ارجو تزويدي بالنصائح والارشادات رجاء تكفون

السلام عليكم
ياجماعة انا بسافر امريكا بعد شهر باذن الله تعالى وبالتحديد ولاية انديانا
وابي نصائحكم من ناحية :
- كم المبلغ اللي يكفيني لمدة شهر ؟
- ايش للي المفروض احضر له قبل السفر؟

وياليت من تجاربكم تفيدوني وتنصحوني ايش اسوي قبل السفر وبعد ماوصل

السلام عليكم
والله انا باعطيك نصيحتي لاني مجرب انت حاول تاخذ معك الكاش على قدر حاجتك يعني لا تكثر مثلا 1000 دولار مثلا يكفيك لان ممكن اول ما توصل ما يتوفر سكن واين كان... والخ يكون معك احتياط على قدر حاجتك
انا اصحابي الى في انديانا يقوولو برد فخذ معك ملابس حقت شتوووية ونصحية خذ اشيائك الى انت تحتاجه لا تزود لان بعدين حتعجز في الاشياء الى ما تستخدمها بعدين لما تستقر مثلا ملابس ما تلبسها دايم لان هنا راح تلاقي نفسك بعد فترة راح تنزل السوق وتقضي ...
خذ ماكولات معلبات لاول ايام لانك راح تتوهق اذا كانت لغتك ضعيفة مثلي يعني لا تجيب معك السوبر ماركت بالبنقالي الى يبيع فيها ... لا شي قليل حق اول ثلاث ايام راح تكون غشيم فيها طبعن
ولكن انا والله عنيت من الاكل اول ثلاث ايام... والله يوفقك

تسلم حبيبي ماقصرت
طيب سؤال
هل احتاج اخبر الملحقية عن موعد السفر ولا كيف؟
شلون يعرفون اني وصلت امريك؟

وعندي استفسار اخر بخصوص اجهزة اللاب توب
هل يتم تفتيش عليها من نايحة الوندوز والبرامج الاصلية من التجارية؟

نعم والافضل انك تسويله فورمات قبل تجي لانهم متشددين جدا على سالفة البرامج وبالتوفيق لك

هلا فيك
اول شئ اتمنى لك التوفيق ان شاء الله

بالنسبة للاشياء المهمه تعتمد على المنطقة اللي رايح لها
مثلا اذا كانت منطقة باردة وثلوج تكون اخذت احتياطك قبل تجي
وجبت معاك ملابس شتوية واحذيه مرتفعه عشان الثلج مثل ماركة كاتربلر
ايضا اذا كنت تحب الطبخ جب معك بهارات من السعودية
ولاتنسى العسل والحبة السوداء وبعض الاشياء اللي تنفع وقت الزكمة مثلاُ

بالنسبة للفلوس لاتأخذ معك كثير خذ ٢٠٠٠ دولار واذا وصلت هنا خل اهلك يحولوا على حسابك الامريكي
السكن والمصاريف هنا تعتمد على المنطقة اللي انت فيها
بعض المناطق يوصل سكن الغرفه ٦٠٠ دولار ومثلها اكل وشرب
وبعض الشباب اعرفهم هنا ساكن بـ ٦٠٠ ويصرف ٤٠٠ اكل وشرب
يعني مصروفه الشهري ١٠٠٠ دولار وبعض الشباب مكافأه البعثه ماتكفية في الشهر


توصل بالسلامة ان شاء الله