تكفوون وش افضل ولاية ومدينة في امريكا من حيث الطبيعة والامان والاسعار
السلام عليكم ورحمة الله وبركاته
بارك الله فيكم انا رايح ادرس انا وزوجتي الماجستير وابي فزعتكم وودي اعرف افضل المدن والولايات في امريكا من حيث :
1- الطبيعة الجميلة غابات وجبال وبحيرات مع اعتدال الجو
2- الامان ( لان زوجتي منقبه واخاف انها تتعرض لمضايقات )
3- الاسعار ما تكون غالية
4- اماكن ترفيه كثيرة
والله يعطيكم العافية انا جدا محتار ومحتاج نصايحكم
رد: تكفوون وش افضل ولاية ومدينة في امريكا من حيث الطبيعة والامان والاسعار
معقوله 80 مشاهدة ولا رد واحد
تكفووووووووووووووووووون
بلييييييييييييييييييييس
ارجووووووووووووووووووكم
ولكم والله دعوات كثيرة مني في ظهر الغيب لاني والله محتاااااااااااااااااااااااااااااااااااااااار
رد: تكفوون وش افضل ولاية ومدينة في امريكا من حيث الطبيعة والامان والاسعار
اطلع للولايات الشمالية اقل عنصريه والجو ابرد
اقترح عليك كلورادو مليانه عرب وفيه متنقبات او سياتل بس كلورادو افضل لوضعك
دعواتك
رد: تكفوون وش افضل ولاية ومدينة في امريكا من حيث الطبيعة والامان والاسعار
الشماااال على حدود كندا مرااا براد ماتنفع وثلوج
وصديقتي تقول على الكحة ضريبة
اختار الولايات الغربية كثير يمدحونها
اقل عنصرية عن غيرها من الولايات
وحبوبين
طيبين
والله يسر امركم وامرنا يارب
بالتوفيق ..
رد: تكفوون وش افضل ولاية ومدينة في امريكا من حيث الطبيعة والامان والاسعار
اخي الكريم .. مسألة الحجاب امر عادي جداً هنا .. في غالب الولاية يعتبر امر شخصي ولا احد يتعرض لها من قريب او بعيد ...
انا معي بالمعهد لايقل عن 4 الى 5 منقبات وامورهم كلها سليمة سواء بالمعهد او التسوق او اجراءات المدينة ولا أذكر احد ذكر مشكلة بهالأمور ..
اقتباس:
1- الطبيعة الجميلة غابات وجبال وبحيرات مع اعتدال الجو
3- الاسعار ما تكون غالية
في الغالب صعب تجد مدينة فيها اماكن ترفيه وبحيرات وانهار ومن هالكلام وتجد اسعاراها مناسبة .. كل ماقلت اماكن الترفيه والمناظر الجميلة قلت التكلفة ..
اقتباس:
4- اماكن ترفيه كثيرة
اغلب العوايل تسوي حركة حلوة .. يسكن في ولاية مناسبة ويكون قريب منها اماكن ترفيه كثيرة .. ويطلع لها بالسيارة كل ويك اند ومشوار ساعة ونص بالسيارة
بالتوفيق
رد: تكفوون وش افضل ولاية ومدينة في امريكا من حيث الطبيعة والامان والاسعار
السلام عليكم أخي ما قالة الأخ (البعثة ماهي بلعبة) جميل وأنا كنت أريد نفس خياراتك الجو والطبيعة إذا لديك ولاية كلورادو(حلوة )وولاية واشنطن بس ممطرة دائما بس إذا عن الغلا إختر المدن الصغير وعن الغلا موجود في كل مكان بس المكافأة بتكفي بإذن الله وعن النقاب الله يجزاها زوجتك بالخير لاكن الحجاب بدون نقاب و المستور ومحتشم ولله الحمد لا حرج بإذن الله منه
رد: تكفوون وش افضل ولاية ومدينة في امريكا من حيث الطبيعة والامان والاسعار
اقتباس:
المشاركة الأصلية كتبت بواسطة ارمان
اطلع للولايات الشمالية اقل عنصريه والجو ابرد
اقترح عليك كلورادو مليانه عرب وفيه متنقبات او سياتل بس كلورادو افضل لوضعك
دعواتك
تسلم اخوي ارمان سياتل جميلة وجوها اكثر من رائع والناس طيبين والاسعار متوسطة لكن كثير يقولون الأمطار غزيره هناك لحد الملل
اما كلورادو فما عندي خبر عنها لكن راح اخليها في قائمة خياراتي
بارك الله فيك وكثر الله من امثالك وأسال الله ان يوفقك في الدنيا والأخره وأن يجمعك الله بكل من تحب في جنان فردوسه الأعلى
رد: تكفوون وش افضل ولاية ومدينة في امريكا من حيث الطبيعة والامان والاسعار
آنآ آسمع عن آلولآيآت آلغربيه جدن رآئعه وآسعآرهآ حلووه ونآسهآ طيبين
آلله يوفقكم ويسهل آمرركم
رد: تكفوون وش افضل ولاية ومدينة في امريكا من حيث الطبيعة والامان والاسعار
اقتباس:
المشاركة الأصلية كتبت بواسطة اماني ناصر
الشماااال على حدود كندا مرااا براد ماتنفع وثلوج
وصديقتي تقول على الكحة ضريبة
اختار الولايات الغربية كثير يمدحونها
اقل عنصرية عن غيرها من الولايات
وحبوبين
طيبين
والله يسر امركم وامرنا يارب
بالتوفيق ..
والله كثير ناس بمدحون بالولايات الغربية لامريكا لكن ما ادري بالضبط اي ولاية من الولايات الغربية الافضل من ناحية الجو والاسعار والترفيه
الله يعطيك العافية اختي اماني ناصر وأسال الله ان ييسر امورك وويوفقك دنيا وآخره
رد: تكفوون وش افضل ولاية ومدينة في امريكا من حيث الطبيعة والامان والاسعار
اقتباس:
المشاركة الأصلية كتبت بواسطة البعثة ماهي لعبة
اخي الكريم .. مسألة الحجاب امر عادي جداً هنا .. في غالب الولاية يعتبر امر شخصي ولا احد يتعرض لها من قريب او بعيد ...
انا معي بالمعهد لايقل عن 4 الى 5 منقبات وامورهم كلها سليمة سواء بالمعهد او التسوق او اجراءات المدينة ولا أذكر احد ذكر مشكلة بهالأمور ..
الله يريحك لأن زوجتي شايله هم الموضوع هذا وكذلك انا
في الغالب صعب تجد مدينة فيها اماكن ترفيه وبحيرات وانهار ومن هالكلام وتجد اسعاراها مناسبة .. كل ماقلت اماكن الترفيه والمناظر الجميلة قلت التكلفة ..
أنا مثل اللي يقولون طرار ويتشرط هههههه
اغلب العوايل تسوي حركة حلوة .. يسكن في ولاية مناسبة ويكون قريب منها اماكن ترفيه كثيرة .. ويطلع لها بالسيارة كل ويك اند ومشوار ساعة ونص بالسيارة
فكره حلوه ما خطرت على بالي وحتى أنا ناوي اشتري سياره وراح تكون انسب من السكن هناك
بالتوفيق
الله يجزاك خير اخوي ( البعثة ماهي لعبة ) والله افدتني كثير ومعلومات قيمة كنت محتاجها والله بوفقك بدراسك ويحفظك ويرزقك بك ما تتمنى