عرض للطباعة
السلام عليكم ورحمة الله وبركاته
انا خريج كلية تقنيه تخصص (ادارة مكتبية ) سنتين ونصف وزوجتي معيدة تخصص (رياض اطفال )وراح تبتعثها جامعة جازان لاميركا لتكملة الماجستير وانا موظف حكومي وراح ارافقها
بصراحة ماني عارف ايش اسوي من البدايه وايش هي الطلبات الخاصة بي بس عندي السؤلين هذي لو احد مر بتجربه زيي الله يوفقه لا يبخل علي بشي
هل استطيع ان اكمل درسة البكاليوس لتخصصي وانا مرافق معها ؟
هل الدراسة على حسابي وكم التكلفة او انضم للبعثة وكيف؟
تقدر تكمل البكالوريوس إذا الجامعة تعتمد لك عدد الساعات .
لا تخاف لأنك تقدر تدرس بكالوريوس وماستر من جديد وعلى حساب الحكومة دام زوجتك مبتعثة للماستر والدكتوراه .
ربنا يوفقكم
مشكور يارصيف الشمس
بس كيف الخطوات وايش هي الجامعات الي تقبل بي انا وزوجتي سواء
سعيد
مسألة تنقبل أنت وزوجتك في جامعة واحدة صعبة لكن مو مستحيلة .
بما أن زوجتك هي الأصل لأنها معيدة ، حاولوا تروحوا منطقة فيها جامعات كثير ، عشان يكون عندكم خيارات أكثر في المستقبل .
مثلاً : عندنا في مدينة سنسناتي جامعتين ، وعلى بُعد ١٠ كيلو هناك جامعة ثالثة تابعة لولاية كنتاكي وتعادل ساعات الدبلوم وأمورها سهالات ، وعلى بُعد ٣٥ كيلو فيه جامعة رابعة ولها فرع داخل مدينة سنسناتي .
كل الجامعات الأربع عندها تخصصات تربوية ، ويمكن زوجتك تنقبل فيها لو جابت الشروط المطلوبة .
المقصود: ابحث عن مدينة فيها جامعات كثيرة عشان ترتاحوا في المستقبل لأن الملحقية ما تقبل تكون جامعة المبتعث والمرافق أبعد من ٥٠ ميل .
ربنا يوفقكم ويحقق أمانيكم
الله يسعدك ويوفقك يارب
ممكن اعرف ايش هي اكثر المدن فيها جامعات كثيرة ومعترف بها ورخيصة في السكن والمعيشه