عرض للطباعة
السلام عليكم ورحمة الله وبركاته....
اخواني انا من طلاب المرحلة السابعة تخصصي محاسبة درجة ماجستير محتاج معلومات عن المعاهد والجامعات المناسبة من ناحية الامان والمعشية والعنصرية و الاجواء وغيرها حتى اراسل الوزارة للحصول على ضمان مالي ...
ثانيا لاصحاب الخبرة ماهي نصيحتكم لي..
شاكر لكم حسن تعاونكم....
اخوي شف بما انك تبي نصيحه وتحصل ولايه ومدينه ومعهد يناسبك ترا يبيلك اقل شي 10 ايام دراسه عن طريق
المنتدى يعني تشوف الولايات الشرقيه مثلا وش المميز وش العيوب فيها انا بعطيك وجهت نظر على حسب وضعك
اذا عائله او لحالك ابدا مثلا في الولايات الشرقيه ادخل قسم الولايات الشرقيه في المنتدى وابدا ابحث وافتح كل المواضيع
وحاول تقرا وتراسل الشباب الي موجودين في الولايه المعينه على الخاص صدقني اخوي انا معك انك تكتب موضوع وتنتظر
الاجوبه لكن ترا طول الشغله يعني ما راح تلقى كل الشباب يدخل ويقعد يفصل لك نصيحه من مجرب انت ادخل على المواضيع
وراسل الشباب على الخاص واكتب ردود صدقني بتتعب لكن ان شالله راح تلقى الي يناسبك هذا والله من واقع تجربه ابعطيك
قصتي باختصار انا قبل كذا سئلت مثلك وانواع الاجوبه الولايه الفلانيه حلوة وفيها وفيها والولايه الفلانيه احسن فيها كذا وكذا
ورحت بهذي الطريقة لولايه اوريجن صحيح هي حلوة وفيها وفيها لكن ما ناسبتني من اول يوم واللاه جلست اربع اشهر حاولت
استمر لكن الوضع ما كان مناسب فصدقني اخوي نصيح لاني شفت موضوعك من الظهر ولا احد رد فقلت لازم اقول الي في خاطري
اسف طولت عليك قل طولت بقوة جاني النوم او شكلك قاعد تاكل شيبس الحين حشا فيلم ذا مهيب نصيح لكن صدقني اختيار الولايه
ترا شي صعب شوي يعني على بلاطه لا تطب في اي ولايه الا وانت دارسها وعارف كل شي بالتفصيل عرفت ؟
ايه عرررررفت خلاص لا عاد تكتب ........... شي @ لا بس اقولك ..
...... خلاااااااااااااااااص فهمت مشكور وما قصرت ههههههه سلام الله يوفقك دنيا واخرة يا بطل وترجع رافع راسك ولا تنسانا من دعاك