رد: طريقة الانضمام للبعثة
1- بالنسبه للتقديم للبعثه بدري عليه , لازم تروح بلد الابتعاث وتفتح ملف دراسه على الحساب الخاص , وبعدها تفتح طلب الحاق بالبعثه , يعني لازم تروح اول ثمن تسويها .
2- تقدر تقدم لهم الفيزا من الحين بس بتذكر تاريخ متوقع لدخولهم امريكا , مو لازم تعلمهم انهم بيروحون معك اذا ما تبي تطلع لهم الفيزا الحين .
3- ما ادري غريبه ما بتدرس معهد لغه قبل الجامعه .؟ , بس ما يحتاج تروح واشنطن D.C ابدا , على فلوريدا علطوووول افضل لانك بتسوي كل شي بالنت
واحسنت الاختيار , ديتونا بيش من اجمل مدن فلوريدا بعد فورت لودرديل وميامي ..
رد: طريقة الانضمام للبعثة
الله يكثر خيرك اخوي نواف على ردك المفيد جدا
انا ما راح ادرس بمعهد لغة لاني عديت متطلبات الجامعة غير كذا ناس نصحوني اني ادخل المعهد حق الجامعة حتى لو ما احتاج اللغة من باب كسب الوقت و المصاريف الين ما انضم للبعثة بس ما ادري ماني متحمس للموضوع هذا طالما ان معاي قبول غير مشروط و اي توني باستلمه قريب و على حسب ما سمعت ان التخصص اللي راح ادرسه مطلوب و اتوقع ان الملحقية توافق على طلبي للانضمام بس ما ادري بالضبط ايش هي الخطوات حقت التقديم عشان كذا اسأل ,,, و ابي استفسر منك اذا ما عندك مانع ايش افضل خط سير طيران من الرياض الين ما اوصل لديتونا ؟
مشكور مرة ثانية و ما قصرت
رد: طريقة الانضمام للبعثة
لازم تفتح ملف اول ماتوصل بعدين تقدم طلب من الموقع اللي هو طلب انضمام للبعثه وبعدين انتظر لما يجيك الفرج انا صارلي ٣ شهوور مقدم وللحين انتظر الرد..
بس معليه سؤال خارج الموضوع انت مراقب جوي .. تبي تكمل دراسه المراقبه الجويه بجامعه فلوريدا لاني شفت الجامعه اللي هناك حقت الطيران .. او انك تبي تصير كابتن ؟؟ وبالتوفيق .. لانه انا ماادري ناوي على الطيران
بالتوفيق