اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الوسائل
السلالالالالالام عليكم ا
اعضاء المنتدى الراقي طلبتكم
صار لي ثلاث شهور افحط ورا قبول والحمدلله وصلني امس بالفيدكس وحسيته اكبر انجاز بحياتي اول مره اسوي شي لحالي
المهم بقا افيز
عاد ماعرف شي بس والله ثم والله كل يوم اقرا واحاول افيز ولا اعرف
بعدين دخلت موضوع هنا شرح حجز موعد بالسفارة بالصور
وسويت حساب على موقعهم بس يوم جا بارت اللي احط معلومات عن الكردت كارد تنحت
ولا عرفت شي
وكل يوم احوس الين قفل الحساب
المهم ابي اروح مكتب بس كلن يقول لا نصب واحتيال مع انه عادي عندي بس لازم اطيع الوالدين
ولا كان رحت وافتكيت
بس الحين قلت لازم اتعب شوي واحجز لنفسي ولاحظو مو بس لي لثنين معي
بس انا الطالبة الوحيده ولا الباقي بيروحون يلعبون
والمشكله اللي مخوفتني اكثر شي
انه يوم جيت اطلب القبول قالو لي متى تبين تجين لازم تحددين موعد
قلت لها بنهاية محرم
بعدين الحين اخاف مايمدي تطلع الفيزا ويروح على الموعد والرسوم حقة الدراسه
الزبدة
ابغا احد يعلمني احجز موعد عند السفارة وعندي قبول واي توني
وشكرن
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
هلا أختي ،،
من ناحية الفيزا أنا لم استخرجها لنفسي للأسف ،، لكن اذا كانت موضوع تسديد الكردت فهذا سهل إن شاء الله ،،
ومن ناحية الدراسه سواء محرم أو غيره ماعندك مشكله تكلمينهم وتقولين الفيزا باقي ماطلعت ويأجلون الدراسه لك بدون أي تكاليف ،
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
و عليكم السلام ورحمة الله وبركاته
بالعكس اختي انتي احسن وافضل من معظم المبتعثين .. لأن من وجهة نظري الشخصيه ومن خلال متابعتي هناك نسبه قليله جداً الي يسوون اجراءاتهم بنفسهم
وانتي ما شاء الله عليك سويتي جميع اجراءات الفيزا ومتطلباتها ما عدا الخطوه الأخيره بخصوص عملية الدفع
بالنسبه لطريقة التسجيل للفيزا .. فقومي بعمل نفس الخطوات السابقه الي عملتيها .. وبخصوص عملية الدفع .. اطلعي على هذا الملف ويحتوي على جميع خطوات استخراج الفيزا من الألف الى الياء .. ومن ضمنها طريقة الدفع : visav2.pdf - 6.4 Mb
ونصيحه لك اختي .. لا تختارين موعد الدراسه الي تبدا بمحرم .. لان بوجهة نظري ما يمديك .. وضعي في بالك ان هناك اجازه قرابة 13 يوم راح تعطل فيها السفاره الأمريكيه ( اجازة الحج ) .. لذلك من الأفضل أن تراسلين على ما بعد محرم
وأرجع اذكر ان طريقة التسجيل للفيزا سهله جداً حرام نضيع قرابة 3000 ريال على فيزا وقبول , وحنا بامكانا عملها بدون مقابل
فحاولي مره اخرى للتسجيل .. وحنا كلنا هنا للمساعده
والله يوفقك اختي ,,
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
اختي بما ان عندك قبول بنهاية محرم .. توكلي على الله وقدمي فيه على الفيزا .. وان شاء الله انه بيمدي انها تطلع فيزتك .. لأن بعض الطلاب طلعة فيزهم بيوم ويومين .. فان شاء الله يمديك , ولو قدر الله ما مدى تطلع .. راح ترسلك السفاره ان تجيبين قبول بتاريخ جديد .. وبهذه الحاله تراسلين نفس معهدك الي عطاك القبول .. عشان يعطيك قبول بتاريخ جديد .. وغالبية المعاهد الي قريت عنهم يوافقون ويعطون قبول جديد .. فلا تحاتين من هذا الجانب
وبالتوفيق ان شاء الله
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
شكرا منصور ساعدتني كثير بس خوفتني شوي على سالفة مايمدي ولازم قبول جديد اول مره اسمع انه اذا مامدا لازم تطلع قبول جدييد؟؟
لانه صراحة هالقبول مستحييييييل اطلع غيره هذا متت على مايجيني
بس انا بقدم وبتوكل على الله انشالله تطلع فيزتي وخلاص
شوكرن لك الف شكر
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
العفو اختي نور
بالنسبه للقبول الجديد اقصد فيه [ تجديد تاريخ القبول ] يعني مثلا دراستك تبدا بيناير .. ولو فرضا لا قدر الله ما طلعت الفيز بيناير .. هنا راح تقوم السفاره بمراسلتك انك تجددين قبولك .. لأنه انتهى تاريخه وبدت الدراسه .. بهالحاله تراسلين معهدك وتوضحين لهم ان معك قبول بس عدى تاريخه .. وهم بيعطونك نفس القبول لكن بتاريخ جديد .. يعني مثلا تصير تبدا دراستك بمارس .. عشان السفاره تقبله
نصيحه لك اختي .. سوي اجراءات الفيزا بسرعه واخذي موعد بأسرع ما يمكن .. لأن الوقت ضيق بالنسبه لك ..
يعني مفروض على اليوم اوبكرى تكونين مخلصه كل شي متعلق بالفيزا .. وتاخذين موعد بأسرع ما يمكن .. لأن دراستك قريبه جداً
وبالتوفيق اختي
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
حابه اضيف شي
فيزا البنات ماتطول طلعتها مرتين وفي كل الحالتين اخدت يوم واحد
قدمي غلي الفيزا وان شاءالله ماتتاخر عليكي ^^
رد: اعاني من صعوبة فهم وبطئ استيعاب وغباء احتاج احد يفهمني حبة حبة وبالصور وجميع الو
شكرا الحين صار كل شي واضح بالنسبة لي
تسلموون