مبتعث مستجد Freshman Member
السعودية
Rango , أنثى. مبتعث مستجد Freshman Member. من السعودية
, مبتعث فى السعودية
, تخصصى طب
, بجامعة university of tam
- university of tam
- طب
- أنثى
- tamm, florida
- السعودية
- Nov 2011
المزيدl November 13th, 2011, 07:48 PM
November 13th, 2011, 07:48 PM
السلام عليكم ياشباب ....
تكفووون انا محتاجكم والله اني في هم ما بعده هم أنا لي في أمريكا شهرين تقريبا وإلى الحين ما أحس اني تعلمت ولا شي .. لأني في معهد تجاري والولايه مرره ما أعجبتني والعوائل ممممممتتت وأنا أدور عوائل مالقيت عائلة كويسه ..
المهم ياشباااب أبي أنقل لولايه كلفورنيا وش رايكم فيها ؟؟ صراحه انا ما ادري أي مدينه بالظبط بس كل اللي اعرفه ولايه كلفورنيا .. وش رايكم فيها ؟؟ وهل فيها معاهد وجامعات قويه ؟؟ ووش أفظل مدينه في ولايه كلفورنيا ؟؟
وهل يوجد عوائل أقدر أسكن معهم !! ؟؟
تكفووون أبي قبول جامعه ومعهد تابع للجامعه والله اني تعبت تعبت تعبت
واذا سجلت في جامعه هل الغي قبولي السابق في الجامعه او وش اسوي بالظبط !! ؟؟
وآآآخر سؤااال وأهم سؤاااال .... هل اذا بنقل من ولايه لولايه لازم تحقيق من الملحقيه ؟؟ يعني انقل عاادي أنقل ولا لازم اروح لللملحقيه و سؤال وجواب وووو ؟؟؟؟ الله يعينك يا رب
ارجوا من الاخوان إفادت أخونا
Decent November 13th, 2011, 07:54 PM
7 " طيب يمكن المشكله منك انت مو في المعهد
ادخل مواقع لتعليم اللغه الانجليزيه
واتكلم مع امريكان كثيير حتى لو ماكنت مع عايله تقدر تتعلم
moo77dy November 13th, 2011, 09:04 PM
7 " اخي الكريم لاتشيل هم شهرين واربعه ولابتحس انك تعلمت لاكن بعد 6 شهور بتبدا تنطلق باذن الله
انا انصحك والنصيحه لله انك تبتعد عن كاليفورنيا لان اكثر اللي فيها مكسيك وجنسيات مختلطه صحيح فيها امان ولان مافيها تعليم لغه
انا الان في uci ارفاين اخذت فيه مقلب قوي ا90 بالميه مدرسينه يابان وايرانيين و99 بالميه في الفصل عرب كيف انا بتعلم وكيف اذا المدرسه الايرانيه تتكلم عربي لاكن لاحياه لمن تنادي
اذا ودك تتعلم حاول تستشير ناس عايشين في المدينه وتسال عن المدرسين وفقك الله اخي الكريم
alhol November 13th, 2011, 09:33 PM
7 " ياخوي والله ماراح تتعلم لغة اذا انت حاط في بالك فكرة انك ماستفدت من شهرين .. قبل شهرين وش كنت تعرف والحين وش صرت تعرف .. لانقيس الامور بعجلة وسباق مع الزمن .. ذاكر واجتهد واطلع سولف مع الاجانب وتابع محطات تلفزيون اجنبية واقرا مجلات وكتب تلقاها بدولارين ثلاث .. لاتقول ماقدرت ولا استفدت .. كثير اول شهرين مايتكلمون صح .. انا داخل على الشهر الثالث وقدرت اطور نفسي لاني ماسك الكتب والتلفزيون واسولف مع اجانب قد ما أقدر .. صح اني مقصر والمفروض اذاكر اكثر واراجع لكني ماقلت لنفسي ماقدرت الظروف صعبة رغم اني تبهذلت وعشت ظروف صعبة لكن التوكل على الله والثقة بالنفس والهدوء في اتخاذ قرارت كلها امور تساعد على تجاوز الأزمة .. مستحيل من شهرين تصير بلبل ..
انا اقول لو تستخير الله وتفكر زين بيكون احسن لك ..
