عرض للطباعة
انا أدرس اللغة الحين ولي ثمانية شهور على البعثه
احس اني لغتي صفر احس اني ما درست ولا تعلمت شي
على العلم اني اذاكر كل يوم ودراجتي في المعهد كويسة بس المشكلة في الريدنق والسبيكنق
أنا اختصر على نفسي مدة 4 سنوات وارجع السعودية وهذا الشي انا ما اتمناة خاصة ان اهلي دفعوا كل ماعندهم وامالهم في الله ثم فيني
بليز نصيحة لوجة الله
شوف أخوي أنا مقدم على المرحلة السابعة يعني انا مجربت وضعك بس بالنسبة لخبرتي الشخصية أقدر أنصحك بالتالي
بالنسبة للسبيكنق لازم تعمل التالي:
1- تكنسل كل المحطات العربية إذا انت مركب كبيل عربي
2-تحاول تناظر الافلام والبرامج كلها من المحطات الاجنبية (تشوف الفلم مرة مرتين...
3-إذا انت تعرف أجانب يحبون النقاش والمواضيع والفلسفة صادقهم وطبق
4-تحاول تقرء الكثير من القصص ابدء بالفكاهية القصيرة وشوي شوي تدرج للقصص الدراما واخير المقالات العلمية
بالنسبة للريدنق: الريدنق يعتمد بنسبة كبيرة على Vocabulary
لا تشيل هم وان شاء الله بتمشي أمورك
اولا صلي على النبي وخد نفس واسمع اللي بأقولك عليه.
تانيا: مشكلتك بالضبط زي مشكلتي سابقا واراد الله اني اتخلص منها بفضله عز وجل ثم بالاستماع للمدرس المسلم الامريكي الرائع الله يذكره بالخير.
اتخلص اول شي من الرهبه والرعب و الخجل ولا تخاف انك تغلط لكن اذا احد صلحلك كلامك حاول انك المره الجايه ما تعيد نفس الغلط. وخلي عندك الجراءه.
تانيا : اقرأ جرايد انجليزيه وادخل مواقع انجليزيه و سوي محادثات مع اجانب بس فيما يرضي الله.وبذلك يتحسن وضع الكتابه والقراءه.
تالتا: استفيد من وقتك ولو فيه اجتماعات او مخيمات شارك فيها واتكلم مع الناس ومع الوقت ستلاحظ انه فيه تقدم.
انت وضعك ليس في النظري ولكن في العملي....فشد حيلك واتوكل على الله.
هلا أخوي
إحساسك يدل على أنك جالس تتعلم بطريقة جيدة ، لكن سقف توقعاتك يحتاج بعض الضبط .
هل تتوقع أنك خلال سنة سوف تصبح مثل الأمريكان في اللغة؟؟؟
وضعك المبتدئ في اللغة مثل الطفل الصغير في بداية الحياة عند ممارسة اللغة .
هناك استراتيجيات لتعلم اللغة الجديدة ، حتى لا تصاب بالإحباط .
لا تقلق يا صاحبي ، فكلنا مررنا بنفس التجربة ، وانتهت الأمور بفضل الله إلى خير .
أكبر دليل على تقدمك في اللغة هو حصول على درجات عالية في اختباراتك . ولكي تدرك ذلك أكثر : ارجع إلى كتب المستويات الأولى لك في المعهد وانظر إليها الآن ، فإذا ضحكت على نفسك ورأيت مدى سهولتها فهذا دليل جازم على تطورك في اللغة .
ربنا يوفقك ويسهل عليك
اذا انت تذاكر فأكيد انك تطورت بس انت ماتحس
شوف عشان تعرف وين مكانك باللغه احجز ايلتس
واختبر وشف درجتك كم وبعد ماتختبر بتتشجع انك تذاكر عشان تزيد سكورك وبكذا تتطور اسرع
وبالتوفيق
اخوي كل الطلاب مثلك انا اليوم هذا اكملت السنة في اللغة وراح ابداء الجامعة شهر وااااااحد ومازلت احس ان لغتي مو تمام بس انا متأكد انشالله راح تطور اكثر في الجامعة
اخوي اللغة قفزات ولاتحس بها ابدا فهل لغتك الآن مثل 5 شهور مضت بالتأكيد لا استمر بالمذاكرة ولاتشيل هم ابد...
