ووووووووووووواااك تكفووون يارجال الابل راحت ابي ارجع للسعوديه المزاين قربت!!!!! تكفوو

سلام عليكم ورحمة الله وبركاته
ياشباب الله لايهينكم اللي عنده اجابه باسرع وقت تكفوووون

اليوم رحت ابي اسوي ترانسفير من معهدي للجامعه لاني ابي ابدا بالسبرنق وكنت غايب الاسبوعين اللي راحت عن المعهد وكتبوا بورقة الترانسفير انه مااحضر ولا يوم من يوم بدا المعهد 7 نوفمبر الي ذا اليوم ووقعت ورقة الترانسفير وعطتني اياها تتوقعو انها تضر قبولي من الجامعه ولا هناك اي مشكله من الامقريشن

المشكله اني ابي امشي الجمعه للسعوديه وخايف يصير مشاكل

نعم يمكن تضرك ويمكن يتم إلغاء رقم السيفس والفيزا بسبب الغياب .
إذا حصل هذا الشيء فلا تفوت على نفسك مزاين أم رقيبة .

الف شكر رصيف الشمس علي الرد لاكن هل انت متاكد وسمعت احد صار له نفس القصه ولا تقول يمكن

نعم حصلت لأناس قبلك ، لأن بعض ربعنا إذا وصل أيامه الأخيره في المعهد ما عاد يعطيون المعهد وجه ويبدأوا بالتطنيش والاستهتار....الخ
إن شاء الله تعدي أمورك على خير .

في واحد من الشباب حطوا على الاي توني حقه ( اكسنديد ) قبل يومين بسبب الغياب وهو بآخر ليفل ..!!

واعطوه 15 يوم لتغيير المعهد يعني شوف وضعك اهم شي تأكد من الفيزا لا تنلغي ..

لا تمشي على الاحتمالات خصوصا لو كان وراك تجديد للفيزا ,, دام الوضع فيه مغامرة خلك في امريكا ولا ترجع الا بعد ماتخلص ترم في الجامعة ,, وحاول تستفسر من ادارة المعهد عن التبعات القانونية عشان تمشي على المضمون

:no:
المززاين قربت وش عليك يعني طنش ماتفيدك
ياناس فيه احد تحصله الدراسه ويغيب:( ااااااااااااااااااااااااااااااااه متى تحصل لي بس
اكيد بيضررك ..الله يسهل عليك..

ممكن سؤاال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كيف مدينه مدسن ثلج صحح أبرد شي في عالم بالله ؟؟تصلح لددراسه بمااني بروح لها شهر3
هل مدينه ممله ؟
والناس اللي فيها كيف الاخلاق وتعامل مع العربي؟
فيها اشياء ترفيهيه..العاب منتزهات

اخترتها لان بعد بحث تبين لي انه معيشتها لابأس فيها ومدينه جميله وواهل مدينه ططيبين لكن يعيبها فقط البرد...هل هذا صحيح...

تبي رايي ؟ إترك الدراسة يا رجال وش لك فيها وإرجع للسعودية عشان يمديك على مزاين أم رقيبه .. خل الدراسة لأهلها ..

ماكفتك المزاين اللي هناك ياراعي المغاتير

المزااين لاحق عليها وانا اخوك ان ماحصلتها هالسنه تحصلها السنه الي عقبها ان شاء الله
وانت اذا جبت الشهاادة ارجع السعودية ياشيخ وسو مزااين بحوش بيتكم ان بغيت

عموما اسئل المعهد نفسه وامش ع العلم الاكيد وريح بالك

بالتوفيق