اسمع قرآن كثير واستغفر كثير ومافيه الا الخير لك ..
بالتوفيق
البعثة ماهي لعبة November 13th, 2011, 09:55 PM
7 " كلغه ما انصحك في كاليفورنيا !!
لكن انصحك تنقل من المعهد التجاري لاي معهد تابع لجامعه
مـ ع ـآند خفوقه ~ November 14th, 2011, 04:16 AM
7 " ابعد عن فلوريدا هذا اللي اقدر اقووله
انا بفلوريدا كلها سعوديين
لو تتنط بمسبح تلقى سعودي جنبك هههههه
..
nawaf.s.z November 14th, 2011, 05:06 AM
7 " اللغه تحتاج وقت وتحتاج جهد مع بعض وشهرين قليله انك تشوف نفسك تطورت على الاقل تحتاج 6 اشهر وصدقني المعاهد ماتفرق صحيح بعضها شديد وبعضها متساهل بس النسبة متقاربة يعني المعهد يعطيك اكثر شي 30% والباقي عليك
وابي اعطيك نصيحة اقرا واسمع اقرا واسمع بعدها راح تتكلم وتكتب بشكل جيد واللي يقول سعوديين ياخي الناس درست في جامعة البترول كلها سعوديين والمجتمع سعودي وجابو درجات بالتوفل ولغتهم تمام والله اللغة على الشخص مو المعهد وهذي حقيقة لازم نعرفها - صحيح اذا كان مافيه سعوديين تضطر تستخدم اللغة ويساعدك بس ممكن تستخدمها حتى مع اصحابك وتستفيد منهم
بالتوفيق
الشملاني 2009 November 14th, 2011, 07:32 AM
7 " الله يعينك يا اخوي ويسهل امورك
ومثل ما قالو الاخوان اللغه تعتمد على الشخص اكثر من المعهد وانت الحين صار لك شهرين
يعني الفتره مو كافيه لتتعلم لغه شد على نفسك شوي اللغه تبغى تمرين مررن نفسك تحدث واقرا واسمع والله مايمر 6شهور
الا وانت ملم باللغه ومعك معك بتصير بلبل بس اهم شي ماتشوف نفسك علينا <<<<<دووعابه
المهم لا تحبط نفسك وتثبط معنوياتك بتكون زيرو لو درست سنه اهم شي العزيمه والاصرار
اتمنى لك التوفيق والتيسير
م
اكبر طموح November 14th, 2011, 07:44 AM
7 " طبيعي انتا لسا بااول شهررؤين واكيد انتا اتحسنت بس موحاسس بالفرق دحيين
وزي ماقالو الاخوان والاخوات انتا لا تحط كل اعتمادك ع المعهد لازم تقرا كتب وتشوف اخبار وتنزل تحتك بالناس عشان تاخد اللغه منهم
والله يوفقك ياررررب
roresh November 14th, 2011, 12:08 PM
7 "
November 13th, 2011, 07:48 PM
السلام عليكم ياشباب ....تكفووون انا محتاجكم والله اني في هم ما بعده هم أنا لي في أمريكا شهرين تقريبا وإلى الحين ما أحس اني تعلمت ولا شي .. لأني في معهد تجاري والولايه مرره ما أعجبتني والعوائل ممممممتتت وأنا أدور عوائل مالقيت عائلة كويسه ..
المهم ياشباااب أبي أنقل لولايه كلفورنيا وش رايكم فيها ؟؟ صراحه انا ما ادري أي مدينه بالظبط بس كل اللي اعرفه ولايه كلفورنيا .. وش رايكم فيها ؟؟ وهل فيها معاهد وجامعات قويه ؟؟ ووش أفظل مدينه في ولايه كلفورنيا ؟؟
وهل يوجد عوائل أقدر أسكن معهم !! ؟؟
تكفووون أبي قبول جامعه ومعهد تابع للجامعه والله اني تعبت تعبت تعبت
واذا سجلت في جامعه هل الغي قبولي السابق في الجامعه او وش اسوي بالظبط !! ؟؟
وآآآخر سؤااال وأهم سؤاااال .... هل اذا بنقل من ولايه لولايه لازم تحقيق من الملحقيه ؟؟ يعني انقل عاادي أنقل ولا لازم اروح لللملحقيه و سؤال وجواب وووو ؟؟؟؟