير بالحادثه وكتبوله تقرير ذرب .
وانصحك انك تطلبين من الملحقيه يعطونك خطاب للجوازات بالسعوديه للاستعجال بالاجراءات عشان يخلصون جوازك بسرعه نظرا لظروف دراستك والفيزا والله يوفقك وتتسهل انشاءالله
انا مضيع جواز ومريت بكل المراحل فلو حبيتي موجود مواضيع سابقة عن هالشي ولو في استفسار خاص من عيوني
باختصار اذا راجعه في خلال شهرين او ثلاثة فالمطلوب ورقة عبور من السفارة فقط