الوالد الله يحفظه متخرج من امريكا عام 1982 من جامعة بورتلاند في اوريغن سألته بعد ماوصلت امريكا بكم شهر وقلت يبه (ابي) كيف تعلمت اللغة قاااااااااااال يارجال رجعنا مانعرف اللغة هههههههههه بس انت شد حيلك واحفظ كلمات...
الشاهد من كلامي مافي شي يخوووف ابد من اللغة...
سلااااااااااام.
السلام عليكم ورحمة الله وبركاتة
تعوذ من الشيطان واذكر الله والاخوه ماقصروا بالنصائح
خلك واثق من نفسك والشي الي تقدر عليه اعمله
شكلك تفكر كثير او في شي مسبب لك قلق علشان كذا تحس نفسك مخربط
ماكنك درست شي
الله يوفقك ويسهل عليك خيو
السلام عليكم
ابدا مافي داعي لكل هل الانفعال الحل تعلم عبارات قد ماتقدر ولاتحاول تتذكر القرامر قبل ما تتكلم وحاول تفتح حوارات كثير هذه اسرع طريقة
السلام عليكم ورحمة الله وبركاته. أول شئ ضحكني المووضوع فكرت صاير شئ كبير ههههه!
شوف أخوي طبعاً الأعضاء ماقصرو بكلامهم بس أضيف عليك ردي كمآآن.
1- حاول تتعلم كلماااااااااات كثيرهـ بنفسك وحاول تتعلم الأسبلنق لكل كلمه.
2- حآول تشاهد أفلام كثييييرهـ ولا حبذآ تكون مترجمه بالإنجليزي لجل تسمع وتقرأ.
3- حاول تقرأ قصص ترى القرآءه جداً جداً مهمه وتطور اللغه أقرأ قصص صغيره, وبعهدها أقرأ قصص واقعيه. إذا إنت تذاكر فأنصحك أقرأ هآذي القصه >> The Most Beautiful Place in The World
جبت لك رآبط الكتاآب: http://www.amazon.com/Most-Beautiful-Place-World/dp/0394804244
أنزل تحت وبتشوف صورة طفل واقف. قصه جداً جداً ممتعه وإذا قرأتها وإنت شاطر في اللغه عطني خبر بأجمل عباره تشبيه في القصه. =)
3- العرب بعضهم طيبين وأهل بلدنا ومنآ وفينآ وعلى عينآ ورآسنا ولكن, حآول تكون جلساتك أكثر مع أجانب لجل تكسب اللغه أو إذا جلست مع عرب أتفق معآهم إنكم تتكلمون إنجليزي.
4- حآآول تشوف قروب محآدثه وتسجل فيه.
وشوي شوي لغتك رآح تكون توب. وتذكر أخوي الإنسان مايطلع من بطن مآمتوو فاهم كل شئ. اللغه بتفهمهااا مع الإيام بإذن الله. " مسألة وقت "
وموفق.. تحيآآتي.....
انت شخصت المشكلة حقتك بنفسك "speaking and reading"
speaking ممكن تكون مشكلتك النطق او انك تتعثر لمن تجي تعبر عن نفسك و هذه حلها ساهل "انك تصاحب ناس و تتكلم معاهم عن اي موضوع و انك لا تخجل لمن تغلط" الحل الثاني انك تفتح التلفزيون على نشرة الاخبار او الراديو و تسجل الكلام الي يقولو المذيع حلو و تعيدو و تسمعو زين و تجيب ورقة و قلم و اكتب الكلام الي قالو المذيع و ردد وراه كده احسن طريقة تحسن فيها نطقك للكلمات او انك تدخل على قوقل و تطبع مثلا خطبة للسيد اوباما و تقراها و تحاول انك تحصل الخطبة على يوتيوب افتحها و خلي معاك الورقة الي طبعتها اقراها و المرة الثانية حاول انك تردد وراها و قول زي ماهو يقول
اول مرة راح تواجه بعض الصعوبات بس مغ الممارسة راح تلاقي نفسك صرت زي السيد اوباما يا عم و سيبك من فكرة انك تقول خلاص و ترجع السعودية لازم يكون عندك قوة عزيمة و اراد
get up stand up and don't give up the fight
wish you all the best