استشاارهـ وارجو التجااوب.<< اخوكم وضعه صعب,,
السلام عليكم ورحمة الله وبركاته:
كيف ياشباب انشاء الله بخيــر ,, حبيت استشيركم عن وضعي قدر الله علي وتخرجت من الثانوية عام 1431 بنسبة 96% وفوااصل علمي <<حلوه قدر الله علي احسس اني جالس اشحذ عند باب مسسجد ,واقولكم عاد حبيت اقدم علي بعثة بس كانت درجة القدرات ماتأهلني للبتعاث لانها اقل من 70 كانت 68 والتحصيلي كان 66 بس قلت خليني اسجل بالكلية الي عندي بالافلاج تخصص لغة انجليزية وانا الحين بالمستوى الثالث ولله الحمد ومعدلي كويس بس تبون الصراحه والله نفس ادرس الطب بس تصدقون توي ادري اني اقدر ادرس على حسابي لمدة شهرين او اقل ثم انضم للبتعاث على حساب الدوله هل هذا الكلام صحيح.
وياليت تنصحوني اكمل بكالوريوس لغة الانجليزية والا تركها واروح بعثه على حسابي بس وياليت تقوولوني هـالانضمام على حساب الدوله مضمون والا اخاف انشب هناك صراحه مزانيتي ماتسمحلي ادرس خمس او ست سنوات والمشكله بعد اكون انا فصلت من الكلية يعني يروح علي كل شئ وأتمنى منكم التجاوب لاني والله ماعرف الي للي ولي علي وشــكرأ.:(
رد: استشاارهـ وارجو التجااوب.<< اخوكم وضعه صعب,,
رد: استشاارهـ وارجو التجااوب.<< اخوكم وضعه صعب,,
حبيبي
أكمل المشوار اللي بدأت فيه ، وحاول الحصول على معدل عالي لأجل الابتعاث للماجستير مستقبلاً .
ربنا يوفقك
رد: استشاارهـ وارجو التجااوب.<< اخوكم وضعه صعب,,
لابد من الاستخارة و الاستشارة قبل كل شي
رد: استشاارهـ وارجو التجااوب.<< اخوكم وضعه صعب,,
اخوي ما دام انك في المستوى الثالث و معدلك كويس مثل ما تقول كمل و حاول انك تتخرج بمعدل عالي عشان تبتعث للماستر مستقبلا باذن الله ،
ترى قبول و دراسة الطب ماهي سهله وبعض الجامعات اذا ينزل معدلك عن 3 من 4 يعطونك انذار و اذا ما قدرت ترفع معدلك للثلاثه يفصلونك ، فما دام ن امورك ماشيه زين لا تخرب على نفسك . ثم ان الانظمام للبعثه مش مضمون في الشهر الاول و لا الثاني ولا الثالث واذا طبقت الشروط يبي لك تكمل اللغه و بعدها 30 ساعه و بمعدل لا يقل عن 2.5 من 4
انتبه و حط كل شىء في حسابك و الله يوفقك .