أبي شخص منكم يختار لي ولاية ادرس فيها .
السلام عليكم ورحمة الله وبركاته ،،،
انا خريجة جامعة الملك سعود كلية الحاسب والمعلومات تخصص تقنية معلومات ..
حابة انمي مهارة الحديث والحوار عندي... الحمدلله عندي رصيد جيد باللغة الانجليزيه بس احتاج ممارسة عشان اعرف تكلم بطلاقه
لذلك قررت ادرس في امريكا ..
الدراسه في البداية رح تكون على حسابي ... لاني بصراحه انا انسانه غير اجتماعية ويمكن اتعرض لمرض نفسي لحالي هناك من الغربة.. ولا اقدر اكمل واقرر فجأه ارجع بيتنا .:p
قررت ادرس شهرين او 3 شهور لغة والسكن مع عائلة عشان حابه امارس اللغة اكثر من دراستها ..واذا شفت وضعي كويس واتطور بسرعه بقدم بعثه واكمل ماستر
بس بصراحه ماعندي خلفيه عن امريكا ولا عمري طبيتها .. احتاج مساعدتكم بهالموضوع ... ابي احد يختار لي ولاية زينه من حيث اهلها.. ابي ناس حبوبه طيبه يعطوني وجه يسولفون معي مابي شعب مغرور ومدينة ماتطفش يعني اسواقها زينه جوها معتدل تراني احب الصيف اكثر من الشتاء .
انا بحثت كثير وقريت كثير ولا أدري يمكن احصر لكم بعض الولايات او المدن الي ممكن اروح لها وهي :
كولورادو
بورتلاند
سياتل
من خلال خبرتكم وش تحسون احسن شي من ذولي ، ابي اطور لغتي اولاً واذا شفت وضعي كويس والمدينة زينه كملت ماستر تخصص تقنية معلومات او اي تخصص آخر له علاقه بالحاسب
لي عودة لقراءة الردود
اختكم / هيفاء
رد: أبي شخص منكم يختار لي ولاية ادرس فيها .
من حيث طيبة الشعب والfriendliness سكان المناطق الشمالية والشرقية والغربية هم اكثر الناس ودية المناطق الجنوبية ليسو بتلك الودية بالاضافة الى "الغزو" من قبل المكسيكان فالمتحدثيين بالاسبانية في تلك المناطق في ازدياد . بورتلاند وسياتل مدن جيدة ومناسبة لك
رد: أبي شخص منكم يختار لي ولاية ادرس فيها .
مادري انا ضايعه صدق مادري وين اروح ولا وش اختار
ساعدوني اكثر الله يعافيكم
رد: أبي شخص منكم يختار لي ولاية ادرس فيها .
كولورادو
بورتلاند
سياتل
جيده لكنها بارده بالشتاء و انتي تقولين انك ما تحبي الولايات البارده ،
تكساس جوها مقارب لجو السعوديه و مستوى المعيشه فيها معقول .
رد: أبي شخص منكم يختار لي ولاية ادرس فيها .
روحي ماريلاند مقاطعة بالتيمور حتى فيها نفس تخصصك اذا بتكملين في نفس الجامعة.
تحياتي...
رد: أبي شخص منكم يختار لي ولاية ادرس فيها .
اقتباس:
المشاركة الأصلية كتبت بواسطة برنس أبها
روحي ماريلاند مقاطعة بالتيمور حتى فيها نفس تخصصك اذا بتكملين في نفس الجامعة.
تحياتي...
ياليت تعطيني اسم الجامعة عشان اقرا عنها واشوف معاهد واشيك على المكان بقوقل ايرث :p
رد: أبي شخص منكم يختار لي ولاية ادرس فيها .
اقتباس:
المشاركة الأصلية كتبت بواسطة mso
كولورادو
بورتلاند
سياتل
جيده لكنها بارده بالشتاء و انتي تقولين انك ما تحبي الولايات البارده ،
تكساس جوها مقارب لجو السعوديه و مستوى المعيشه فيها معقول .
تكساس جنوب صح ؟
اهلها كويسين طيبين ؟؟ يقول ناسا الولايات الجنوبيه مب مررره حبوبين :(
رد: أبي شخص منكم يختار لي ولاية ادرس فيها .
نعم تكساس في الجنوب الاوسط ، انا عايش فيها و ارى ان اهلها طيبين و فرندلي .
رد: أبي شخص منكم يختار لي ولاية ادرس فيها .
رد: أبي شخص منكم يختار لي ولاية ادرس فيها .
اختي هيفاء ،،
اذا الوضع على 3 شهور وتبين تسكنين مع عائله ،، انصحك بكاليفورنيا ،، او اوريقون ،،